Day: २०८३ जेष्ठ १२, मंगलवार २३:५७

सिन्धुली,जेठ १२ गते। हरिहरपुरगढी गाउँपालिकाले बजार व्यवस्थापन र उपभोक्ता हित संरक्षणलाई लक्षित गर्दै चैनपुर, रतनपुर तथा गुर्जी बजार क्षेत्रमा आज छड्के बजार अनुगमन गरेको छ। गाउँपालिकाका प्रमुख प्रशासकीय अधिकृत कृष्णहरि न्यौपानेको नेतृत्वमा गरिएको अनुगमनका क्रममा विभिन्न पसलहरूमा म्याद गुज्रिएका खाद्य सामग्री बिक्रीका लागि राखिएको भेटिएपछि ती सामग्री जफत गरी नष्ट गरिएको गाउँपालिकाले जनाएको छ। अनुगमन टोलीले चामल, भुजा, चाउचाउ, बिस्कुटलगायत उपभोग्य वस्तुहरूको म्याद सकिएको अवस्थामा बिक्रीका लागि राखिएको फेला पारेको थियो। साथै कतिपय पसल दर्ताविना सञ्चालन गरिएको, मूल्यसूची नराखिएको तथा होर्डिङ बोर्डसमेत नदेखिएको पाइएको जनाइएको छ। प्रमुख प्रशासकीय अधिकृत न्यौपानेले उपभोक्ताको स्वास्थ्यसँग प्रत्यक्ष सरोकार रहने विषयमा लापरवाही नगर्न व्यवसायीहरूलाई चेतावनी…

पर्सा,जेठ १२ गते। दुर्गा प्रसाई पर्सा जिल्ला अदालतबाट बिना शर्त रिहा भएका छन्। मन्दिरमा पूजा गर्न जाने क्रममा प्रहरीले पक्राउ गरेको भन्दै प्रसाईले आफूहरूमाथि अन्याय भएको दाबी गरेका छन्। अदालतबाट रिहा भएसँगै वीरगंजमा सञ्चारकर्मीहरूसँग प्रतिक्रिया दिँदै उनले घटनालाई वैदिक हिन्दू सनातन धर्ममाथिको प्रत्यक्ष प्रहारको संज्ञा दिएका छन्। पत्रकारहरूले वीरगंजवासीलाई के भन्न चाहनुहुन्छ भन्ने प्रश्नमा प्रसाईले आफूलाई साथ, माया र सद्भाव दिने सबैप्रति धन्यवाद व्यक्त गर्दै भने, “पहिलो चरणमा मप्रति राखेको माया र सद्भावप्रति सबैलाई धेरै धेरै धन्यवाद। अहिले मलाई सरकारले गवा माइको दर्शन गर्न नदिनु भयो। मन्दिरमा पूजा गर्न जाने क्रममा नै पक्राउ गरियो। यो वैदिक हिन्दू सनातन धर्ममाथि सीधा…