सशान्त तामाङ

हेटौडा,जेठ ३ गते । हेटौंडा उपमहानगरपालिका वडा नम्बर १३ मा आधुनिक प्रविधियुक्त हाईमास्ट लाइट जडान गरिएको छ। उक्त बत्तीको उद्घाटन वडा अध्यक्ष पेम्बा लामाले नारियल फोरेर विधिवत् रूपमा शुभारम्भ गरेका हुन्। स्थानीय तहको पहल र हेटौंडा उपमहानगरपालिकाको आर्थिक सहयोगमा जडान गरिएको हाईमास्ट लाइट सञ्चालनमा आएपछि स्थानीयवासीले खुसी व्यक्त गरेका छन्। आधुनिक प्रविधिअनुसारको उज्यालो व्यवस्थाले वडाको सौन्दर्य बढ्नुका साथै सुरक्षा व्यवस्थामा समेत सकारात्मक प्रभाव पर्ने अपेक्षा गरिएको छ। हेटौंडा उपमहानगरपालिकाले नगरलाई “उज्यालो, सुरक्षित र सुन्दर सहर” का रूपमा विकास गर्ने उद्देश्यसहित विभिन्न स्थानमा विशेष प्राथमिकताका साथ यस्ता बत्ती जडान गर्दै आएको जनाएको छ। खासगरी रातिको समयमा हुन सक्ने सम्भावित अपराधिक गतिविधि…

रजैया,जेठ १ गते । मनहरी गाउँपालिकाले कर्मचारी तथा जनप्रतिनिधिलाई निजी क्षेत्रको रिद्धिसिद्धि सिमेन्ट उद्योग सँग जोडेर सामाजिक सञ्जालमा फैलाइएका टिप्पणीप्रति गम्भीर ध्यानाकर्षण भएको जनाएको छ। गाउँपालिकाले प्रेस विज्ञप्ति जारी गर्दै सामाजिक सञ्जालमा एकतर्फी र आधारहीन विषयवस्तु राखी कर्मचारी तथा जनप्रतिनिधिमाथि आक्षेप लगाइएको भन्दै आपत्ति प्रकट गरेको हो। गाउँपालिकाद्वारा जारी विज्ञप्तिअनुसार रिद्धिसिद्धि सिमेन्ट उद्योगले आफ्नो सामाजिक उत्तरदायित्व (CSR) अन्तर्गत मनहरी क्षेत्रका सार्वजनिक निर्माण कार्य तथा आर्थिक अवस्था कमजोर भएका केही परिवारलाई सिमेन्ट सामग्री सहयोग उपलब्ध गराउँदै आएको जनाएको छ। सो सहयोगका लागि गाउँपालिकाबाट आवश्यक सिफारिस हुने गरेको स्पष्ट पारिएको छ। विज्ञप्तिमा गाउँपालिकाका जनप्रतिनिधि वा कर्मचारीले गाउँपालिकाको नाममा उद्योगसँग सिमेन्ट मागेर व्यक्तिगत…

हेटौडा,जेठ १ गते । हेटौंडा उपमहानगरपालिका–४ मा सडक तथा ढल व्यवस्थापनलाई प्राथमिकतामा राख्दै वडालाई कच्ची सडक, खाल्टाखुल्टी र ढुवानमुक्त बनाउने अभियान अघि बढाइएको छ । वडाध्यक्ष नवीन सिग्देलले सामाजिक सञ्जाल फेसबुक मार्फत जानकारी दिँदै २०८४ सालसम्म वडालाई व्यवस्थित र स्तरीय पूर्वाधारयुक्त क्षेत्र बनाउने लक्ष्यसहित विभिन्न योजना अघि बढाइएको बताएका छन् । उनले “काम गर्नेलाई नै आलोचना हुन्छ, झटारो पनि फलेकै बृक्षमा हानिन्छ” भन्दै विकास निर्माणका कामलाई निरन्तरता दिइने उल्लेख गरेका छन् । वडाध्यक्ष सिग्देलका अनुसार विभिन्न सडक स्तरीकरण तथा ढल निर्माण योजनाका लागि बोलपत्र आह्वान गरिएको छ । जसअन्तर्गत सूर्यचोक–कर्राचोक (पृथ्वीपथ) क्षेत्रमा ढल तथा सडक निर्माण, सृजना टोलमा ढल निर्माण,…

हेटौँडा,बैशाख ३१ गते । निर्माण व्यवसायी सङ्घ मकवानपुरले निर्माण सामग्री तथा इन्धनको अस्वाभाविक मूल्यवृद्धिका कारण निर्माण व्यवसाय धराशायी हुने अवस्थामा पुगेको भन्दै सरकारलाई तत्काल मूल्य समायोजनको व्यवस्था गर्न माग गरेको छ। सङ्घले जिल्ला प्रशासन कार्यालय मकवानपुर मार्फत नेपाल सरकार प्रधानमन्त्री तथा मन्त्रिपरिषद्को कार्यालय काठमाडौंलाई ज्ञापनपत्र बुझाउँदै मूल्य समायोजनको व्यवस्था नगरिए मुलुकभर सञ्चालित सम्पूर्ण निर्माण कार्य स्वतः बन्द हुने चेतावनी दिएको हो। सङ्घका अध्यक्ष बालगोपाल कँडेलद्वारा हस्ताक्षरित ज्ञापनपत्रमा निर्माण उद्योगले प्रत्यक्ष तथा अप्रत्यक्ष रूपमा २० लाखभन्दा बढीलाई रोजगारी प्रदान गर्दै आएको तथा देशको कुल ग्राहस्त उत्पादनमा करिब १३ प्रतिशत योगदान पुर्‍याउँदै आएको उल्लेख गरिएको छ। ज्ञापनपत्रमा अन्तर्राष्ट्रिय परिस्थितिका कारण डिजेल, बिटुमिन…