राजनीति

काठमाडौं। राष्ट्रिय स्वतन्त्र पार्टी (रास्वपा) ले आम नागरिकसँग सीधा संवादका लागि 'खुल्ला आँगन' नामक साप्ताहिक भेटघाट कार्यक्रम सुरु गर्ने भएको छ। रास्वपाका प्रवक्ता मनिष झाका अनुसार यो कार्यक्रम हरेक शुक्रबार दिउँसो ४ बजेदेखि साँझ ६ बजेसम्म पार्टीको केन्द्रीय कार्यालय, वनस्थलीमा सञ्चालन गरिनेछ। यो पहल नागरिकका सुझाव, गुनासा तथा जिज्ञासा सुन्न र जनउत्तरदायी बन्नका लागि गरिएको प्रवक्ता झाले बताएका छन्। 'खुल्ला आँगन' ले सहभागितामूलक लोकतान्त्रिक अभ्यासलाई संस्थागत गर्ने लक्ष्य राखेको छ। 'खुल्ला आँगन' को पहिलो कार्यक्रम यही साउन १६ गते शुक्रबारबाट सुरु हुनेछ। कार्यक्रमको ढाँचा सबैका लागि खुल्ला रहने र यसको कुनै पूर्वनिर्धारित एजेन्डा नहुने भएकाले सहभागीहरूले स्वतन्त्र रूपमा आफ्ना कुरा…

काठमाडौं। सुदूरपश्चिम प्रदेशका मुख्यमन्त्री कमल बहादुर शाहले प्रदेश सभामा विश्वासको मत प्राप्त गरेका छन्। यसअघि नागरिक उन्मुक्ति पार्टी (नाउपा) ले समर्थन फिर्ता लिएपछि मुख्यमन्त्री शाहले विश्वासको मत लिनुपर्ने अवस्था आएको हो। मुख्यमन्त्रीलाई विश्वासको मत प्राप्त हुनुमा नाउपाकै एक सांसद कैलाश चौधरीको भूमिका महत्त्वपूर्ण रह्यो। नाउपाका कुल सात सांसदमध्ये छवटा सांसद प्रदेश सभामा अनुपस्थित रहे पनि चौधरीले भने मुख्यमन्त्री शाहको पक्षमा मतदान गरेका थिए। मुख्यमन्त्री शाहको पक्षमा नेपाली कांग्रेसका १८ र नेकपा एमालेका ११ मत पनि परेका छन्।

काठमाडौं। नागरिक उन्मुक्ति पार्टी (नाउपा) भित्रको आन्तरिक किचलोले नयाँ मोड लिएको छ। बिहीबार काठमाडौंमा आयोजित राष्ट्रिय भेलाले पार्टी संरक्षक रेशम चौधरीका बुबा एवं प्रतिनिधिसभा सदस्य लालवीर चौधरीलाई सर्वसम्मत अध्यक्षमा चयन गरेको छ। यो निर्णय हुनुभन्दा पहिले नै पार्टीले निवर्तमान अध्यक्ष रञ्जिता श्रेष्ठलाई पार्टीको साधारण सदस्यसमेत नरहने गरी बर्खास्त गरिसकेको थियो। भेला आयोजक पक्षका अनुसार, रञ्जिता श्रेष्ठले विधानको उल्लंघन गर्दै पोखराका शिव बास्तोलालाई कार्यवाहक अध्यक्ष बनाएको र लामो समयदेखि पार्टीको बैठकसमेत नडाकेकाले संरक्षक रेशम चौधरी असन्तुष्ट बनेका थिए। यसपछि बहुमत संस्थापक सदस्यहरूको बैठकले रञ्जितालाई २४ घण्टे स्पष्टीकरण सोध्ने निर्णय गरेको थियो। तोकिएको समयभित्र स्पष्टीकरण पेस नगरेपछि अनुशासन समितिले उनीमाथि कारबाहीका लागि…