मनोरञ्जन

हेटौडा। मिस युनिभर्स नेपाल २०२५ का लागि औपचारिक रूपमा आवेदन खुला गरिएको छ। बुधबार काठमाडौंको हिल्टन होटलमा आयोजित एक विशेष कार्यक्रममा ग्लोबल ग्ल्यामर भेन्चरले यो घोषणा गरेको हो। यस वर्ष प्रतियोगितालाई आठ भागमा आधारित ‘रियालिटी टिभी शो’ को रूपमा प्रस्तुत गरिनेछ, जसले दर्शकहरूलाई प्रतियोगीहरूको यात्रा र रूपान्तरणलाई नजिकबाट नियाल्ने अवसर दिनेछ। मिस युनिभर्स नेपालकी राष्ट्रिय निर्देशक सङ्गीता पुरीले नेपाली महिलाहरूको असीम क्षमतालाई विश्वसामु उजागर गर्ने यो एउटा महत्वपूर्ण मञ्च भएको बताइन्। उनले प्रतियोगिताको समावेशी स्वरूपमा जोड दिँदै “तपाईं जस्तो हुनुहुन्छ, त्यही नै तपाईंको सौन्दर्यता हो” भन्ने नाराका साथ सबै पृष्ठभूमिका महिलाहरूलाई स्वागत गरिने जानकारी दिइन्। इच्छुक सहभागीहरूले जेठ १५ देखि…

काठमाडौं। अभिनेत्री सुहाना थापाले अमेरिकाको न्यूयोर्कस्थित कोलम्बिया विश्वविद्यालयबाट परामर्श तथा चिकित्सा मनोविज्ञान विषयमा स्नातकोत्तर (मास्टर्स) उत्तीर्ण गरेकी छिन्। उनी हालै सोही विश्वविद्यालयमा दीक्षित भएकी हुन्। छोरी मनोविज्ञ बनेकोमा सुहानाका बुवा तथा फिल्म निर्माता सुनिलकुमार थापाले खुसी व्यक्त गरेका छन्। उनले यस क्षणलाई आफ्नो जीवनको अविस्मरणीय बताएका छन्। थापाले शिक्षा र संस्कारलाई सन्तानका लागि अमूल्य सम्पत्ति भएको भन्दै छोरीको समर्पण र मेहनतको प्रशंसा गरेका छन्। सुहानाको दीक्षान्त समारोहमा सहभागी हुन उनकी आमा तथा फिल्म निर्देशक झरना थापा पनि न्यूयोर्कमा छिन्। आमा-छोरी शुक्रबार नेपाल फर्कँदैछन्। नेपाल फर्केपछि उनीहरू होमप्रोडक्सन फिल्म ‘ए मेरो हजुर ५’ को तयारीमा जुट्नेछन्। भदौदेखि छायांकन सुरु हुने यस…

काठमाडौँ। अभिनेत्री अरुणिमा लम्साल र युवराज श्रेष्ठबीच आधिकारिक रुपमै सम्बन्धविच्छेद भएको छ। आठ महिनाअघि विवाह बन्धनमा बाँधिएकी अरुणिमाले गत चैतमा अमेरिकाबाट नेपाल आएर अदालतमा सम्बन्धविच्छेदको मुद्दा दर्ता गराएकी थिइन्। युवराजले गत आइतबार वैशाख २८ गते सम्बन्धविच्छेदको फाइलमा हस्ताक्षर गरेका हुन्। यसको पुष्टि उनले स्वयं गरेका छन्। हालै टिकटक लाइभमा बोल्दै युवराजले भने, ‘मैले वैशाख २८ गते दिनको ४ः१० मा डिभोर्स फाइलमा हस्ताक्षर गरेको हुँ। जन्म, विवाह र मृत्यु लेखेर आएको हुन्छ। मेरो छुट्टिनु थियो, छुट्टियो, सकियो। बाँकी कुरा चाहिँ म सार्वजनिक गर्न चाहन्नँ।’ युवराज श्रेष्ठ सुनसरीको बराहक्षेत्र नगरपालिका, चतराका स्थानीय हुन् र नेपाली कांग्रेसको बराहक्षेत्र नगर कमिटीका उपसभापति हुन्।

उर्लाबारी। राष्ट्रिय संगीतकर्मी संघ कोशी प्रदेश समितिको आयोजनामा स्रष्टा सम्मान तथा सांस्कृतिक कार्यक्रम २०८२ भव्य रूपमा सम्पन्न भएको छ। उर्लाबारी–८ स्थित अरनिको माध्यमिक विद्यालयको हलमा सम्पन्न कार्यक्रमको अध्यक्षता संघका प्रदेश अध्यक्ष लिलानाथ पौडेलले गर्नुभएको थियो भने कार्यक्रमका प्रमुख अतिथि कोशी प्रदेश सरकारका उद्योग, कृषि तथा सहकारी मन्त्री खगेनसिं हाङगाम रहनुभएको थियो। कार्यक्रममा उर्लाबारी नगरपालिका वडा नं ९ का वडा अध्यक्ष नरबहादुर मोक्तान, वडा नं ८ का वडा अध्यक्ष कुलबहादुर कार्की, यशोदा शाक्य, निरोज तिम्सिना, दीपक भट्टराई, मातृका धिमाल,बिशाल राई , तारा श्रेष्ठलगायतको विशेष उपस्थिति रहेको थियो। कार्यक्रममा वरिष्ठ कलाकार सिताराम ताजपुरिया र वरिष्ठ संगीतकार तथा गायक कृष्णभक्त राईलाई सम्मान गरिएको…