स्वास्थ्य

हेटौंडा, फागुन ७ गते । हेटौंडा–१६ मा अवस्थित शिवम सिमेन्ट उद्योगबाट निस्किने धुलो–धुवाँका कारण वडा नं. १६ र १७ का स्थानीय बासिन्दा तथा नजिकैको विद्यालय लामो समयदेखि प्रभावित हुँदै आएका छन्। वातावरणीय र स्वास्थ्यसम्बन्धी समस्या बढ्दै गएपछि यस विषयमा सचेत नागरिक अभियान समूह “सेवा, सहयोग र आवाजमा हामी हेटौंडा” ले निरन्तर आवाज उठाउँदै आएको थियो। सोही क्रममा आज बागमती प्रदेशका मुख्यमन्त्री इन्द्र बानियाको कार्यकक्षमा अभियानकर्मी, स्थानीय जनप्रतिनिधि तथा उद्योग पक्षबीच छलफल सम्पन्न भएको छ। छलफलमा समस्याको गम्भीरता प्रस्तुत गर्दै दीर्घकालीन समाधानका उपायहरूबारे विस्तृत रूपमा चर्चा गरिएको थियो। अभियानका अध्यक्ष तथा सामाजिक अभियन्ता विशाल राज महतले आफू कुनै राजनीतिक उम्मेदवार नभई…

हेटौँडा, माघ २९ गते । शिवम सिमेन्ट उद्योगका कारण बालबालिका तथा स्थानीय बासिन्दाको स्वास्थ्यमा नकारात्मक असर परेको भन्दै भोलिदेखि शान्तिपूर्ण आन्दोलन सुरु गरिने भएको छ। उद्योगले पटक–पटक गरिएका ध्यानाकर्षण र गुनासालाई बेवास्ता गर्दै आएको आरोपसहित आन्दोलनको घोषणा गरिएको हो। अध्यक्ष तथा सामाजिक अभियन्ता विशाल राज महतले आफ्नो सामाजिक सञ्जालमार्फत सार्वजनिक गरेको सूचनाअनुसार, उद्योगबाट उत्पन्न धुलो, प्रदूषण र त्यसले पार्ने दीर्घकालीन स्वास्थ्य जोखिमप्रति सम्बन्धित निकाय र उद्योग स्वयं गम्भीर नबनेको भन्दै बाध्य भएर आन्दोलनको बाटो रोज्नुपरेको जनाइएको छ। सूचनामा भोलिदेखि शिवम सिमेन्ट उद्योग प्राङ्गणमा बिहान ९ बजेदेखि ११ बजेसम्म शान्तिपूर्ण आन्दोलन गरिने उल्लेख छ। आन्दोलनमा प्रभावित वडाबासी, सचेत नागरिक, सामाजिक अभियन्ता…

मनहरी, माघ २७ गते । मनहरी गाउँपालिका वडा नम्बर २ स्थित भुन्द्रुङ्टाँडीमा रहेको श्री सीता माध्यमिक विद्यालयमा एचपिभी (HPV) खोप लगाउने तयारी अन्तिम चरणमा पुगेको छ। सहिद हिरा स्मृति आधारभूत स्वास्थ्य केन्द्रको आयोजनामा सम्पन्न छलफलबाट माघ २९ गते विद्यालयमै खोप कार्यक्रम सञ्चालन गर्ने निर्णय गरिएको हो। छलफलको निष्कर्षअनुसार यस वर्ष कक्षा ६ मा अध्ययनरत छात्राहरूलाई लक्षित गरी एचपिभी खोप सेवा उपलब्ध गराइनेछ। स्वास्थ्य केन्द्रका अनुसार यो अभियान यस वर्षदेखि नियमित रूपमा सञ्चालन गरिनेछ र हरेक वर्ष कक्षा ६ का छात्राहरूलाई खोप लगाइने योजना बनाइएको छ। कार्यक्रमसम्बन्धी छलफलमा मनहरी–२ का वडा अध्यक्ष राजकुमार पाख्रीन, श्री सीता माविका प्रधानाध्यापक विशाल घलान, दिगो…

मनहरी गाउँपालिका, माघ २५ गते । मकवानपुरको मनहरी गाउँपालिका वडा नम्बर–६ मा एचपिभी (HPV) खोप अभियान सञ्चालन गर्ने तयारी अन्तिम चरणमा पुगेको छ। पुष्पलाल आधारभूत स्वास्थ्य केन्द्रको आयोजनामा सम्पन्न छलफल कार्यक्रमपछि माघ २७ गतेबाट खोप अभियान सुरु गर्ने निर्णय गरिएको हो। छलफल अनुसार वडाभित्र तीन स्थानलाई खोप केन्द्रका रूपमा तोकिएको छ। रेड एन्जल बोर्डिङ स्कुल, राष्ट्रिय माध्यमिक विद्यालय सुनाचुरी र सगरमाथा आधारभूत विद्यालयबाट खोप सेवा प्रदान गरिनेछ। यस अभियानमार्फत ५४ जना किशोरीलाई एचपिभी खोप लगाइने स्वास्थ्य केन्द्रले जनाएको छ। मनहरी–६ का वडा अध्यक्ष युवराज थपलियाको अध्यक्षतामा सम्पन्न छलफल कार्यक्रममा वडा सदस्य विष्णु राई, सञ्चारकर्मी जयराम मुक्तान तथा स्वास्थ्य स्वयंसेविकाहरूको सहभागिता…

हेटौंडा, माघ १७ गते । हेउँनपा–१६ र १७ का स्थानीय बासिन्दा तथा लक्ष्मी आधारभूत विद्यालयमा अध्ययनरत कलिला बालबालिका शिवम सिमेन्ट उद्योगबाट उत्पन्न धुलो, धुवाँ र ध्वनि प्रदूषणका कारण लामो समयदेखि स्वास्थ्य जोखिममा परिरहेका छन्। यो समस्या नयाँ नभई निरन्तर पीडाका रूपमा रहेको भन्दै स्थानीयले पटक–पटक सरोकारवाला निकायको ध्यानाकर्षण गराउँदै आएका छन्। यस विषयमा निरन्तर खबरदारी भएपछि प्रदेशका माननीय मुख्यमन्त्री इन्द्रबहादुर बानियाको ध्यानाकर्षण भएको छ। यसलाई सकारात्मक संकेतका रूपमा लिँदै उद्योग सञ्चालकले आगामी १५ दिनभित्र सम्बन्धित पक्षसँग छलफलको व्यवस्था मिलाउने प्रतिबद्धता जनाएको छ। तर, सामाजिक अभियान्ता तथा स्थानीयवासीले विगतमा पनि यस्तै प्रतिबद्धता आएर कार्यान्वयन नभएको भन्दै यसपटक परिणाममुखी कदम चालिनुपर्नेमा जोड…

हेटौंडा, मंसिर ४ गते । हेटौडा उपमहानगरपालिका–७ का सामाजिक अभियन्ता सफल अधिकारीले सिवम सिमेन्ट उद्योगबाट उत्पन्न भइरहेका समस्या केवल धुलो प्रदूषणमा सीमित नभई स्वास्थ्य, वातावरण, शिक्षा र भविष्यसँग सम्बन्धित गम्भीर संकट बनेको बताएका छन्। उनले आफ्नो सामाजिक सञ्जालमार्फत दीर्घकालीन प्रविधिगत, कानुनी तथा सामुदायिक हस्तक्षेप बिना यो समस्या “स्थायी, घातक र अनियन्त्रित रूपमा” फैलिन सक्ने चेतावनी दिएका छन्। अधिकारीले उद्योगले आवश्यक प्रविधि नअपनाउँदा स्थानीय बस्ती, विद्यालय, कृषि क्षेत्र र श्रमिकका स्वास्थ्यमा गम्भीर असर परेको उल्लेख गर्दै समस्याको समाधानका लागि चारवटा ठोस प्रविधिगत उपाय सुझाएका छन्। उनका अनुसार “Bag House Filter” वा “Electrostatic Precipitator (ESP)” जडान गरेर ९०–९८ प्रतिशत धुलो नियन्त्रण गर्न…

भीमफेदी, अशोज २५ गते । भीमफेदी गाउँपालिकामा हर्क साम्पाङ ‘अ रेभुलेसन श्रम संस्कृति पार्टी’ले आफ्नो सांगठनिक संगठन विस्तार गरेको छ। शनिबार सम्पन्न संगठन विस्तार कार्यक्रममा दिपेन्द्र पुडासैनीलाई संयोजकका रूपमा चयन गरिएको छ भने मदन सिंह सिन्तान र गोविन्द पुडासैनीलाई सल्लाहकारका रूपमा चयन गरिएको पार्टी स्रोतले जनाएको छ। पार्टीले पछिल्लो समयमा मकवानपुर जिल्लाभर श्रम, माटो र स्वाभिमानलाई जोड्ने अभियानलाई निरन्तर अघि बढाउँदै आएको छ। “देशको विकास माटो र श्रमसँग जोडिनुपर्छ” भन्ने नारा अघि सार्दै पार्टीले भीमफेदी बजार क्षेत्रमा पार्टीका सदश्यहरुको बिशेष उपस्थितिसँगै सरसफाई अभियान समेत सञ्चालन गरेको छ। कार्यक्रमका संयोजक दिपेन्द्र पुडासैनीले भने, “हामीले फोहोर मैला व्यवस्थापन र सफा वातावरण सिर्जना…