सशान्त तामाङ

हेटौंडा, भदौ २४ गते । मकवानपुरका सामाजिक अभियन्ता विशाल राज महतले हालै सामाजिक सञ्जालमार्फत जारी गरेको आफ्नो भनाइमा सरकारको हिंसात्मक रवैयाप्रति आक्रोश पोख्दै निर्णायक आन्दोलनको आवश्यकता रहेको बताएका छन्। उनले भने, “यो बर्बरताको पराकाष्ट हो, चुप लागेर बस्ने अवस्था छैन। सामान्य मानिसले समेत यस्तो गर्दैन। यी मानसिक रोगीहरूको उपचार अब गर्नुपर्छ। यो मुद्दा सबै नेपालीको साझा मुद्दा हो, यसको विरुद्ध बोलिन्छ।”  महतका अनुसार मौन रहनुले अन्यायलाई बलियो बनाउँछ भने बोल्न सक्दा परिवर्तन सम्भव हुन्छ। उनले तानाशाही सरकारलाई मुर्दाबाद भन्दै नागरिकलाई सचेत हुन आह्वान गरेका छन्। त्यस्तै, रेडियो भरोसासँगको विशेष कुराकानीमा उनले गृहमन्त्री रमेश लेखकको तत्काल राजीनामा आवश्यक रहेको उल्लेख गर्दै…

मकवानपुर, २०८२ भदौ १८ । ‘सम्पूर्ण उपभोक्ताहरू सहभागी हौं, मध्यवर्ती क्षेत्र खारेज गरौं’ भन्ने मूल नाराका साथ मकवानपुर जिल्लामा भूमिहीन सुकुम्बासी अव्यवस्थित बस्ती सङ्घर्ष समितिद्वारा हस्ताक्षर अभियान तीव्र रुपमा सञ्चालन भइरहेको छ। समितिका अध्यक्ष क्षेत्रबहादुर मोक्तानका अनुसार हेटौडा उपमहानगरपालिका तथा मकवानपुरका विभिन्न गाउँपालिकाका साविक वडाहरूमा पुगेर स्थानीयवासीहरूको हस्ताक्षर सङ्कलन जारी छ। हालसम्म मनहरी गाउँपालिकाका साविक वडा नं १, ४, ५, ६ र ७ मा अभियान सम्पन्न भइसकेको छ भने बाँकी वडामा पनि शीघ्रै अभियान सम्पन्न गर्ने तयारी गरिएको छ। यस क्रममा समितिले प्रत्येक वडास्थित बासिन्दालाई अभियानमा सहभागी गराउँदै मनोबल उच्च बनाइरहेको बताइएको छ। समितिले यही भदौ २३ गतेसम्म सम्पूर्ण साविक…

हेटौंडा, भदौ ४। तामाङ पत्रकार संघ बागमती प्रदेश समिति तथा मकवानपुर जिल्ला समितिको संयुक्त आयोजनामा ३१ औँ तामाङ प्रसारण दिवस भव्य रूपमा मनाइएको छ। बागमती प्रदेश सरकारको संस्कृति तथा पर्यटन मन्त्रालयको सहकार्यमा आयोजित कार्यक्रममा पत्रकारिता क्षेत्रका उल्लेखनीय योगदानकर्तालाई सम्मान तथा पुरस्कार वितरण गरिएको हो। कार्यक्रम हेटौंडामा सम्पन्न भएको थियो, जसमा प्रमुख अतिथिको रूपमा बागमती प्रदेशका मुख्यमन्त्री माननीय इन्द्रबहादुर बानियाको विशेष उपस्थिति रहेको थियो। उनले आफ्नो मन्तव्यको क्रममा दिवंगत पिता स्व. क्षेमबहादुर बानिया र दाजु स्व. राजकुमार बानियाको स्मृतिमा “बागमती प्रदेश स्तरीय तामाङ पत्रकारिता पुरस्कार कोष” स्थापनाका लागि व्यक्तिगत तर्फबाट नगद रू. २ लाखको चेक तामाङ पत्रकार संघ बागमती प्रदेश समिति…

हेटौंडा, भदौ ३। भूमिहीन सुकुम्बासी तथा अव्यवस्थित बस्ती संघर्ष समितिले हेटौंडा उपमहानगरपालिका–१३ मा रहेको सक्रिय टोल विकास संस्थामा पनि आज हस्ताक्षर संकलन गरिएको छ। "मध्यवर्ती क्षेत्र खारेज गरौं" भन्ने मूल नाराका साथ अगाडि बढाइएको यो अभियान अन्तर्गत आजको दिन पनि उल्लेखनीय सहभागिता देखिएको छ। टोल विकास संस्थाकी अध्यक्ष माया थिङको नेतृत्वमा सम्पन्न भएको कार्यक्रमबाट करिब १७० जना स्थानीयबासिन्दाहरूको हस्ताक्षर संकलन गर्न समिति सफल भएको छ। संघर्ष समितिले विगत केही दिनदेखि स्थानीय जनताको भावनालाई प्राथमिकतामा राख्दै हस्ताक्षर संकलन अभियानलाई तीव्रता दिँदै आएको छ। सहभागीहरूले सरकारी रूपमा मध्यवर्ती क्षेत्र घोषणा गरिएको भू–भागमा रहेको बस्तीको अव्यवस्थित अवस्थालाई सम्बोधन गर्दै त्यस क्षेत्रलाई खारेज गर्न…

हेटौंडा,भदौ २। मिडिया क्षेत्रमा लामो समयदेखि सक्रिय पत्रकार सन्देश थिङले आफ्नो अनुभव र दृष्टिकोणलाई नयाँ उचाइ दिनको लागि 'विशेष पोस्ट डट कम' (www.bishehpost.com) नामक अनलाइन न्युज पोर्टलको औपचारिक शुभारम्भ गरेका छन्। गएको ३१औँ तामाङ प्रसारण दिवसको अवसरमा हेटौंडाको पल्पसा प्याराडाइज होममा आयोजित कार्यक्रमका प्रमुख अतिथि बागमती प्रदेशका मुख्यमन्त्री इन्द्र बानियाको प्रमुख आतिथ्यतामा उक्त न्युज पोर्टलको सुरुवात गरिएको हो। करीब एक दशकदेखि रेडियो, छापा, र अनलाइन मिडिया क्षेत्रमा निरन्तर काम गर्दै आएका थिङले सञ्चारको विविध अनुभव समेट्दै आफ्नो नयाँ मिडिया अभियान सुरु गरेका हुन्। उनले सामाजिक सञ्जालमार्फत उल्लेख गरेका छन् कि यहाँसम्म आइपुग्न साथ, सहयोग, अवसर र सल्लाह सुझाव दिने सबै…