राजनीति

हेटौंडा,बैशाख ८ गते । हेटौंडा उपमहानगरपालिका–४ का वडाध्यक्ष तथा नेकपा एमाले केन्द्रीय लेखा आयोगका सदस्य नवीन सिग्देलले बाग्मती प्रदेशको राजधानी हेटौंडालाई कागजी मात्र नभई व्यवहारिक रूपमा विकास गर्नुपर्ने धारणा व्यक्त गरेका छन्। उनले सामाजिक सञ्जाल फेसबुक मार्फत आफ्नो विचार सार्वजनिक गर्दै हेटौंडालाई केवल पालिकाको संरचनाभित्र सीमित राख्न नहुने बताएका हुन्। उनका अनुसार, जस्तै केन्द्रीय राजधानी काठमाडौंलाई केवल महानगरपालिका भनेर मात्र नहेरी राष्ट्रिय राजधानीका रूपमा चिनिन्छ, त्यसैगरी बाग्मती प्रदेशको राजधानी हेटौंडालाई पनि फरक पहिचान सहित विकास गर्न आवश्यक छ। सिग्देलले राजधानीलाई वास्तविक अर्थमा स्थापित गर्न निश्चित मापदण्ड पूरा गर्नुपर्ने उल्लेख गरेका छन्। उनले हेटौंडालाई शिक्षाको केन्द्र, स्वास्थ्य सेवाको केन्द्र, खेलकुदको केन्द्र,…

हेटौँडा,बैशाख ७ गते । श्रम संस्कृति पार्टीका केन्द्रीय सदस्य तथा जिल्ला इन्चार्ज सुन्दर लामाले आफ्नो फेसबुक वालमा गरेको एक राजनीतिक टिप्पणी अहिले सामाजिक सञ्जालमा चर्चाको विषय बनेको छ। लामाले आफ्नो स्टाटसमा हर्क सम्पाङलाई लक्षित गर्दै उनी पत्रकारहरूले सोध्ने ठाडा प्रश्नहरूलाई पनि सहज रूपमा हाँस्दै जवाफ दिने नेताका रूपमा चित्रण गरेका छन्। उनले यसलाई अन्य राजनीतिक नेताहरूको व्यवहारसँग तुलना गर्दै पुराना दलका शीर्ष नेताहरू—शेरबहादुर देउवा, केपी शर्मा ओली र पुष्पकमल दाहाल ‘प्रचण्ड’ जस्ता बारम्बार प्रधानमन्त्री भइसकेका नेताहरूले भने पत्रकारका प्रश्नहरूमा कहिलेकाहीँ आक्रोश व्यक्त गर्ने गरेको टिप्पणी गरेका छन्। लामाले हर्क सम्पाङलाई अन्य नेताभन्दा फरक शैली भएको व्यक्ति भन्दै उनको व्यवहार र…

बकैया गाउँपालिका,बैशाख ६ गते । बकैया गाउँपालिका वडा नम्बर १ मा उज्यालो पार्टी नेपालले वडा स्तरमा संगठन विस्तार गरेको छ। आइतबार सम्पन्न कार्यक्रममार्फत काजीमान पाख्रिनको अध्यक्षतामा ११ सदस्यीय वडा कार्यसमिति चयन गरिएको हो। नवगठित समितिमा स्थानीय कार्यकर्ताहरूको सक्रिय सहभागिता रहेको पार्टीले जनाएको छ। कार्यक्रम उज्यालो पार्टी नेपालका जिल्ला अध्यक्ष सुरेन्द्र लामाको प्रमुख आतिथ्यतामा सम्पन्न भएको थियो भने जिल्ला उपाध्यक्ष उत्तम गोम्जा विशेष अतिथिका रूपमा उपस्थित थिए। कार्यक्रममा बोल्दै प्रमुख अतिथि लामाले पार्टी संगठनलाई तल्लो तहसम्म मजबुत बनाउने उद्देश्यले वडा स्तरमा संगठन विस्तारलाई तीव्रता दिइएको बताए। उनले नवगठित समितिलाई जनताको अपेक्षा अनुसार काम गर्न आग्रह गरे। त्यसैगरी, जिल्ला उपाध्यक्ष गोम्जाले पार्टीप्रति…

हेटौँडा, वैशाख ६ गते । नवीन सिग्देल, हेटौंडा उपमहानगरपालिका–४ का वडाध्यक्ष तथा नेकपा एमाले केन्द्रीय लेखा आयोगका सदस्यले आइतबार सामाजिक सञ्जाल फेसबुकमार्फत सार्वजनिक गरेको स्टाटसले जनप्रतिनिधि र नागरिकबीचको अपेक्षा तथा वास्तविकताको अन्तर उजागर गरेको छ। आइतबार, बिदाको दिनसमेत आफूले निरन्तर तीनवटा प्रतिनिधिमूलक फोन आएको उल्लेख गर्दै उनले जनतासँग प्रत्यक्ष सेवा प्रवाह गर्ने क्रममा भोग्नुपरेका चुनौतीहरू सार्वजनिक गरेका हुन्। उनका अनुसार पहिलो फोन मृत्यु दर्ता सम्बन्धी थियो। एक सेवाग्राहीले तत्काल काठमाडौँ जानुपर्ने भन्दै बिदाको दिनमै कार्यालय खोलेर सेवा दिन आग्रह गरेका थिए। तर वडाध्यक्ष सिग्देलले बिदा भएको कारण भोलिपल्ट आउन अनुरोध गर्दा सेवाग्राही असन्तुष्ट भएका थिए। दोस्रो फोन सडक बत्ती मर्मतसम्बन्धी थियो।…

हेटौडा,बैशाख ५ गते । मकवानपुरमा राष्ट्रिय स्वतन्त्र पार्टी (रास्वपा) भित्र देखिएको पछिल्लो विवाद केवल संगठनात्मक असमझदारी होइन, यो “नयाँ राजनीति” को दाबी बोकेको पार्टीको विश्वसनीयतामाथि गम्भीर प्रश्न खडा गर्ने घटनाक्रमका रूपमा उभिएको छ। प्रतिनिधिसभाका दुबै क्षेत्र जितेर उत्साहित बनेको रास्वपा अहिले आफ्नै आन्तरिक द्वन्द्व, शक्ति संघर्ष र नेतृत्व शैलीका कारण संकटग्रस्त देखिन्छ। जिल्लाका कार्यबाहक सभापति समेत रहेका सांसद प्रकाश गौतममाथि कार्यकर्ताहरूले लगाएको “दोहोरो चरित्र” को आरोप सामान्य राजनीतिक टिप्पणी मात्र होइन; यसले पार्टीभित्र बढ्दो अविश्वास र असन्तुष्टिको गहिराइ संकेत गर्छ। चुनावी सफलतापछि नेतृत्वमा आएको भनिएको घमण्ड, पक्षपातपूर्ण व्यवहार र असहमतिप्रति असहिष्णुता—यी सबै आरोपहरू यदि सत्यतथ्यमा आधारित छन् भने, यसले रास्वपाको…

हेटौंडा,बैशाख १ गते । सुन्दर लामाले वर्तमान सरकार र नेतृत्वप्रति टिप्पणी गर्दै सम्पत्ति विवरण सार्वजनिक गर्न पारदर्शिताको माग गरेका छन्। श्रम संस्कृति पार्टीका केन्द्रीय सदस्य तथा जिल्ला इन्चार्ज रहेका उनले आफ्नो फेसबुक वालमार्फत यस्तो धारणा सार्वजनिक गरेका हुन्। उनले चर्चित र्‍यापर आशिस राना (लाउरे)ले हालै ब्रोडकास्टमार्फत व्यक्त गरेको अभिव्यक्तिलाई उद्धृत गर्दै विगत र वर्तमानबीचको आर्थिक अवस्थाबारे प्रश्न उठाएका छन्। लाउरेले “१० वर्ष अघि खल्तीमा २०० रुपैयाँ पनि हुँदैनथ्यो, पुरानो पल्सर बाइक थियो, कहिले भित्तामा अड्याउनुपर्ने, कहिले भुइँमा राख्नुपर्ने अवस्था थियो” भन्ने सन्दर्भ उल्लेख गरेका छन्। यसै सन्दर्भलाई जोड्दै लामाले अहिले सामाजिक सञ्जालमा सार्वजनिक भइरहेका सम्पत्ति विवरणले जनतालाई पूर्ण रूपमा विश्वस्त…

हेटौँडा,चैत २८ गते । नेपाल कम्युनिष्ट पार्टी (एमाले) हेटौँडा उपमहानगरपालिका–४ नम्बर वडाको पार्टी संगठन पुनर्गठन गरिएको छ। शनिबार आयोजित वडा स्तरीय कार्यकर्ता भेलाबाट २३ सदस्यीय वडा कमिटी गठन गरिएको हो। नवगठित कमिटीको संयोजकमा राजेन्द्रकुमार बस्ताकोटी र सचिवमा गीता त्रिपाठीलाई जिम्मेवारी प्रदान गरिएको छ। भेलाले पार्टीलाई वडा तहमा अझ सशक्त रूपमा स्थापित गर्ने उद्देश्यसहित नयाँ रणनीति बनाएर अघि बढ्ने निर्णय गरेको जनाएको छ। कार्यक्रममा केन्द्रीय लेखा आयोगका सदस्य नवीन सिग्देलले पार्टी राष्ट्रिय स्वाभिमान, लोकतन्त्र सुदृढीकरण तथा विकास–समृद्धिको पक्षमा दृढतापूर्वक उभिँदा पनि नेतृत्वमाथि निरन्तर प्रहार भइरहेकोप्रति चिन्ता व्यक्त गरे। उनले जनतासामु शिर नझुकाई एकताबद्ध भएर अघि बढेमा पछिल्लो पराजयलाई छिट्टै विजयमा परिणत…