स्थानीय

हेटौंडा, भदौ २४ गते । जनता समाजवादी पार्टी (जसपा) नेपाल, बागमती प्रदेशले आफ्नो प्रथम एकताको ऐतिहासिक अधिवेशन यही भाद्र २८ र २९ गते आयोजना गर्ने भएको छ। अधिवेशनको उद्घाटन पार्टीका अध्यक्ष तथा पूर्व उपप्रधानमन्त्री माननीय उपेन्द्र यादवद्वारा हुने भएको छ। बागमती प्रदेश जसपाका कार्यवाहक अध्यक्ष जीवन लामा जीवले जानकारी दिएअनुसार अधिवेशन हेटौंडा–४ स्थित न्यु संगम पार्टी प्यालेस, पशुपति मन्दिर अगाडि हुनेछ। अधिवेशनमा बागमती प्रदेशका विभिन्न जिल्लाबाट आएका प्रतिनिधिहरू सहभागी हुने र पार्टी संगठनलाई थप सबल बनाउन रणनीतिक योजना तय गरिने जसपा नेपालले जनाएको छ।

हेटौँडा, भदौ २३ गते । अनेरास्ववियु ग्रामीण आदर्श बि.क्याम्पस कमिटीका सम्पूर्ण पदाधिकारी तथा सदस्यहरूले सामूहिक राजीनामा दिएका छन्। उनले जारी गरेको प्रेस विज्ञप्तिमा सरकारद्वारा विद्यार्थी र जनतामाथि गरिएको दमन, अत्याचार र अन्यायको घोर विरोध गर्दै विद्यार्थीहरूको पक्षमा उभिनुपर्ने संगठनलाई समेत दमनको मतियार बनाउन खोजिएको वर्तमान परिस्थितिमा मौन बस्न नसकिने स्पष्ट गरिएको छ। विज्ञप्तिमा भनिएको छ, “हामी युवाहरू कुनै पार्टी, पद वा कुर्सीकाका दास होइनौँ। हाम्रो वफादारी सधैं विद्यार्थीको अधिकार, जनताको न्याय र देशको भविष्यसँग मात्र हुनेछ।” आजदेखि कार्यसमिति अन्तर्गत अध्यक्ष, उपाध्यक्ष, सचिव, सह–सचिव र कोषाध्यक्षसहित सम्पूर्ण सदस्यहरूले सामान्य सदस्यता समेत नराख्ने गरी सामूहिक रूपमा राजीनामा दिएको जानकारी गराइएको हो। अध्यक्ष…