Day: २०८२ बैशाख ३०, मंगलवार २३:५३

धरान। धरान उपमहानगरपालिकाका मेयर हर्क साम्पाङले धरानमा अध्ययन, अनुसन्धान वा अन्य कुनै पनि कामका लागि आउँदा आफ्नो अनुमति अनिवार्य लिनुपर्ने उल्लेख गरेका छन्। उनले सामाजिक सञ्जाल फेसबुकमार्फत एक कडा चेतावनी जारी गर्दै यस्तो निर्देशन दिएका हुन्। मेयर साम्पाङले आफ्नो फेसबुक पोस्टमा लेखेका छन्, "जुनसुकै निकाय, जत्रो सुकै निकाय किन नहोस्, धरानमा अनुसन्धान, अध्ययन या कुनै किसिमको सोधपुछ गर्न आउनुअघि मेरो (नगरप्रमुखको) अनुमति अनिवार्य लिनुहोला ! अन्यथा, अपमानित बन्नुपर्ला !" मेयरको यो अभिव्यक्तिले धरानमा अब कुनै पनि संघसंस्था वा निकायले कुनै पनि प्रकारको अध्ययन वा अनुसन्धान गर्न आउनुअघि अनिवार्य रूपमा नगर प्रमुखको अनुमति लिनुपर्ने देखिएको छ। अन्यथा, मेयर साम्पाङले त्यस्ता व्यक्ति…

गाईघाट,उदयपुर। नेपाल नेत्रज्योती संघ, मदन भण्डारी आँखा अस्पताल गाईघाट उदयपुरले चौदण्डीगढी नगरपालिका-५ स्थित आधारभूत विद्यालय सिवाई बेल्हाको स्रोत कक्षामा अध्ययनरत दृष्टिविहीन विद्यार्थीहरूलाई ब्रेल लिपीका शैक्षिक सामग्री सहयोग गरेको छ। कक्षा १ देखि ९ सम्म अध्ययन गर्ने १० जना विद्यार्थीलाई एक वर्षसम्म पुग्ने ब्रेल लिपीका सामग्रीहरू प्रदान गरिएको हो। मंगलबार विद्यालयमा आयोजित एक कार्यक्रममा मदन भण्डारी आँखा अस्पताल गाईघाट उदयपुरका अध्यक्ष भागवत राउतले विद्यालयका प्रधानाध्यापक भास्कर चौधरीलाई उक्त सामग्री हस्तान्तरण गरेका थिए। सहयोग सामग्रीमा ब्रेल लेख्न प्रयोग हुने स्टाइलस, सिलेट र ब्रेल पेपर रहेका छन्। विद्यालयका प्रधानाध्यापक भास्कर चौधरीले नेपाल नेत्रज्योती संघको यो सहयोगले दृष्टिविहीन विद्यार्थीहरूको अध्ययनमा ठूलो मद्दत पुग्ने बताए।…