हेटौंडा, साउन ५ गते । डिल्लीबजार कारागारबाट फरार रहेका कान्तीपुर सहकारी ठगी मुद्दाका कैदी चन्द्रबहादुर तामाङ (सीबी लामा) लाई मकवानपुर प्रहरीले हेटौंडाबाट पक्राउ गरेको छ।
प्रहरीका अनुसार २०८२ साल भदौ २३ र २४ गते भएको जेन्जी आन्दोलनका क्रममा डिल्लीबजार कारागारबाट भागेर फरार भएका जिल्ला काभ्रेपलाञ्चोक तेमाल गाउँपालिका–५ घर भएका चन्द्रबहादुर तामाङलाई खोजतलास गर्ने क्रममा पक्राउ गरिएको हो।
वडा प्रहरी कार्यालय हेटौंडाबाट खटिएको प्रहरी टोलीले उनलाई आज हेटौंडा उपमहानगरपालिका–९ बाट नियन्त्रणमा लिएको जनाएको छ।
पक्राउ परेका तामाङलाई आवश्यक कानुनी प्रक्रिया पूरा गरी थप कारबाहीका लागि कारागार कार्यालय भीमफेदी, मकवानपुर पठाइएको प्रहरीले जनाएको छ।
प्रतिकृया दिनुहोस्
