स्थानीय

हेटौंडा, पुस १९ गते । हेटौंडा उपमहानगरपालिका–७ र ८ मा सञ्चालन भइरहेको एक मेलालाई लिएर स्थानीयवासीहरूले गम्भीर असन्तुष्टि जनाएका छन्। राति १० बजे नाघिसक्दा पनि मेला क्षेत्रमा चर्को आवाजमा बाइकको माइक तथा साउण्ड सिस्टम प्रयोग भइरहँदा ध्वनि प्रदूषण बढेको र सम्भावित दुर्घटनाको जोखिम बढेको स्थानीयको गुनासो छ। सेवा, सहयोग र आवाज अभियानका अध्यक्ष तथा सामाजिक अभियन्ता विशाल राज महतले सामाजिक सञ्जालमार्फत यस विषयमा कडा प्रतिक्रिया जनाउँदै यसलाई “मेला होइन, खुलेआम कानुनी उल्लङ्घन”को संज्ञा दिएका छन्। उनले युवाहरूमा मापसे–लापसे (मादक पदार्थ सेवन गरी सवारी चलाउने) को जोखिम बढेको उल्लेख गर्दै यसले जनताको शान्ति कुण्ठित गरेको बताएका छन्। महतले उक्त मेला कसको…

हेटौंडा, पुस १९ गते । हेटौंडा उपमहानगरपालिका–१३ ठुलोथलीस्थित कालिका आधारभूत विद्यालयमा बालबालिकाले पढाइ छोड्न बाध्य भएको समाचारले समाजलाई स्तब्ध बनाएको छ। तर यस्तो गम्भीर विषयप्रति निर्णायक तहमा रहेका हेटौंडा उपमहानगरपालिकाको ध्यान नपुगेको भन्दै सामाजिक अभियान्ता तथा सेवा, सहयोग र आवाज का अध्यक्ष विशाल राज महतले कडा असन्तुष्टि व्यक्त गरेका छन्। सामाजिक सञ्जालमार्फत धारणा सार्वजनिक गर्दै महतले बिना पर्याप्त आधार गरिएको बालमैत्री स्थानीय तहको घोषणा केवल कागजी औपचारिकतामा सीमित भएको आरोप लगाएका छन्। “हामीले निरन्तर खबरदारी गर्दै आएका छौं। तर निर्णय गर्न सक्ने तहबाट नै बेवास्ता भएपछि बालबालिकाको भविष्य यस्तै अवस्थामा पुग्छ,” उनले उल्लेख गरेका छन्। उनले राज्यको उपस्थितिका बाबजुद पनि…

हेटौंडा, पुस १९ गते । डिउटीमा खटिएका ट्राफिक प्रहरीलाई घाइते बनाएर फरार भएका कार चालकलाई प्रहरीले चितवनबाट पक्राउ गरेको छ। पुस १७ गते साँझ करिब ७:४५ बजे हेटौंडा उपमहानगरपालिका–११ थानाभर्‍याङस्थित जिल्ला ट्राफिक प्रहरी कार्यालय मकवानपुरको टोलीले सवारी चेकजाँच गरिरहेको थियो। सोही क्रममा नवलपुरबाट हेटौंडातर्फ आउँदै गरेको एक कारलाई प्रहरीले रोकेको थियो। ब्रेतलाइजर मेसिनमार्फत मादक पदार्थ सेवन (मा.प.से.) परीक्षण गर्ने क्रममा चालकले अचानक कारको सिसा बन्द गरी गाडी अघि बढाए। यस क्रममा डिउटीमा खटिएका एक प्रहरी जवान करिब १० मिटर घिस्रिँदै घाइते भएका थिए। घटनापछि चालक कारसहित फरार भएका थिए। घटनापछि खोजी कार्यलाई तीव्र बनाएको प्रहरीले फरार चालकलाई चितवनबाट नियन्त्रणमा लिएको…

हेटौँडा, पुस १८ गते । करिब ५० करोड रुपैयाँ सार्वजनिक लगानीमा निर्माण गरिएको हेटौँडा धुलो दूध कारखाना आजसम्म सञ्चालनमा नआउनु स्पष्ट निर्णयहीनता र गम्भीर लापरबाही भएको सेवा सहयोग र आवाजका अध्यक्ष तथा सामाजिक अभियान्ता विशाल राज महतले बताएका छन्। महतले सामाजिक सञ्जालमार्फत सार्वजनिक गरेको स्टाटसमा निर्माण सम्पन्न भई परीक्षण उत्पादन समेत भइसकेको परियोजना वर्षौँसम्म अलपत्र राखिनु करदाताको पैसा माथिको अन्याय र किसान प्रतिको धोका भएको उल्लेख गरेका छन्। मन्त्री फेरिँदा योजना फेरिने तर निर्णय नहुने प्रवृत्तिले प्रदेश सरकारको कार्यक्षमता माथि गम्भीर प्रश्न उठेको उनको भनाइ छ। उनले अब पनि धुलो दूध कारखानाको सञ्चालन मोडेल टुंगो नलगाइए यसलाई सार्वजनिक सम्पत्ति माथिको…

हेटौंडा, पुस १६ गते । सेवा, सहयोग र आवाजमा हामीका अध्यक्ष तथा सामाजिक अभियन्ता विशाल राज महतले राष्ट्रिय स्वतन्त्र पार्टी (रास्वपा) ले समानुपातिक प्रतिनिधित्वको संवैधानिक मर्मअनुसार अभ्यास गर्न नसकेको भन्दै नेतृत्वप्रति गम्भीर सवाल उठाएका छन्। आफ्नो सामाजिक सञ्जालमार्फत धारणा सार्वजनिक गर्दै महतले अल्पसङ्ख्यक, सीमान्तकृत र बहिष्कारमा परेका समुदायलाई राज्य निर्माणको मूलधारमा ल्याउन समानुपातिक प्रतिनिधित्व एक उपयुक्त र अनिवार्य माध्यम भएको बताएका छन्। नेपालकाे संविधान २०७२ ले विभिन्न धाराहरूमा समानुपातिक प्रतिनिधित्वलाई संस्थागत रूपमा सुनिश्चित गरे पनि त्यसको सही कार्यान्वयन राजनीतिक दलहरूबाट हुन नसकेको उनको भनाइ छ। विशेषगरी आफूलाई वैकल्पिक शक्तिको रूपमा प्रस्तुत गर्दै आएको रास्वपाले समानुपातिक प्रतिनिधित्वको मर्मअनुसार अघि बढ्न नसकेको…

हेटौंडा, पुस १५ गते । नेपाल तामाङ घेदुङ, मकवानपुरगढी गाउँपालिका कार्यसमितिको आयोजनामा २८६२ औँ ता ल्हो (घोडा वर्ग) सोनाम ल्होछारको अवसर पारेर वृहत् सांस्कृतिक कार्यक्रम आयोजना हुने भएको छ। मंगलबार आयोजित पत्रकार सम्मेलनमार्फत समितिले कार्यक्रम आगामी माघ ३ गते हुने जानकारी दिएको हो। मकवानपुरगढी गाउँपालिका–१, रानीबासस्थित एग्रो टुरिजम पार्कमा हुने कार्यक्रममा तामाङ समुदायको मौलिक संस्कृति, कला, भेषभूषा र पहिचानलाई संरक्षण तथा प्रवर्द्धन गर्ने उद्देश्य रहेको आयोजकले जनाएको छ। समितिका अध्यक्ष सानो कान्छा थिङका अनुसार सोनाम ल्होछार तामाङ समुदायको महत्वपूर्ण पर्व भएकाले यसलाई सामूहिक उत्सवको रूपमा मनाउन कार्यक्रम आयोजना गरिएको हो। कार्यक्रममा तामाङ सेलोका चर्चित गायक प्रकाश तितुङ, सञ्जीव घिसिङ, बिक्रम…

हेटौंडा, पुस १५ गते । आज जिल्ला प्रहरी कार्यालय मकवानपुर तथा मातहत प्रहरी कार्यालयबाट खटिएको प्रहरी टोलीले जिल्लाका विभिन्न स्थानमा अवैध रूपमा नदिजन्य पदार्थ (ढुंगा तथा बालुवा) उत्खनन्, ओसार–पसार तथा ओभरलोड गरी सञ्चालन गरिएका सवारीसाधनहरू नियन्त्रणमा लिएको छ। प्रहरीले अवैध गतिविधिमा संलग्न १० वटा टिप्पर र ३ वटा ट्र्याक्टर नियन्त्रणमा लिई आवश्यक कारबाहीका लागि सम्बन्धित स्थानीय तहमा पठाएको जनाएको छ। नियन्त्रणमा लिइएका सवारीसाधनहरू नदिजन्य पदार्थको अवैध उत्खनन् तथा नियमविपरीत ओभरलोड गरी सञ्चालन गरिएको पाइएपछि कारबाही प्रक्रिया अगाडि बढाइएको हो। प्रहरीका अनुसार प्राकृतिक स्रोतको संरक्षण तथा सडक सुरक्षालाई ध्यानमा राख्दै यस्ता अवैध गतिविधिविरुद्ध निरन्तर अनुगमन र कडाइका साथ कारबाही जारी रहनेछ।

राक्सिराङ, पुस १५ गते । राक्सिराङ गाउँपालिकामा स्थानीय स्तरमा उत्पादन हुने रैथाने कृषि तथा कृषिजन्य वस्तुको उचित व्यवस्थापन, प्रवर्द्धन र बजारीकरण गर्ने उद्देश्यले आजदेखि कृषि हाटबजार पुनः सञ्चालनमा आएको छ। शिक्षा, स्वास्थ्य, कृषि, विद्युत, पर्यावरण र पूर्वाधार भन्ने मूल नाराका साथ सुरु गरिएको राक्सिराङ कृषि हाटबजार प्रत्येक महिनाको १ र १५ गते नियमित रूपमा सञ्चालन हुने गाउँपालिका अध्यक्ष राजकुमार मल्लले जानकारी दिए। अध्यक्ष मल्लका अनुसार स्थानीय कृषकहरूको उत्पादनलाई सहज रूपमा बजारमा पुर्‍याई आयआर्जनमा वृद्धि गर्ने, उपभोक्तालाई सुपथ मूल्यमा ताजा तथा स्वास्थ्यकर स्थानीय उत्पादन उपलब्ध गराउने उद्देश्यले गाउँपालिकाले यो प्रयास थालेको हो। हाटबजारमा स्थानीय चेपाङ तथा तामाङ समुदायका परम्परागत खानेकुरा तथा…