समाचार

पाँचथर। पाँचथर जिल्लाको कुम्मायकमा डडेलोमा पारी एकजनाको मृत्यु भएको छ भने चारजना गम्भीर घाइते भएका छन्। मृत्यु हुनेमा पाँचथरको कुम्मायक गाउँपालिका ३ की प्रतिमा सम्बाहाम्फे रहेको खुलेको छ। डढेलो आगो भने ताम्राखु जङ्गलमा लागेको बताइएको छ। डडेलोको कारणले घाइते भएकी प्रतिमालाई उपचारको लागि धरान पठाएकोमा धनकुटाको भेडेटार पुग्दा उनको बाटैमा मृत्यु भएको बताएको छ। घाँस काट्न जङ्गल छिरेको बेला जङ्गलमा लागेको डडेलोमा परी उनी घाइते भएकी थिइन्। उनीसँग अन्य चारजना साथीहरू पनि जंगलमा लागेको आगोको कारण घाइते पाँचथर प्रहरीले जानकारी दिएका छन्। डडेलमा परी सबिना सम्बाहाम्फे, सिवाना सम्बाहाम्फे र निरमाया सम्बाहम्फेलाई उपचारको लागि बीपी मेमोरियल अस्पताल धरान पुर्‍याएको बताएको छ। घाइते…

रौतहट। रौतहटमा जङ्गली बदेललाई मार्न राखिएको विद्युतीय धरापमा परेर एक महिलाको मृत्यु भएको छ। किसानले लगाएको बालीलाई बदेलले निकै दुःख दिन थालेपछि बदेल मार्नका निम्ति राखिएको धरापमा परी उक्त महिलाको मृत्यु भएको हो। मृत्यु हुनेमा वर्ष ४५ की फुलमतिया देवी रहेको प्रहरीले जानकारी दिएको छ। उनको मृत्यु भने  स्थानीय सुशील विश्वकर्माको मकैको खेतमा जङ्गली बदेललाई मार्नका निम्ति लगाएको नाङ्गो तार तानेर करेन्ट प्रवाह गरेका अवस्थामा सोही बखत उक्त बाटो हुँदै आउने क्रममा एक्कासी करेन्ट लाग्दा उनको मृत्यु भएको थियो। जब बदेल मार्नको निम्ति छापिएको धरापमा स्थानीय मृत अवस्थामा भेटेपछि सो घटनालाई लुकाउन सुशील विश्वकर्मा र जितेन्द्र पटेलले उक्त महिलाको सबलाई घटनास्थलबाट…

काठमाडौँ। काठमाडौँको बुढानिलकण्ठ नगरपालिका २ माथिल्लो भंगाल लामिछाने टोलमा करिब २६ लाखभन्दा रुपैयाँ बराबरको चोरी हुन पुगेको छ। भङ्गाल लामिछाने टोलमा बस्ने भरतराज श्रेष्ठको घरबाट नगद रु ७० हजार र घरमा राखिएको १४ तोला बराबरको सुनको विभिन्न गरगहनाहरू समेत गरी मोटामोटी लगभग २६ लाख ७० हजार बराबरको धनमाल चोरी भएको हो। प्रहरीको अनुसार घरमा कोही नभएको मौका पारेर हिजो राति चोरी गर्ने व्यक्तिहरूले उक्त परिमाणको नगद र गरगहनालाई चोरी गरेर भागेको हुन। चोरी गर्ने व्यक्तिहरू भने अहिलेसम्म पक्राउ परेका छन्।

बितामोड। नेपाल प्रहरीले शुक्रबार बिर्तामोडस्थित यातायात व्यवस्था कार्यालय,मेची मा स्टिङ अपरेसन गर्दै करिब एक दर्जन बिचौलियालाई नियन्त्रणमा लिएको छ। प्रहरी स्रोतका अनुसार कार्यालय समयमै गरिएको अपरेसनमा २ जना महिला सहित करिब १२ जना बिचौलिया पक्राउ परेका छन्। बिचौलियाका कारण कर तिर्न गएका सेवाग्राही ठगिएको गुनासो बढेपछि प्रहरीले निगरानी बढाउँदै ईलाका प्रहरी कार्यालय, अनारमनी को समन्वयमा स्टिङ अपरेसन गरेको हो।पक्राउ परेकालाई हाल अनारमनी प्रहरी कार्यालयमा राखेर अनुसन्धान भइरहेको जनाइएको छ।

काठमाडौँ। डिजिटल वालेट मार्फत फिसिङ लिङ्क पठाई ४ हजार प्रयोगकर्ताको १ करोडभन्दा बढी पैसा कुम्ल्याएको आरोपमा कञ्चनपुरका २२ वर्षीय युवा राहुल बुढा पक्राउ परेका छन्। काठमाडौँ उपत्यका अपराध अनुसन्धान कार्यालयबाट खटिएको प्रहरी टोलीले उनलाई कालिमाटीबाट पक्राउ गरेको हो। सर्वसाधारण वालेट प्रयोगकर्ताको एकाउन्टमा समस्या देखाई व्यक्तिगत विवरण राख्न लगाई पैसा चोरी गरेको उनलाई अभियोग छ। उनीमाथि ठगी सम्बन्धी अभियोगमा थप जाँचबुझ र अनुसन्धानका लागि काठमाडौँ जिल्ला प्रहरी परिसर भद्रकाली पठाइएको कुरा प्रहरीले जनाएको छ। पछिल्लो समयमा एटि अलर्ट द अलर्टका नाममा वालेट प्रयोगकर्ताहरूलाई फिसिङ क्लिङ्क पठाउने क्रम बढेको भन्दै डिजिटल वालेट कम्पनीहरूले पनि प्रयोगकर्ताहरूलाई सचेत गराउँदै आएका छन्, साइबर ब्युरोले पनि…

बैतडी। बैतडी जिल्लामा जीप दुर्घटना हुँदा एकजनाको मृत्यु भएको छ। जीप देहीमाण्डौबाट  गिरेगडा तर्फ गहिरेको बेला बिएसी ५६५९ नम्बरको बोलेरोले शुक्रबार राति दशरथ चन्द नगरपालिका ११ को नानीगाड भन्ने स्थानमा दुर्घटना हुन पुगेको थियो। दुर्घटनाम परी मृत्यु हुनेमा पञ्चेश्वर गाउँपालिका ५ का वर्ष ५४ को चञ्चले दयालको मृत्यु भएको प्रहरीले जानकारी दिए। जीप दुर्घटनामा परेर घाइते भएका चन्चलेको जिल्ला अस्पतालमा उपचार क्रममा गए राती नै मृत्यु भएको हो। गए राति आफ्नो गतिमा गुडिरहेको जीपमा चालक सहित चारजना यात्रुहरू रहेका बेला अचानक जीप सडकबाट अनियन्त्रित भएर दुर्घटना भएको बताइएको छ। जीप सडकबाट अनियन्त्रित भएर करिब ४० मिटर तल खोल्सामा खसेको जनाएको छ।…

मकवानपुर । आत्मनिर्भर हुनका लागि कृषि उत्पादनमा जोड दिँदै नेपाल कम्युनिस्ट पार्टी मकवानपुरले धान रोपाइँ गरेको छ । पार्टीको निर्णय अनुसार नेताकार्यकर्ता र आम जनतालाई निकट भविष्यमा आत्मनिर्भर बनाउने उद्देश्यले सुरु गरेको सामुहिक उत्पादन प्रणालीलाई अंगाल्दै नेकपा मकवानपुरले पनि सामुहिक उत्पादनलाई निरन्तरता दिइरहेको छ । मनहरी-५ दरदरा स्थित केन्द्रिय उत्पादन विभाग मनहरीमा नेकपा मकवानपुरले आज धान रोपेको छ । लगभग तीन बिगाहामा फैलिएको उत्पादन क्षेत्रमा पार्टीले समय अनुकुल नगदे बाली र अन्नबाली लगाउँदै आइरहेको छ । उक्त उत्पादन शाखामा पार्टीले हालसम्म काँक्रा, भ्यान्टा, आलु, खुर्सानी, प्याज, लसुन लगायतका तरकारी बाली र मकै, धान, गहुँ जस्ता अन्नबाली उत्पादन गरिसकेको छ ।…

काठमाडौँ। नेपाली सुनचाँदी बजारमा फेरि पनि मूल्यवृद्धि भएको छ। अघिल्लो दिन मङ्गलबार तोलामा ४ सय रुपैयाँले घटेको सुन आज एकै दिन २ हजार रुपैयाँले बढेको छ। जस अनुसार आज सुन प्रतितोलामा १ लाख ७५ हजार ४ सय रुपैयाँले कारोबार भइरहेको नेपाल सुनचाँदी व्यवसायी महासंघले जनाएको छ। यसअघि आइतबारको दिन प्रतितोलामा १ हजार ९ सयले घटेको सुन सोमबार भने ७ सयले घटेको थियो। त्यसपछि अघिल्लो दिन शुक्रबार भने सुन तोलामा ३ हजार ९ सय रुपैयाले घटेको थियो। ऐतिहासिक रेकर्ड बनाएको सुनको मूल्यमा आइतबारदेखि भने निरन्तर गिरावट आएपनि आज भने उकालो लाग्न थालिएको हो। त्यस्तै चाँदीको भाउ तोलामा आज भने पाँच रूपैयाँले घटेको…

काठमाडौँ । नेपाल शिक्षक महासङ्घको काठमाडौँ केन्द्रीत माइतीघर मण्डलामा अनिश्चितकालिन सडक आन्दोलन सुरु भएको छ । शिक्षकहरूको माग सम्बोधन गरेर विद्यालय शिक्षा ऐन ल्याउनु पर्ने मागसहित दोस्रो चरणको आन्दोलन अन्तर्गत आजदेखि सडक आन्दोलन सुरु गरेको हो । महासङ्घ र सरकारबिच विगतमा भएको सहमति सम्बोधन गरेर गुणस्तरीय विद्यालय शिक्षा, विद्यार्थी र शिक्षक-कर्मचारी मैत्री विद्यालय शिक्षा ऐन जारी गराउन दबाबका लागि आन्दोलन गर्नु परेको महासङ्घले जनाएको छ । ‘कि जितिन्छ, कि बितिन्छ’ भन्ने मूल नारासहित शिक्षकहरू सडकमा उत्रिएका छन् । देशैभरी बाट ठूलो सङ्ख्यामा शिक्षक कर्मचारीहरू आन्दोलनमा सहभागी भएका छन् । स्थायी, राहत, साविक उमावि, सिकाइ अनुदान, बालविकास कक्षा, अस्थायी करार, प्राविधिक…

काठमाडौं। यही चैत १५ गते तीनकुनेमा राजावादी समूहले गरेको प्रदर्शनमा अराजक गतिविधि गर्ने थप सात जनालाई प्रहरीले पक्राउ गरेको छ। तीनकुने क्षेत्रमा आगजनी, तोडफोड गरी राज्यविरुद्धको कसुर र आपराधिक उपद्रव लगायतका अपराधमा संलग्न रहेको आरोपमा उनीहरूलाई पक्राउ गरिएको हो। पक्राउ पर्नेहरूमा रुपन्देहीको देवदह नगरपालिका–९ घर भएका ४७ वर्षीय प्रेम थापामगर, झापाका २१ वर्षीय समीर मगर,रामेछापका २२ वर्षीय सुरेश गौतम,ताप्लेजुङका २३ वर्षीय सुशिल बराल,नुवाकोटका २७ वर्षीय रमेश राई, अछामका २० वर्षीय गोकर्ण शाही र संखुवासभाका ३९ वर्षीय मुकुन्द दाहाल छन्।