सशान्त तामाङ

हेटौडा,बैशाख २० गते । हेटौंडा उपमहानगरपालिकाकी प्रमुख मिना कुमारी लामाले हाल देशभर चर्चामा रहेको सुकुम्बासी बस्ती हटाउने विषयमा आफ्नो धारणा सार्वजनिक गर्दै विकासका लागि कहिलेकाहीँ कठोर निर्णय आवश्यक हुने बताएकी छन्। उनले सामाजिक सञ्जाल फेसबुक मार्फत व्यक्त गरेको विचारमा विकासको प्रारम्भ क्रूर देखिन सक्ने भए पनि अन्ततः त्यसले सुन्दर र दीर्घकालीन संरचना निर्माण गर्ने उल्लेख गरेकी छन्। उनले सुकुम्बासी बस्तीमा डोजर प्रयोग गरिँदा देखिएको पीडा र नागरिकको क्रन्दनप्रति संवेदनशीलता व्यक्त गर्दै यस्तो प्रक्रिया मानवीय रूपमा पीडादायी भए पनि दीर्घकालीन विकासको दृष्टिले आवश्यक हुन सक्ने बताइन्। उनका अनुसार भग्नावशेषपछि निर्माण हुने पार्क, सडक विस्तार तथा नदी किनारको व्यवस्थापनले शहरलाई व्यवस्थित र…

हेटौडा,बैशाख १८ गते । शिवम् सिमेन्ट उद्योगबाट निस्कने धुवाँ–धुलोका कारण स्थानीय बासिन्दाको स्वास्थ्यमा गम्भीर असर परेको भन्दै सामाजिक अभियान्ता तथा सेवा सहयोग र आवाज अभियानका अध्यक्ष विशालराज महतले कडा विरोध जनाउँदै आन्दोलनको घोषणा गरेका छन्। महतले सामाजिक सञ्जाल फेसबुक मार्फत सार्वजनिक गरेको आफ्नो धारणा मार्फत उद्योगको ज्यादती दिनानुदिन बढ्दै गएको आरोप लगाएका छन्। पटक–पटक आवाज उठाउँदा पनि समस्या समाधान हुन नसकेको र जनताको आन्दोलनलाई कमजोर बनाउन विभिन्न बहानाहरू प्रयोग गरिएको उनले उल्लेख गरेका छन्। १७ नम्बर वडाध्यक्षको संयोजकत्वमा गठन गरिएको समिति पनि समस्या समाधानभन्दा जनतालाई झुक्याउने उद्देश्यले बनाइएको अहिले स्पष्ट भएको महतको दाबी छ। समिति बनेपछि पनि उद्योगबाट निरन्तर धुवाँ–धुलो…

मनहरी गाउँपालिका,बैशाख १८ गते । मनहरी गाउँपालिकाले लैङ्गिक तथा यौनिक अल्पसंख्यक (LGBTIQ+) समुदायलाई लक्षित गर्दै विशेष कार्यक्रम सञ्चालन गर्ने भएको छ। गाउँपालिकाको १७औँ गाउँसभाबाट स्वीकृत वार्षिक कार्यक्रम अन्तर्गत उक्त समुदायका व्यक्तिहरूका लागि विनियोजित बजेट मार्फत कार्यक्रम सञ्चालन गर्न लागिएको हो। गाउँपालिकाले सूचना जारी गर्दै आफ्नो क्षेत्रभित्र स्थायी बसोबास गर्ने लैङ्गिक तथा यौनिक अल्पसंख्यक समुदायका व्यक्तिहरूलाई कार्यक्रममा सहभागी हुन आह्वान गरेको छ। सूचना प्रकाशन भएको मितिले सात दिनभित्र सम्बन्धित व्यक्तिहरूले आफ्नो विवरण दर्ता गराउनुपर्ने उल्लेख गरिएको छ। विवरण दर्ताका लागि मनहरी गाउँपालिकाको सामाजिक विकास शाखामा प्रत्यक्ष सम्पर्क गर्न सकिनेछ। साथै, यस क्षेत्रमा काम गर्दै आएको संस्था ‘फ्रेन्डस् हेटौडा, मकवानपुर’ (हेटौडा–४) मार्फत…

थाहा नगरपालिका,बैशाख १७ गते । थाहा नगरपालिका, मकवानपुरले ऐतिहासिक बज्रबाराही अजिमा जात्राको अवसरमा आगामी वैशाख २१ गते (सोमबार) नगर क्षेत्रभर सार्वजनिक विदा दिने निर्णय गरेको छ। नगर कार्यपालिकाको वैशाख १६ गते बसेको बैठकले हरेक तीन वर्षमा मनाइने यस महत्वपूर्ण सांस्कृतिक तथा धार्मिक जात्रालाई सम्मान गर्दै उक्त दिन सार्वजनिक विदा दिने निर्णय गरेको हो। नगरपालिकाका प्रमुख प्रशासकीय अधिकृत निरज पौडेलद्वारा जारी सूचनामा नगरभित्रका सम्पूर्ण सरकारी कार्यालय, शैक्षिक संस्था तथा सार्वजनिक निकायहरूमा विदा लागू हुने जनाइएको छ। बज्रबाराही अजिमा जात्रा थाहा नगरपालिकाको प्रमुख धार्मिक तथा सांस्कृतिक पर्वका रूपमा मनाइन्छ। यस अवसरमा स्थानीयवासीहरू परम्परागत रूपमा पूजा, जात्रा र विभिन्न सांस्कृतिक कार्यक्रमहरू आयोजना गर्दै…

हेटौडा,बैशाख १६ गते । हेटौडास्थित यातायात व्यवस्था कार्यालयमा सञ्चालन हुँदै आएको सवारीचालक अनुमतिपत्र (ड्राइभिङ लाइसेन्स) को प्रयोगात्मक परीक्षा प्रणालीप्रति असन्तुष्टि जनाउँदै सामाजिक संस्था “सेवा सहयोग र आवाजमा हामी (SSAH)” ले श्रम, रोजगार तथा यातायात मन्त्रालयसमक्ष ध्यानाकर्षण पत्र पेश गरेको छ। संस्थाका अध्यक्ष तथा सामाजिक अभियन्ता विशालराज महत नेतृत्वको टोलीले आज उक्त पत्र बुझाउँदै ट्रायल परीक्षामा पारदर्शिता अभाव, सेवाग्राहीलाई अनावश्यक झन्झट र केही व्यवस्थाहरू अन्यायपूर्ण रहेको उल्लेख गरेको छ। पत्रमा विशेषगरी ट्रायल परीक्षा स्थलमा जडान गरिएका सिसी क्यामेराको फुटेज कर्मचारीमै सीमित हुनु र सेवाग्राहीलाई हेर्न शुल्क लिनु पर्ने व्यवस्था प्रति आपत्ति जनाइएको छ। नेपालको संविधानको धारा २७ तथा सूचनाको हक सम्बन्धी…

हेटौंडा,बैशाख १५ गते । राष्ट्रिय स्वतन्त्र पार्टी (रास्वपा) का नवनिर्वाचित जनप्रतिनिधिहरू यतिबेला “जनताको मुद्दा सुन्ने” अभियानअन्तर्गत सार्वजनिक सुनुवाइमा व्यस्त देखिएका छन्। सामाजिक सञ्जालहरूमा पनि “माननीयको निर्देशन अनुसार…” भन्ने भावनाले भरिएका पोस्टहरू व्यापक रूपमा साझा भइरहेका छन्। यसले जनप्रतिनिधिहरूप्रति अपेक्षा र आशा दुवै बढाएको देखिन्छ। तर यही सन्दर्भमा सामाजिक अभियन्ता तथा “सेवा सहयोग र आवाज” अभियानका अध्यक्ष विशालराज महतले कडा खबरदारी गरेका छन्। उनले आफ्नो फेसबुक स्टाटसमार्फत सार्वजनिक सुनुवाइ कार्यक्रमप्रति प्रश्न उठाउँदै यसलाई “सुनुवाइ कि अभिनय?” भन्ने रूपमा टिप्पणी गरेका छन्। महतका अनुसार जनताको मुद्दा सुन्नु अघि राजनीतिक दलहरूले आफ्नै पार्टीभित्रको अनुशासन, नैतिकता र उत्तरदायित्व सुनिश्चित गर्नुपर्छ। उनले आफ्नै पार्टीका स्थानीय…