सशान्त तामाङ

हेटौंडा,बैशाख २६ गते । हेटौंडा उपमहानगरपालिका–४ का वडाध्यक्ष तथा नेकपा एमाले केन्द्रीय लेखा आयोगका सदस्य नवीन सिग्देलले हेटौंडा क्षेत्रका भूमिहीन तथा सुकुम्बासी नागरिकको विषयमा स्थानीय तह र राजनीतिक दलहरूले तत्काल साझा धारणा सार्वजनिक गर्नुपर्ने बताएका छन्। सामाजिक सञ्जाल फेसबुक मार्फत धारणा सार्वजनिक गर्दै उनले भूमिहीन सुकुम्बासीलाई मानवीय र व्यवहारिक पक्षलाई बेवास्ता गर्दै उठिबास लगाइएको भन्दै आपत्ति जनाएका हुन्। उनले विगतमा विभिन्न प्रयास भए पनि समस्याको दीर्घकालीन समाधान हुन नसकेको उल्लेख गर्दै अहिलेको अवस्थाले पीडित नागरिक थप पीडित बन्न पुगेको बताएका छन्। उनले हेटौंडा उपमहानगरपालिकाको तत्काल बैठक बोलाई भूमिहीन, अव्यवस्थित बसोबासी तथा अतिक्रमित क्षेत्रको स्पष्ट वर्गीकरण गर्नुपर्ने आवश्यकता औंल्याएका छन्। साथै, कति…

हेटौंडा,बैशाख २५ गते । हेटौंडा उपमहानगरपालिका–१० का वडाध्यक्ष फुर्बा दोर्जे लामाले राजनीतिक नेतृत्वमा देखिएको दोहोरो व्यवहारप्रति कटाक्ष गरेका छन्। सामाजिक सञ्जाल मार्फत आफ्नो धारणा सार्वजनिक गर्दै उनले सत्ता बाहिर हुँदा आदर्शका ठूला कुरा गर्ने नेताहरू जिम्मेवारीमा पुगेपछि व्यवहारमा विपरीत देखिने गरेको टिप्पणी गरेका हुन्। उनले लेखेका छन्, “हिजो प्रधानमन्त्री मन्त्री हुँदा ‘माननीय सांसदको स्वकीय सचिव राख्नु हुँदैन’ भन्नेहरू आज ‘स्वकीय बिना कामै चल्दैन’ भन्दै हिँडिरहेका छन्।” त्यस्तै, “धेरै गाडी र तामझाम चाहिँदैन, जनताको सेवक सादा हुनुपर्छ भन्नेहरू आज गाडी, सुरक्षा र सुविधा बिना एक पाइला हिँड्न नसक्ने अवस्थामा पुगेका छन्,” भन्दै उनले सत्ता र व्यवहारबीचको अन्तर औँल्याएका छन्। वडाध्यक्ष लामाले…

हेटौंडा,बैशाख २१ गते । नेपाल कम्युनिस्ट पार्टी (एमाले) जिल्ला कमिटी मकवानपुरले सुकुम्बासी तथा भूमिहीन बस्तीमा डोजर चलाइएको घटनाप्रति गम्भीर आपत्ति जनाउँदै सरकारको कदमलाई ‘राज्य आतंक’को संज्ञा दिएको छ। जिल्ला कमिटीद्वारा जारी प्रेस विज्ञप्तिमा वर्षौंदेखि बसोबास गर्दै आएका दलित सुकुम्बासी तथा भूमिहीन नागरिकलाई वैकल्पिक व्यवस्था नगरी वर्षाको प्रतिकूल मौसममा हटाउने प्रयास अस्वीकार्य भएको उल्लेख गरिएको छ। एमालेले यस्तो कार्यले गरिब तथा विपन्न समुदायको जीवन अझ असुरक्षित र अनिश्चित बनाएको जनाएको छ। विज्ञप्तिमा सरकारको कदमलाई अलोकतान्त्रिक र अपरिपक्व भन्दै आलोचना गरिएको छ। गरिबी हटाउने प्रतिबद्धता जनाएको सरकारले नै गरिब नागरिकलाई विस्थापित गर्ने नीति अपनाएको भन्दै प्रश्न उठाइएको छ। एमाले मकवानपुरले काठमाडौँको थापाथली,…

हेटौंडा,बैशाख २१ गते । नेपाली कांग्रेस जिल्ला कार्यसमिति मकवानपुरले बागमती प्रदेशका मुख्यमन्त्री इन्द्र बानियामाथि लक्षित गरी गरिएको छापामारीप्रति गम्भीर आपत्ति जनाएको छ। समितिद्वारा जारी प्रेस विज्ञप्तिमा वर्तमान सरकारले राजनीतिक पूर्वाग्रह साँध्ने उद्देश्यले सम्पत्ति शुद्धीकरण अनुसन्धान विभागको नाममा सामान्य सूचनाको हकसमेत अवलम्बन नगरी छापा मारिएको उल्लेख गरिएको छ। यस्तो कार्यले लोकतान्त्रिक मूल्य, मान्यता र विधिको शासनमाथि प्रश्न उठाएको कांग्रेसको भनाइ छ। विज्ञप्तिमा लामो समयदेखि सुशासन, पारदर्शिता र भ्रष्टाचारमुक्त समाज निर्माणमा प्रतिबद्ध रहेको राजनीतिक नेतृत्वको मर्यादामा आघात पुग्ने गरी गरिएको कदमप्रति आपत्ति जनाउँदै यसलाई तानाशाही र निरंकुश शैलीको व्यवहारको संज्ञा दिइएको छ। कांग्रेस मकवानपुरले अनुसन्धानका नाममा राजनीतिक दलका नेताहरूमाथि गरिएको व्यवहार आपत्तिजनक…

हेटौंडा,बैशाख २० गते । हेटौंडा उपमहानगरपालिका–४ का वडाध्यक्ष तथा नेकपा एमाले केन्द्रीय लेखा आयोगका सदस्य नवीन सिग्देलले हेटौंडा बजार फराकिलो बनाउने कार्यमा आवश्यक पूर्वतयारी नगरी अघि बढाइएको भन्दै असन्तुष्टि जनाएका छन्। सिग्देलले आफ्नो सामाजिक सञ्जाल फेसबुकमार्फत धारणा सार्वजनिक गर्दै विकास कार्य निकाससहित हुनुपर्नेमा जोड दिएका छन्। उनले लेखेका छन्, “विकास निकाससहित हुनुपर्छ, नत्र हेटौंडा बजार भत्काएर छाडेको जस्तै हुन्छ।” उनका अनुसार हेटौंडा बजार फराकिलो बनाउने कार्य आवश्यक र सबैको सहमतिको विषय भए पनि पर्याप्त योजना र व्यवस्थापनबिना संरचना भत्काउँदा सर्वसाधारणले सास्ती खेप्नु परेको छ। विशेषगरी सडक विस्तारपछि यातायात व्यवस्थापन, ढल निकास, पार्किङ तथा व्यापार सञ्चालनमा देखिएको अव्यवस्था समाधान हुन नसकेको…