स्थानीय

हेटौंडा, भदौ २८ गते । वैशाख २३ गते सुरु भएको दुई दिने जेन जि जनविद्रोह आन्दोलनमा सहादत प्राप्त गरेका युवापुस्तालाई सम्झना गर्दै हेटौंडा उपमहानगरपालिका अन्तर्गत बुद्धचोकमा शनिबार साँझ दीप प्रज्वलन गरिएको छ। साँझ ६ बजेदेखि सुरु भएको कार्यक्रममा हेटौंडाका जेन जि युवा पुस्ताले दीप प्रज्वलन गर्दै सहादत प्राप्त साथीहरूको योगदानप्रति श्रद्धाञ्जली अर्पण गरेका थिए। उनीहरूले आहुति दिने ती युवाको सम्झनामा एक मिनेट मौनधारणसमेत गरेका थिए। आन्दोलनका क्रममा ज्यान गुमाएका जेन जि पुस्ताको बलिदान र योगदान कुनै पनि हालतमा खेर नजाने स्मरण गर्दै कार्यक्रममा सहभागी भएका युवाहरूले एकता प्रकट गरेका थिए। उनीहरूको भनाइमा, परिवर्तनका लागि भएको त्यागले नयाँ नेपालको आधार तयार…

मकवानपुर, भदौ २८ गते । जिल्ला प्रशासन कार्यालय मकवानपुरले लागू गरिएको निषेधाज्ञा तथा कर्फ्यु आदेश हटाएको छ। हालैको घटनाक्रम सामान्यीकरण हुँदै गएपछि प्रमुख जिल्ला अधिकारी स्किम श्रेष्ठले आज बिहान १०:०० बजेदेखि निषेधाज्ञा र कर्फ्यु आदेश हटाउने निर्णय गरेका हुन्। कार्यालयले जारी गरेको विज्ञप्तिमा अबदेखि जिल्लाभर निषेधाज्ञा तथा कर्फ्यु आदेश खारेज भएको जानकारी गराइएको छ।

हेटौडा, भदौ २७ गते । नेपालको राजनीतिक इतिहासमा हाल अभूतपूर्व टर्निङ पोइन्ट आएको छ। जेन जि पुस्ताले भाद्र २३ गते गरेको जनआन्दोलनमा २० जनाभन्दा बढीले ज्यान गुमाएपछि देशको नेतृत्व कसलाई दिने भन्ने विषय अहिले प्रमुख बहसको केन्द्रमा छ। युवापुस्ताको आन्दोलनले पुरानो नेतृत्वप्रति असन्तोष प्रकट गरेको भए पनि अबको दिशानिर्देशन कसले गर्ने भन्ने प्रश्नले आन्दोलनकारीहरूलाई दुई भागमा विभाजित बनाएको छ। कोही धरान उपमहानगरपालिकाका मेयर हर्क सम्पाङलाई अगाडि सार्नुपर्ने पक्षमा छन् भने कोही काठमाडौं महानगरपालिकाका मेयर बालेन्द्र शाह (बालेन) वा पूर्व विद्युत प्राधिकरणका कार्यकारी निर्देशक कुलमान घिसिङलाई अघि बढाउनुपर्ने तर्क गर्छन्। अर्को धारले भने पूर्व प्रधानन्यायाधीश सुशीला कार्कीलाई नेतृत्व दिनुपर्ने प्रस्ताव अघि…

मकवानपुर, भदौ २६ गते । सामाजिक सुधारका लागि चलाइएको जेन्जी आन्दोलनमा अग्रपंक्तिमा रहेकाहरु मध्येका विशालराज महतले बुधबार आफ्नो अनुभव सार्वजनिक गर्दै आन्दोलनले अनपेक्षित विध्वंश भएको स्वीकार गरेका छन्। महत्वपूर्ण दस्तावेज, सम्पत्ति र विभिन्न स्थानमा भएको तोडफोड र चोरी घटनाबारे उनले भने, “आन्दोलनको मक्सद सरकारको राजीनामा भएको थियो र त्यसपछि आन्दोलन सकिनु पर्ने थियो। तर जेन जीको नाममा केही घुसपैठ भयो, जसले नचाहिँदो क्षति पुर्‍यायो। हामीले बुझ्न सकेनौं।” महतले हेटौँडामा भएका लुटपाट र तोडफोडमा मकवानपुर बाहिरका अनुहार देखिएको, भाटभटेनी लगायतका स्थानबाट विभिन्न सामान चोरी भएको पनि स्वीकार गरेका छन् । उनले भने, “आजबाट हाम्रो लागि आन्दोलन सकिएको छ। अब अराजक गतिविधि…

हेटौडा, भदौ २६ गते । नेपाल पत्रकार महासङ्घ बागमती प्रदेश समितिले पछिल्ला दिनहरूमा देखिएको सेनाको अस्वाभाविक सक्रियता र असम्बन्धित व्यक्तिहरूको हस्तक्षेप जन्य गतिविधिप्रति गम्भीर आपत्ति प्रकट गर्दै संवैधानिक मर्यादा र लोकतान्त्रिक अभ्यासलाई सम्मान गर्न सबै सरोकारवालालाई संयमित र संवेदनशील हुन आग्रह गरेको छ। महासङ्घले जारी गरेको विज्ञप्तिमा सेना संवैधानिक दायराभित्र रही राष्ट्रपतिको निर्णय र जेनजी नेतृत्वलाई सहयोग गर्नुपर्ने, गैरजिम्मेवार व्यक्तिहरूको स्वार्थपरक सक्रियतामा संलग्न नहुनुपर्ने र लोकतान्त्रिक प्रक्रियामा बाधा पुग्ने वा नागरिकको अधिकार कुण्ठित गर्ने कार्यबाट टाढा रहनुपर्ने उल्लेख गरिएको छ। त्यस्तै, आन्दोलनकारीहरूको मागलाई गम्भीरतापूर्वक सम्बोधन गर्न सम्बद्ध पक्षलाई आग्रह गर्दै प्रेसमाथि भएका आक्रमणहरूको कडा भर्त्सना गरिएको छ। महासङ्घले पूर्ण प्रेस…