सशान्त तामाङ

थाहा नगर, पुस २९ गते । थाहा नगरबासीका लागि खुसीको खबर आएको छ। मकवानपुरको चित्लाङ–बज्रबाराही–कुन्छाल सडक खण्डको विस्तार तथा स्तरिकरणका लागि एकमुष्ट रूपमा २५ करोड रुपैयाँ स्रोत व्यवस्थापन गर्ने निर्णय भएको छ। चित्लाङ बज्रबाराही कुन्छाल सडक अन्तर्गत बज्रबाराही दुप्चे बजार हुँदै कुन्छाल भञ्ज्याङसम्मको सडक विस्तार तथा स्तरिकरण गर्न र चित्लाङदेखि लिलाखेलसम्म आवश्यक स्थानमा सडक स्तरिकरण कार्य सम्पन्न गर्न उक्त बजेट विनियोजन गरिएको हो। नेकपा एमालेका नेता महेश बर्तौलाले सामाजिक सञ्जालमार्फत यस निर्णयका लागि संघीय भौतिक पूर्वाधार तथा यातायात मन्त्रालय सम्बद्ध सम्पूर्ण अधिकारीहरूलाई आवश्यक सहयोग र सहजीकरण गरेकोमा धन्यवाद व्यक्त गरेका छन्। उनका अनुसार बिपद्का समयमा अन्य सडक मार्ग अवरुद्ध हुँदा…

हेटौंडा, पुस २९ गते । मकवानपुर जिल्लावासीलाई खुसीको खबर प्राप्त भएको छ। त्रिभूवन राजमार्गअन्तर्गत भैसे–हेटौंडा सडक खण्डमा पर्ने बाघझोरा खहरे खोलामा पुल निर्माणका लागि प्रारम्भिक रूपमा १० करोड रुपैयाँ बजेटको स्रोत सुनिश्चित भएको छ। नेकपा एमालेका नेता तथा पूर्व प्रतिनिधिसभा सदस्य महेश बर्तौलाले सामाजिक सञ्जालमार्फत जानकारी दिँदै, बाघझोरा खहरेका कारण हरेक वर्ष हजारौं यात्रुले भोग्दै आएको सास्तीलाई अन्त्य गर्न दीर्घकालीन समाधान खोजिएको बताएका छन्। उनका अनुसार, ओभरपास वा अण्डरपासमध्ये कुन विकल्प उपयुक्त हुने भन्ने विषयमा प्राविधिक अध्ययनसहित निर्माण प्रक्रिया अघि बढाइनेछ। बर्तौलाका अनुसार, आफू प्रतिनिधिसभा सदस्य रहँदा निवर्तमान प्रधानमन्त्री केपी शर्मा ओली र तत्कालीन संघीय भौतिक पूर्वाधार तथा यातायात मन्त्री…

लाम्सुरे धाप, पुस २८ गते । हेटौंडा उपमहानगरपालिका मेयर मिना लामाले आफ्नो जन्मदिनका अवसरमा शुभेच्छुकबाट प्राप्त माया, स्नेह र सम्मानले आफूलाई मानवसेवा र सामाजिक उत्तरदायित्वप्रति अझ उर्जावान बनाएको बताएकी छन्। सामाजिक सञ्जालमार्फत भावनात्मक सन्देश व्यक्त गर्दै मेयर लामाले हरेक वर्ष पुस २८ ले आफूलाई असंख्य शुभेच्छुकको प्रेम बोकेर आउने गरेको उल्लेख गरेकी छन्। जन्मदिनका अवसरमा उनले विशेष रूपमा आफ्ना बुबाआमा, विशेषगरी आमाको सम्झना गर्दै विगतका संघर्षपूर्ण दिनहरूलाई आत्मसात् गरेको उल्लेख गरेकी छन्। ठूलाठूला उपलब्धि हासिल गर्ने अपेक्षा नराखे पनि साना दुःखबाट पीडित मानिसलाई सक्दो सहयोग गर्ने चाहना र प्रयास निरन्तर जारी रहेको उनको भनाइ छ। उमेर उकालो लागिरहेको अवस्थामा पनि…

हेटौँडा, पुस २८ गते । व्यापक भ्रष्टाचार, अनियमितता र जिम्मेवारीविहीन नेतृत्वका कारण जनजीवन झनै दयनीय बन्दै गएको तितो यथार्थलाई ध्यानमा राख्दै सेवा, सहयोग र आवाज संस्थाले मकवानपुरभरि सचेत मतदाता निर्माणका लागि जनजागरण अभियान सञ्चालन गर्ने निर्णय गरेको छ। संस्थाका अध्यक्ष तथा सामाजिक अभियन्ता विशाल राज महतले सामाजिक सञ्जालमार्फत सार्वजनिक गरेको धारणा अनुसार अब मकवानपुरवासीले झुटा आश्वासन र आकर्षक नाराभन्दा माथि उठेर तथ्य, पात्रको इमानदारी, कर्म र जनसेवामा गरेको योगदानको आधारमा प्रतिनिधि छनोट गर्नुपर्ने आवश्यकता रहेको बताएका छन्। उनले पटक–पटक फरक–फरक दललाई जिताएर पठाउँदा पनि जनजीवन र देशको अवस्था सुधार हुन नसक्नुको मुख्य कारण उत्तरदायी नेतृत्वको अभाव रहेको उल्लेख गरेका छन्।…

हेटौंडा, पुस २७ गते । भैरव समूहका संयोजक दिभेष शाक्यले हेटौंडाको जनहित, सुशासन र दिगो विकासलाई केन्द्रमा राख्दै आगामी निर्वाचनमा उम्मेदवारी दिने तयारीमा रहेको संकेत गरेका छन्। उनले सामाजिक सञ्जालमार्फत सार्वजनिक गरेको सन्देशमा हेटौंडावासी आमाबुवा, दाजुभाइ तथा दिदीबहिनीहरूप्रति हार्दिक अभिवादन गर्दै आफ्नो राजनीतिक यात्राबारे धारणा राखेका हुन्। शाक्यले सार्वजनिक जीवनमा पूर्ण निर्दोष व्यक्ति नहुने यथार्थलाई विनम्रतापूर्वक स्वीकार गर्दै, अनुभव, सिकाइ र सुधारका अवसरलाई आत्मसात गरेर अझ जिम्मेवार, पारदर्शी र उत्तरदायी भूमिकामा अघि बढ्ने प्रतिबद्धता व्यक्त गरेका छन्। उनले आफ्नो यात्रालाई कुनै दबाब वा विवादले होइन, जनताबाट प्राप्त माया, भरोसा र विश्वास तथा स्पष्ट एजेन्डाले प्रेरित गरेको उल्लेख गरेका छन्। उनले…

हेटौडा, पुस २५ गते । हेटौंडा उपमहानगरपालिकाकी मेयरले मृत्युको मुखमा पुगेर बाँच्न सफल एक अनाथ शिशुलाई काखमा लिएको तस्बिर सामाजिक सञ्जालमा व्यापक रूपमा प्रशंसा भइरहेको बेला, सेवा सहयोग र आवाजमा हामीका अध्यक्ष तथा सामाजिक अभियन्ता विशाल राज महतले सो तस्बिरप्रति सम्मान जनाउँदै नेतृत्वको दायित्वबारे गम्भीर प्रश्न उठाएका छन्। सामाजिक सञ्जालमा सार्वजनिक स्टाटसमार्फत उनले उक्त कार्यलाई मानवीय र प्रशंसनीय भनेका छन्। तस्बिरमा जनप्रतिनिधिको जिम्मेवारीसँगै एक आमाको ममतामय भावना झल्किएको भन्दै मेयर धन्यवादको पात्र भएको उल्लेख गरेका छन्। तर उनले नेतृत्व केवल भावनात्मक तस्बिर र क्षणिक संवेदनामा सीमित हुन नहुने स्पष्ट पारेका छन्। अभियन्ता महतले हेटौंडा उपमहानगरका हजारौँ बालबालिका, गर्भवती महिला र…

हेटौडा, पुस २५ गते । भैरव समूहका संयोजक दिभेष शाक्यले देशमा मिडियाको कडा नियमन आवश्यक भएको बताएका छन्। उनले स्थानीय तहको निर्वाचनको समयदेखि नै आफूहरूले यस विषयमा निरन्तर आवाज उठाउँदै आएको र आज पनि त्यही धारणा दोहोर्याइरहेको उल्लेख गरेका छन्। सामाजिक सञ्जालमार्फत सार्वजनिक गरिएको आफ्नो धारणा व्यक्त गर्दै शाक्यले विशेषगरी पक्षपाती (biased) मिडिया, एजेंडा बोकेर समाचार बनाउने प्रवृत्ति र आफ्नै स्वार्थअनुसार सत्यलाई तोडमोड गर्ने कार्य देश र समाजका लागि खतरनाक रहेको बताएका छन्। उनले लेखेका छन्, “जब कुरा आफ्नै टाउकोमा आइपर्छ, तब मात्रै पीडाको अर्थ बुझिँदो रहेछ,” भन्दै गैरजिम्मेवार समाचारले व्यक्ति मात्र होइन, समग्र समाजलाई असर पुर्‍याउने चेतावनी दिएका छन्।…

हेटौडा, पुस २५ गते । भैरव समूहका संयोजक दिभेष शाक्यले ‘खैरो व्यापार, सुगर कारोबार’ विषयमा सामाजिक सञ्जालमार्फत सार्वजनिक गरेको कविताले अहिले व्यापक चर्चा पाएको छ। उनले कवितामार्फत राज्य प्रणालीभित्र मौलाउँदै गएको दोहोरो चरित्र, शक्ति केन्द्रित शासन र नियमनको कमजोरीमाथि गम्भीर प्रश्न उठाएका छन्। उनको कवितामा “फलामे ढोकाभित्र कुरा अर्कै, बाहिर अर्कै बोलियो” भन्ने पंक्तिले निर्णय तह र सार्वजनिक अभिव्यक्तिबीचको अन्तर उजागर गरेको छ। नियम–कानुन किताबमै सीमित भई शक्ति र पहुँचका आधारमा चल्ने प्रवृत्तिले आम नागरिक ठगिँदै आएको संकेत कवितामा स्पष्ट देखिन्छ। त्यस्तै “भित्र खैरो चिनिको कारोबार सहजै गुलियो” भन्ने पंक्तिले सुगर तथा खैरो व्यापारजस्ता अवैध वा अपारदर्शी कारोबारमा शक्तिशाली व्यक्तिहरूको…

हेटौडा, पुस २५ गते । महिला सेवा साकोसको आयोजनामा तथा हेटौंडा उपमहानगरपालिका वडा नं. १३ को आर्थिक सहयोगमा १० दिने डल कुसन बनाउने तालिम आजबाट सुरु गरिएको छ। तालिम कार्यक्रम संस्थाकी अध्यक्ष श्री अचला शर्माको सभाध्यक्षतामा सम्पन्न भएको हो। कार्यक्रमका प्रमुख अतिथि हेटौंडा उपमहानगरपालिका वडा नं. १३ का वडा अध्यक्ष श्री पेम्बा लामाले तालिमको औपचारिक शुभारम्भ गरेको थियो। उद्घाटन कार्यक्रममा बोल्दै उनले यस्ता सीपमूलक तालिमले महिलाहरूको आत्मनिर्भरता अभिवृद्धि गर्ने र स्वरोजगारतर्फ उन्मुख गराउने विश्वास व्यक्त गरे। तालिम मार्फत सहभागी महिलाहरूलाई डल कुसन बनाउने सीप प्रदान गरिने आयोजक संस्थाले जनाएको छ। १० दिनसम्म सञ्चालन हुने यस तालिमले महिलाहरूको सीप विकास तथा…