राजनीति

काठमाडौँ,चैत २५ गते । पूर्व प्रधानमन्त्री तथा नेपाली कांग्रेसका निवर्तमान सभापति शेरबहादुर देउवाले आफू र आफ्नो परिवारमाथि सम्पत्ति शुद्धिकरण सम्बन्धी अनुसन्धान सुरु गरिएको विषयमा सार्वजनिक प्रतिक्रिया जनाएका छन्। उनले सामाजिक सञ्जाल फेसबुकमार्फत धारणा सार्वजनिक गर्दै सञ्चारमाध्यममा आएका केही विवरण भ्रामक र झुटा रहेको दाबी गरेका हुन्। देउवाले आफ्नो वक्तव्यमा आफू र आफ्नो परिवारको सम्पत्ति सम्बन्धी विषयमा फैलाइएको प्रचार बाजी सत्य नभएको उल्लेख गरेका छन्। उनले नेपालको प्रचलित कानुनअनुसार सार्वजनिक पदमा रहँदा सम्पत्तिको यथार्थ विवरण सम्बन्धित सरकारी निकायमा पेश गरिएको स्पष्ट पारे। उनले आफ्नो राजनीतिक जीवन लोकतान्त्रिक शासन व्यवस्था, विधिको शासन, स्वतन्त्र न्यायपालिका तथा पारदर्शिताको पक्षमा समर्पित रहेको उल्लेख गर्दै राज्यका…

काठमाडौँ,चैत २५ गते । पूर्व प्रधानमन्त्री तथा नेपाली कांग्रेसका निवर्तमान सभापति शेरबहादुर देउवा र उनकी पत्नी तथा पूर्व परराष्ट्रमन्त्री आर्जु राणा देउवाविरुद्ध पक्राउ पुर्जी जारी भएको दाबी सार्वजनिक भएको छ। गृह मन्त्रालय निकट स्रोतलाई उद्धृत गर्दै केही अनौपचारिक जानकारीहरूमा देउवा दम्पतीमाथि यस्तो पुर्जी जारी भएको उल्लेख गरिए पनि यसबारे आधिकारिक पुष्टि भने भइसकेको छैन। उक्त दाबी गत भदौ २४ गते बुढानिलकण्ठस्थित देउवा निवासमा भएको आगजनी घटनासँग जोडिएको बताइएको छ। सो घटनाका क्रममा आन्दोलनबीच आगजनी हुँदा घरको केही भागमा क्षति पुगेको थियो। त्यसबेला घटनास्थलसँग सम्बन्धित भनी केही भिडियोहरू सामाजिक सञ्जालमा सार्वजनिक भएका थिए, जसमा नगद रकमसमेत देखिएको दाबी गरिएको थियो। उक्त…

काठमाडौँ,चैत २५ गते । कानुन, न्याय तथा संसदीय मामिला मन्त्री सोभिता गौतमसँग नेपालका लागि स्विजरल्याण्डका राजदूत डाक्टर ड्यानियल म्युलीले शिष्टाचार भेटघाट गरेका छन्। भेटका क्रममा राजदूत म्युलीले मन्त्री गौतमलाई नवनियुक्त भएकोमा बधाई तथा सफल कार्यकालको शुभकामना व्यक्त गरेका थिए। उक्त अवसरमा दुई पक्षबीच नेपाल र स्विजरल्याण्डबीचको दीर्घकालीन मैत्री सम्बन्धलाई थप सुदृढ बनाउने विषयमा छलफल भएको थियो। साथै सहकार्यका विविध आयाम, नेपालको शान्ति प्रक्रिया र न्यायमा नागरिकको सहज पहुँच अभिवृद्धि गर्ने विषयमा समेत विचार आदानप्रदान भएको जनाइएको छ। भेटघाटले दुई देशबीचको सम्बन्धलाई अझ प्रगाढ बनाउने र न्याय क्षेत्रमा सहकार्य विस्तार गर्ने अपेक्षा गरिएको छ।

काठमाडौं, चैत १९ गते । हर्क साम्पाङले अमेरिकी सहायता परियोजना मिलेनियम च्यालेन्ज कर्पोरेसन (एमसीसी) खारेज गर्न माग गरेका छन्। प्रतिनिधिसभाको पहिलो बैठकलाई सम्बोधन गर्दै श्रम, संस्कृति पार्टीका अध्यक्षसमेत रहेका सांसद साम्पाङले एमसीसी सम्झौता राष्ट्रहितविपरीत रहेको दाबी गरे। उनले उक्त सम्झौताले नेपालको असंलग्न परराष्ट्र नीति र राष्ट्रिय स्वाधीनतामा असर पार्ने आशंका व्यक्त गरे। साम्पाङले आफू संसदमा जनताको आवाज प्रतिनिधित्व गर्न आएको उल्लेख गर्दै देशको हितलाई केन्द्रमा राखेर निर्णय लिनुपर्नेमा जोड दिए। “राष्ट्रको हितभन्दा माथि कुनै सम्झौता हुन सक्दैन,” उनले भने। उनका अनुसार एमसीसी सम्झौता असमान र राष्ट्रघाती प्रकृतिको भएको भन्दै यसलाई तत्काल खारेज गर्न आवश्यक रहेको बताए। उनले सरकारले दीर्घकालीन प्रभावलाई…

काठमाडौँ, चैत १६ गते । महेश बस्नेतले काठमाडौँ जिल्ला अदालतको आदेशप्रति स्वागत व्यक्त गर्दै आफूविरुद्ध अघि बढाइएको पक्राउ प्रक्रियालाई “राजनीतिक प्रतिशोध”को संज्ञा दिनुभएको छ। सामाजिक सञ्जालमार्फत प्रतिक्रिया जनाउँदै बस्नेतले काठमाडौँ जिल्ला प्रहरीले सरकारी वकिलमार्फत आफूविरुद्ध झुटा मुद्दा अघि बढाउन खोजेको आरोप लगाउनुभएको छ। उहाँले उक्त प्रक्रिया “अराजक तत्वलाई उचालेर गरिएको प्रयास” भएको दाबी गर्नुभएको छ। बस्नेतले आफ्नो स्टाटसमार्फत काठमाडौँ जिल्ला अदालतले पक्राउ नगर्न दिएको आदेशप्रति धन्यवाद व्यक्त गर्दै न्यायालयले निष्पक्ष भूमिका निर्वाह गरेको उल्लेख गर्नुभएको छ। उहाँका अनुसार अदालतको यो कदमले प्रतिशोधको राजनीतिविरुद्ध सशक्त सन्देश दिएको छ। यस प्रकरणले पछिल्लो समय राजनीतिक वृत्तमा कानुनी प्रक्रिया, शक्ति प्रयोग र प्रतिशोधको आरोप–प्रत्यारोपलाई…

काठमाडौँ, चैत १६ गते । गृहमन्त्री सुधन गुरूङले सोमबार नेपाल प्रहरी प्रधान कार्यालयको निरीक्षण गर्दै प्रहरी संगठनलाई अझ जनमुखी, प्रविधिमैत्री र उत्तरदायी बनाउन स्पष्ट निर्देशन दिएका छन्। प्रधान कार्यालयमा पुग्दा गृहमन्त्री गुरूङलाई प्रहरी महानिरीक्षक दान बहादुर कार्की लगायतका वरिष्ठ अधिकृतहरूले स्वागत गरेका थिए। निरीक्षणका क्रममा उनले अमर प्रहरी स्मारकमा श्रद्धाञ्जली अर्पण गर्नुका साथै संग्रहालय, डिजिटल फरेन्सिक ल्याब, आर्टिफिसियल इन्टेलिजेन्स तथा एड्भान्स एनालिटिक्स सेल, डाटा सेन्टर र पोलीग्राफ शाखाको अवलोकन गरेका थिए। निरीक्षणपछिको कार्यक्रममा गृहमन्त्री गुरूङले सीमित स्रोतसाधनका बाबजुद प्रहरीले प्रभावकारी कार्यसम्पादन गर्दै आएको भन्दै प्रशंसा व्यक्त गरे। उनले आगामी दिनमा अझ आत्मविश्वासका साथ जिम्मेवारी निर्वाह गर्न निर्देशन दिँदै प्रहरीको कार्यमा…

काठमाडौँ, चैत १६ गते । महेश बस्नेतले सामाजिक सञ्जालमार्फत आज दिउँसो १ बजे माइतीघर मण्डलमा आयोजना हुने सशक्त विरोध कार्यक्रममा सहभागी हुन सबैलाई आह्वान गरेका छन्। नेपाल कम्युनिष्ट पार्टी (एमाले) का सचिव बस्नेतले वर्तमान सरकारको शैलीप्रति असन्तुष्टि जनाउँदै आन्दोलनमा व्यापक सहभागिता आवश्यक रहेको बताएका छन्। उनले केपी शर्मा ओली माथि गरिएको भनिएको गिरफ्तारीलाई “प्रतिशोधपूर्ण” कदमको संज्ञा दिएका छन्। बस्नेतले आफ्नो स्टाटसमार्फत वर्तमान सरकार अधिनायकवादी र निरंकुश ढंगले अघि बढिरहेको आरोप लगाउँदै कथित गृहमन्त्रीका गतिविधिहरूलाई अराजक बताएका छन्। एमाले राजधानी प्रदेश कमिटीको आयोजनामा हुने उक्त प्रदर्शनमा पार्टीका नेता, कार्यकर्ता तथा सर्वसाधारणलाई सशक्त रूपमा उपस्थित हुन आग्रह गरिएको छ। बस्नेतले “आन्दोलनको मोर्चामा…