खेलकुद

धादिङ, मंसिर ४ गते । बागमती प्रदेश अन्तर जिल्ला महिला भलिबल प्रतियोगिता आगामी पौष ९ देखि १२ गतेसम्म धादिङबेशीमा हुने भएको छ। धादिङ जिल्ला भलिबल संघको आयोजनामा आयोजना हुन लागेको यो प्रतिष्पर्धा ‘स्व. मनोज श्रेष्ठ स्मृति कप २०८२’ अन्तरगत सञ्चालन हुनेछ। महिला भलिबलको विकास, विस्तार तथा नयाँ प्रतिभाको पहिचानलाई लक्षित गरी प्रतियोगिता अघि सारिएको संघका अध्यक्ष अमृत गुरूङले जानकारी दिए। उनको अनुसार प्रतियोगितामा विजेता टिमले नगद २ लाखसहित ट्रफी, मेडल र प्रमाण–पत्र प्राप्त गर्नेछ। त्यस्तै, उपविजेताले १ लाखसहित ट्रफी, मेडल र प्रमाण–पत्र र तृतीय हुने टोलीले ५० हजार रुपैयाँसहितका पुरस्कार प्राप्त गर्नेछन्। धादिङ जिल्लाको भलिबल इतिहासमा महत्वपूर्ण योगदान पुगेका पूर्व…

काठमाण्डौं, मंसिर ३ गते । नेपाल प्रिमियर लिग (Nepal Premier League) मा सहभागी खेलाडीलाई स्पोन्सर गर्ने बहाना बनाई आर्थिक प्रलोभनमा पारेर सट्टेबाजी (Betting)मा संलग्न गराउने प्रयास गर्ने दुई जना व्यक्तिलाई प्रहरीले पक्राउ गरेको छ। प्रहरीका अनुसार उनीहरू विभिन्न क्लबका खेलाडीसँग सम्पर्क गर्दै “स्पोन्सर गर्छौँ” भनी आकर्षक आर्थिक प्रस्ताव राखेर खेलमा अनियमितता गराउने उद्देश्यले सट्टेबाजीमा सहभागी गराउने प्रयत्न गर्दै आएका थिए। खेलकुद क्षेत्रलाई प्रभावित पार्ने उद्देश्यले गरिएको यस्तो आपराधिक क्रियाकलापबारे गोप्य सूचनाका आधारमा प्रहरीले अनुसन्धान अघि बढाएको थियो। त्यसक्रममा संलग्न दुई जनालाई विशेष निगरानीपछि नियन्त्रणमा लिइएको प्रहरीको भनाइ छ। हाल पक्राउ परेकामाथि आवश्यक अनुसन्धान जारी रहेको र यस्ता गैरकानुनी क्रियाकलापमा संलग्न…

काठमाडौँ। भारतीय फाइटरलाई पराजित गर्दै अन्तर्राष्ट्रिय उपाधि जितेर नेपाल फर्किएका नेपाली एमएफएन फाइटर रविन्द्र ढाँटलाई काठमाडौँ महानगरपालिकाले नगद दुई लाख रुपैयाँसहित सम्मान गरेको छ। मंगलबार काठमाडौँ महानगरपालिकामा आयोजित एक कार्यक्रममार्फत मेयर बालेन शाहको उपस्थितिमा ढाँटलाई सम्मान गरिएको हो। महानगरको सामाजिक विकास समितिको सिफारिसमा गरिएको उक्त सम्मान कार्यक्रम उपमेयर, प्रमुख प्रशासकीय अधिकृत, प्रवक्ता तथा सामाजिक विकास समितिका प्रमुखको उपस्थिति रहेको थियो। बझाङका ढाँटले भारतको नोएडामा आयोजित Matrix Fight Night 17 मा भाग लिँदै च्याम्पियनको उपाधि जितेका हुन्। उनले तेस्रो राउन्डमा भारतका चौरेन कोरियनलाई बेहोस हुनेगरी पराजित गरेका थिए। यस उपाधिसँगै उनी अन्तर्राष्ट्रिय एमएफएन च्याम्पियन बन्ने पहिलो नेपाली फाइटर बनेका छन्।