स्थानीय

हेटौडा, अशोज २ गते । बागमती प्रदेशका मुख्यमन्त्री ईन्द्रबहादुर बानियाँले जेनजी पुस्ताको आन्दोलनलाई छोपेर सुनियोजित घुसपैठ भएको बताएका छन्। प्रदेशसभा लगायत सरकारी संरचनामा भएको क्षतिको निरीक्षणपछि उनले व्यवस्थापिका, कार्यपालिका, न्यायपालिका र संघीय गणतन्त्रकै आधारमाथि प्रहार भएको दाबी गरेका छन् । राष्ट्रपतिले संविधानको रक्षा गर्दै मुलुकलाई निकास दिएको उल्लेख गर्दै बानियाँले आगजनी र तोडफोड भएको प्रदेशसभाको पुनर्निर्माण दशैंपछि सुरु हुने बताएका छन् । सभामुखको राजीनामा प्रकरणबारे दलहरूसँग छलफल गरेर अघि बढ्ने उनको भनाइ रहेको छ ।

हेटौंडा, भदौ २९ गते । हेटौंडा उपमहानगरपालिकाका नगर प्रमुख मिना कुमारि लामाले हालै Gen-Z आन्दोलनका क्रममा नगरपालिकाको परिषरमा आएका विद्यार्थी भाइबहिनीहरूसँग उत्पन्न भएको परिस्थितिप्रति खेद व्यक्त गर्दै सार्वजनिक माफी मागेकी छिन्। नगर प्रमुख लामाले आफूले कहिल्यै पनि विद्यार्थीहरूको आवाजलाई बेवास्ता गर्ने वा उपेक्षा गर्ने उद्देश्य राखेको नभई असमझदारीका कारण अपमानित महसुस हुने स्थिति सिर्जना भएको बताएर पछुतो व्यक्त गरेकी छिन्। उनले आफ्नो भनाइ वा व्यवहारका कारण कुनै विद्यार्थीको मन दुखेको भए त्यसलाई सच्चाउने दृढता व्यक्त गर्दै सबै विद्यार्थी र आम नगरवासीसँग क्षमा याचना गरेकी छिन्। उनले आन्दोलनमा संलग्न विद्यार्थीहरूको माग सम्बोधनका लागि नगरपालिकाको तर्फबाट सकारात्मक पहल गर्ने प्रतिबद्धता समेत जनाइन्। साथै,…