मनोरञ्जन

मकवानपुर, अशोज १४ गते । मकवानपुरका सञ्चारकर्मी बलराम पुडासैनीले नयाँ गीत बजारमा ल्याउन लागेका छन्। उनको स्वरमा तयार गरिएको ‘बर पिपलु’ बोलको गीतको अडियो र भिडियो दुवै छिट्टै सार्वजनिक हुने भएको छ। गीतलाई आधुनिक शैलीमा प्रस्तुत गरिएको छ भने भिडियोमा गायक पुडासैनीलाई नै स्टुडियोभित्र गाइरहेको दृश्यमा देख्न सकिनेछ। सञ्चारकर्मी गाएका यस गीतले श्रोता–दर्शकमाझ नयाँ स्वाद दिने अपेक्षा गरिएको छ।

हेटौंडा, भदौ ५ गते । स्वतन्त्र विद्यार्थी यूनियन, मकवानपुर बहुमुखी क्याम्पसद्वारा महिलाहरूको महान पर्व हरितालिका तिजको अवसरमा एक विशेष सांस्कृतिक कार्यक्रमको आयोजना गरिने भएको छ। कार्यक्रम २०८२ साल भदौ ८ गते आइतबारका दिन बिहान ८:०० बजे मकवानपुर बहुमुखी क्याम्पसको प्रांगणमा हुने जानकारी दिएको छ। “सम्पूर्ण विद्यार्थीहरू एकजुट होऔँ” भन्ने मूल नाराका साथ आयोजना गर्न लागिएको यस कार्यक्रममा तिज सम्बन्धी गीत, नृत्य, तथा अन्य सांस्कृतिक प्रस्तुतिहरू समावेश गरिनेछ।

हेटौंडा, साउन ३०। नेपाल राष्ट्रिय शिक्षक संगठन जिल्ला महिला विभाग मकवानपुरको आयोजनामा हेटौंडा–२ स्थित कालिका पार्टी प्यालेसमा एक भव्य तीज विशेष कार्यक्रम, जिल्ला महिला भेला तथा खुला हाजिरजवाफ प्रतियोगिता सम्पन्न भएको छ। करिब ५०० जना व्यक्तिहरु सहभागी भएको उक्त कार्यक्रममा मकवानपुर जिल्लाका विभिन्न माध्यमिक विद्यालयमा कार्यरत महिला प्रधानाध्यापकहरूलाई उत्कृष्ट कार्य प्रदर्शनको मूल्याङ्कन गर्दै सम्मानसहित प्रमाणपत्र प्रदान गरिएको थियो। कार्यक्रमको उद्घाटन राष्ट्रिय गान र शहीदहरू प्रति श्रद्धाञ्जली स्वरूप मौन धारणबाट गरिएको थियो। प्रमुख अतिथिका रूपमा उपस्थित नेपाल राष्ट्रिय शिक्षक संगठन राष्ट्रिय समितिका उपसचिव श्रीराम दाहालले पानसमा दीप प्रज्वलन गरी कार्यक्रमको औपचारिक शुभारम्भ गरेका थिए। कार्यक्रममा कोषाध्यक्ष श्रीमती भावना सापकोटाले स्वागत मन्तव्य…