सशान्त तामाङ

हेटौडा,बैशाख ८ गते । सडक डिभिजन हेटौडाले महेन्द्र राजमार्ग अन्तर्गत पथलैया–चुरियामाई खण्डमा सडक सीमा मिचेर बनाइएका संरचना हटाउन पुनः अत्यन्त जरुरी सूचना जारी गरेको छ। डिभिजनले यसअघि २०७३ साल पौष १८ गते र २०८० साल असार ९ गते समेत विभिन्न चरणमा सूचना जारी गरिसकेको भए पनि हालसम्म सडक सीमाभित्र रहेका घरटहरा नहटाइएको पाइएको जनाएको छ। सूचनाअनुसार महेन्द्र राजमार्गको पथलैया, चुरियामाई ३ नम्बर पुल र चुरियामाई मन्दिर क्षेत्र आसपास सडकको केन्द्रबाट दायाँ–बायाँ २५/२५ मिटर भित्र पर्ने सम्पूर्ण अनधिकृत संरचना २०८३ साल वैशाख १० गतेभित्र अनिवार्य रूपमा हटाउन निर्देशन दिइएको छ। सडक विभागको स्वीकृति बिना सार्वजनिक सडक तथा सडक सीमाभित्र निर्माण गरिएका…

हेटौँडा,बैशाख ७ गते । मिना कुमारी लामा, हेटौंडा उपमहानगरपालिकाकी प्रमुखले दलित महिला सशक्तिकरण र समानताको विषय अझै पनि अपूरो रहेको बताएकी छन्। उनले सामाजिक सञ्जाल फेसबुक मार्फत आफ्नो धारणा सार्वजनिक गर्दै दशकौँदेखि बहस भइरहेको दलित समानता अझै व्यवहारमा लागू हुन नसकेकोमा चिन्ता व्यक्त गरेकी हुन्। उनका अनुसार मानव सभ्यताकै कलंकका रूपमा रहेको छुवाछुत र विभेद अन्त्य गर्न अझै पनि आवश्यक कानुनी व्यवस्था अपुग रहेको छ। यही सन्दर्भमा बागमती प्रदेश दलित सशक्तिकरण विधेयक निर्माणका लागि भएको छलफलमा सहभागी हुँदा बाहिरी रूपमा उत्साह देखिए पनि भित्री रूपमा भने गहिरो दुःख महसुस भएको उनले उल्लेख गरेकी छन्। कार्यक्रम दलित महिला संघ मकवानपुरद्वारा आयोजना…

गढी गाउँपालिका,बैशाख ५ गते । गढी गाउँपालिका–३ मा सञ्चालित मनकामना दुग्ध सहकारी संस्था र सम्बन्धित दाना उद्योगमा अनियमितता भएको गम्भीर सूचना सार्वजनिक भएको छ। सेवा सहयोग र आवाज संस्थाका अध्यक्ष तथा सामाजिक अभियान्ता विशालराज महतले आफ्नो सामाजिक सञ्जाल फेसबुकमार्फत उक्त विषय उठान गर्दै छानबिनपछि वास्तविकता सार्वजनिक गर्ने बताएका छन्। महतले जनताको पसिना र विश्वासमाथि खेलबाड भएको आशंका व्यक्त गर्दै, दोषी जोसुकै भए पनि कारबाहीको दायरामा ल्याउन आफूहरू प्रतिबद्ध रहेको उल्लेख गरेका छन्। उनले तथ्य, प्रमाण र जिम्मेवार पक्षको पहिचानसहित छिट्टै विस्तृत विवरण सार्वजनिक गरिने जानकारी दिएका छन्। उनका अनुसार, यदि अनियमितता पुष्टि भएमा संलग्न व्यक्तिहरूलाई कानुनी कठघरामा उभ्याउन अन्तिमसम्म लड्ने…

हेटौडा,बैशाख ३ गते । हेटौडा उपमहानगरपालिका–१३ नम्बर वडा कार्यालयले आर्थिक वर्ष २०८२/८३ को तेस्रो त्रैमासिकअन्तर्गतको सामाजिक सुरक्षा भत्ता लाभग्राहीहरूको खातामा जम्मा भइसकेको जानकारी दिएको छ। वडा कार्यालयले सूचना जारी गर्दै सम्बन्धित लाभग्राहीहरूलाई तोकिएको मिति, समय र स्थानमा उपस्थित भई भत्ता रकम बुझ्न आग्रह गरेको हो। सूचनाअनुसार, लाभग्राहीहरूले आफ्नो सक्कल नागरिकता र सामाजिक सुरक्षा भत्ता परिचयपत्र साथमा ल्याउनुपर्नेछ। भत्ता वितरण प्रोग्रेसिभ फाइनान्स लिमिटेड पदमपोखरी शाखामार्फत गरिनेछ। वडा कार्यालयले विभिन्न टोल विकास संस्थाअनुसार भत्ता वितरणको समय तालिका समेत सार्वजनिक गरेको छ। वैशाख ४ गते बिहान ९ बजेदेखि ३ बजेसम्म सृजनशील, समृद्धि, सिम्पानी, मुस्कान, सिरानटोल, समाजसेवी, शान्ति, टुटेपानी र पवित्रा टोलका लाभग्राहीहरूले भत्ता…

हेटौडा,बैशाख २ गते । साइकल मैत्री कानुन र सुरक्षित सहर निर्माणको सन्देश बोकेर पूर्व–पश्चिम महेन्द्र राजमार्ग हुँदै महाकालीदेखि मेचीसम्म पाँच दिनको साइकल यात्रा सफलतापूर्वक सम्पन्न गर्ने टोलीलाई हेटौडा उपमहानगरपालिकाले सम्मान गरेको छ। उपमहानगरपालिका प्रमुख मिना कुमारी लामाले आफ्नो कार्यकक्षमै उक्त टोलीका सदस्यहरूलाई खादा र प्रमाणपत्र प्रदान गरी सम्मान गरेकी छिन्। सम्मानित हुनेहरूमा ‘साइकल सिटी हेटौडा’ का दीपक खड्का, लेखनाथ ढकाल र रामप्रसाद फुयाल रहेका छन्। उनीहरूले स्वास्थ्य, पर्यावरण संरक्षण तथा पर्यटन प्रवर्द्धनको उद्देश्यसहित देशव्यापी साइकल यात्रा गर्दै हेटौडाको पहिचानलाई राष्ट्रिय तथा अन्तर्राष्ट्रिय स्तरमा चिनाउने प्रयास गरेका थिए। प्रमुख लामाले मेचीदेखि महाकालीसम्मको चुनौतीपूर्ण यात्रा सफलतापूर्वक सम्पन्न गरी हेटौडाको गौरव बढाएको उल्लेख…