समाचार

काठमाडौँ, माघ ११ गते । सामाजिक सञ्जालमार्फत बैंक तथा वित्तीय संस्थालाई लक्षित गरी सार्वजनिक नैतिकता र शिष्टाचार विपरीत अभिव्यक्ति दिएको आरोपमा नेपाल प्रहरी प्रधान कार्यालय अन्तर्गत साइबर ब्युरोले एक व्यक्तिमाथि अनुसन्धान अघि बढाएको छ। साइबर ब्युरोका अनुसार जिल्ला झापा अर्जुनधारा नगरपालिका–११ घर भई हाल नागरिक बचाउ महाअभियान नेपालका ऋणी एसोसिएसनका केन्द्रीय संयोजक रहेका ४४ वर्षीय देवीप्रसाद संग्रौलाले विभिन्न सामाजिक सञ्जाल र ‘अर्थसरोकार’ युट्युब च्यानल मार्फत बैंकका कर्मचारीहरू माथि कुटपिट तथा भण्डारखाल जस्ता घटनालाई उक्साउने खालका अभिव्यक्ति दिएका थिए। उक्त अभिव्यक्तिले समाजमा भ्रम सिर्जना गरेको भन्दै साइबर ब्युरोले संग्रौलालाई उपस्थित गराई प्रारम्भिक सोधपुछ गरेको जनाएको छ। सोधपुछका क्रममा उनले कानुनको उल्लङ्घन…

काठमाडौँ,माघ ११ गते । नेपाल सरकार, गृह मन्त्रालयले नेपालको राष्ट्रिय गौरव र स्वाभिमानको प्रतीक राष्ट्रिय झण्डाको प्रयोगलाई मर्यादित, सम्मानजनक र कानुनसम्मत बनाउन सबैमा आग्रह गरेको छ। गृह मन्त्रालयले जारी गरेको प्रेस विज्ञप्तिमा राष्ट्रिय झण्डा र राष्ट्रिय गानको प्रयोग सम्बन्धी कार्यविधि, २०६९ अनुसार राष्ट्रिय झण्डाको प्रयोग, आकार, फरफराउने विधि तथा निषेधित कार्यहरूको स्पष्ट व्यवस्था रहेको उल्लेख गरिएको छ। विज्ञप्तिमा प्रमुख जिल्ला अधिकारीलाई आफ्नो कार्यक्षेत्रभित्र राष्ट्रिय झण्डाको प्रयोग सही रूपमा भए–नभएको नियमित अनुगमन गर्ने जिम्मेवारी तोकिएको जानकारी दिइएको छ। राष्ट्रिय झण्डा उल्टो राख्ने, च्यात्ने, जलाउने, फ्याँक्ने, कुनै सामान पोको पार्न प्रयोग गर्ने, विज्ञापन वा व्यक्तिगत प्रयोजनका लागि दुरुपयोग गर्ने तथा शरीरको कम्मरभन्दा…

चितवन, माघ १० गते । दासढुङ्गा पुलबाट हाम फालेर आत्मघाती प्रयास गरेकी एक महिलालाई ट्राफिक प्रहरीले समयमै उद्धार गरी सकुशल अस्पताल पुर्‍याएका छन्। जुगेडी क्षेत्रमा ड्युटीमा रहेका ट्राफिक प्रहरी सहायक हवल्दार जिबराज भट्टराई र खडक ब. बिष्टले जोखिम मोलेर महिलाको उद्धार गरेका हुन्। पुलबाट हाम फालेको खबर पाउनासाथ घटनास्थल पुगेका प्रहरीद्वयले तत्काल उद्धार गरी उपचारका लागि भरतपुरस्थित अस्पताल पुर्‍याएका थिए। प्रहरीको छिटो निर्णय, सक्रियता र मानवीय संवेदनशीलताका कारण महिलाको ज्यान जोगिन सफल भएको बताइएको छ। यस घटनाले कठिन परिस्थितिमा पनि प्रहरीको जिम्मेवारीबोध र मानवीय साहसको उदाहरण प्रस्तुत गरेको छ।

काठमाडौँ, माघ ५ गते । निर्वाचन आयोगका प्रमुख कार्यवाहक निर्वाचन आयुक्त राम प्रसाद भण्डारीले उम्मेदवारी मनोनयनका क्रममा बाजा गाजा लगायत कुनै पनि प्रकारको तडकभडक नगर्न चेतावनी दिएका छन्। सोमबार आयोगमा सञ्चारकर्मीसँग कुराकानी गर्दै उनले उम्मेदवारी कायम गर्न जाँदा देखिने यस्ता गतिविधिहरू कानून र निर्वाचन आचार-संहिताले पूर्ण रूपमा निषेध गरेको स्पष्ट पारे। भण्डारीले आचारसंहिता उल्लंघन गर्ने जो–कोही विरुद्ध आयोगले कठोर निर्णय लिने चेतावनी दिँदै सबै उम्मेदवार तथा राजनीतिक दललाई निष्ठा पूर्वक आचार-संहिता पालना गर्दै मनोनयन पत्र दाखिल गर्न आग्रह गरे। उनले निर्वाचन स्वच्छ, स्वतन्त्र, निष्पक्ष र भयमुक्त वातावरणमा सम्पन्न हुने दाबी गर्दै निर्वाचन हुँदैन कि भन्ने शंका नगर्न पनि सबैलाई आग्रह…

काठमाडौँ, माघ ५ गते । सञ्चार तथा सूचना प्रविधिमन्त्री जगदीश खरेलले मन्त्री पदबाट राजीनामा दिएका छन्। आगामी प्रतिनिधिसभा निर्वाचनमा राष्ट्रिय स्वतन्त्र पार्टी (रास्वपा) बाट उम्मेदवार बन्ने निश्चित भएपछि उनले आज साँझ विशेष पत्रकार सम्मेलनमार्फत राजीनामाको घोषणा गरेका हुन्। मन्त्री खरेलले बुझाएको उक्त राजीनामा प्रधानमन्त्री सुशीला कार्कीले स्वीकृत गरिसकेकी छिन्। ​आउँदो माघ ६ गते प्रतिनिधिसभा निर्वाचनका लागि उम्मेदवारी मनोनयन दर्ता गर्नुपर्ने भएकाले उनले आजै पद त्याग गरेको जनाइएको छ। यसअघि खेलकुद मन्त्री बब्लु गुप्ताले पनि निर्वाचनकै तयारीका लागि राजीनामा दिइसकेका छन्। उम्मेदवारी दर्ता अघि नै मन्त्री पदबाट बाहिरिएर खरेल निर्वाचनको चुनावी मैदानमा होमिएका हुन्।

धरान, माघ ४ गते । धरान उपमहानगरपालिकाका मेयर हर्कराज राई ‘हर्क सम्पाङ’ ले आफ्नो पदबाट औपचारिक रूपमा राजीनामा दिएका छन्। आज धरान उपमहानगरपालिकाकै कार्यालयमा आयोजित विशेष कार्यक्रममार्फत उनले मेयर पदबाट राजीनामा दिएको घोषणा गरेका हुन्। राजीनामा पत्र उपमेयर अइन्द्रविक्रम बेघा लाई हस्तान्तरण गर्दै सम्पाङले आउँदै गरेको फागुन २१ गते हुने प्रतिनिधिसभा निर्वाचनमा सुनसरीबाट उम्मेदवारी दिने तयारीका कारण आफूले मेयर पदबाट अलग हुनुपरेको स्पष्ट पारे। पत्रकार सम्मेलनमार्फत उनले आफू स्वयं निर्वाचनमा सहभागी हुने भएपछि एउटै व्यक्तिले दुईवटा जिम्मेवारी सम्हाल्न नमिल्ने अवस्था आएको र त्यसैले समयमै राजीनामा दिनु परेको बताए। राजीनामा बुझाउने क्रममा सम्पाङले आफ्नो कार्यकालमा जिम्मेवारीपूर्वक काम गर्ने क्रममा बोलिवचन वा…

​काठमाडौँ, माघ ३ गते । नेत्रहीन युवा सङ्घ नेपाल केन्द्रीय कार्यालयको आयोजना तथा फन्डरेज फर युथ लिडरसिपको सहकार्यमा दृष्टि सम्बन्धी अपाङ्गता भएका व्यक्तिहरूका लागि सञ्चालन गरिएको तीन दिने क्षमता अभिवृद्धि तथा संस्थागत विकास तालिम काठमाडौँमा सम्पन्न भएको छ। तालिममा नेत्रहीन युवा सङ्घ नेपाल काठमाडौँ शाखाका बोर्ड सदस्य तथा साधारण सदस्य गरी १८ जना दृष्टि अपाङ्गता भएका व्यक्तिहरूको सक्रिय सहभागिता रहेको थियो। कार्यक्रममा संस्थागत सुदृढीकरण, प्रशासनिक दक्षता र नेतृत्व विकाससम्बन्धी विषयमा केन्द्रित रहेर प्रशिक्षण प्रदान गरिएको आयोजकले जनाएको छ। तालिमका मुख्य सत्रहरूमा प्रशिक्षक निर्मल भण्डारीले संस्थाको आधारभूत अवधारणा, संस्था सञ्चालनका लागि आवश्यक स्रोतहरूको पहिचान, आर्थिक स्रोत जुटाउने उपाय तथा प्रपोजल लेखन…

काठमाडौं, माघ २ गते । नेपाल सरकार गृहमन्त्रीस्तरको २०८२ माघ २ गतेको निर्णयअनुसार प्रहरी उपरीक्षकबाट प्रहरी वरिष्ठ उपरीक्षक पदमा पदोन्नति भएका १० जना प्रहरी अधिकृतहरू दर्ज्यानी चिन्हद्वारा सुशोभित भएका छन्। नेपाल प्रहरी प्रधान कार्यालयमा शुक्रबार आयोजित समारोहमा प्रहरी महानिरीक्षक दान बहादुर कार्कीले उनीहरूलाई दर्ज्यानी चिन्ह लगाइदिएको हो। दर्ज्यानी चिन्ह सुशोभित हुने प्रहरी वरिष्ठ उपरीक्षकहरूमा राम प्रकाश शाह, भुवनेश्वर तिवारी, ऋषि राम कंडेल, सुरेश प्रसाद काफ्ले, श्याम सिंह चौधरी, नकुल पोखरेल, दिलिप घिमिरे, पदम बहादुर विष्ट, योगेन्द्र सिंह थापा र सुवास चन्द्र वोहरा रहनुभएको छ। समारोहलाई सम्बोधन गर्दै प्रहरी महानिरीक्षक कार्कीले पदोन्नति प्राप्त अधिकृतहरूलाई बधाई दिँदै सफल कार्यकालको शुभकामना व्यक्त गरे।…

काठमाडौं, माघ १ गते । काठमाडौँ — जेन जि मुभमेन्ट नेपालले सहकारी ठगी प्रकरणका मुख्य अभियुक्त रवि लामिछानेलाई उन्मुक्ति दिन खोजिएको भन्दै तीव्र आपत्ति जनाएको छ। मुभमेन्टले शक्तिको दुरुपयोग गर्दै गम्भीर अपराधमा संलग्न व्यक्तिहरूलाई कानुनी संरक्षण गरिएको घटनालाई सुशासन र न्याय प्रणाली माथिको ठाडो आक्रमणको रूपमा व्याख्या गरेको छ। जेन जि मुभमेन्टका अनुसार महान्याया धिवक्ताबाटै गैरकानुनी हस्तक्षेप गरी १६–१७ वर्षका किशोरीहरूलाई बेहोस बनाई डिम्ब बिक्री जस्तो जघन्य अपराधमा संलग्न गिरोहलाई जोगाउने प्रयास भएपछि तत्काल बर्खास्तीको माग गरिएको थियो। यस्ता घटनाले राज्य संयन्त्र अपराधीको पक्षमा उभिएको स्पष्ट संकेत दिएको मुभमेन्टको ठहर छ। मुभमेन्टले स्मरण गराएको छ कि सुशासन र कानुनी राज्य…

काठमाडौं, पुस २९ गते । भदौ २३ र २४ गते सम्पन्न प्रदर्शनका क्रममा भएको मानवीय तथा भौतिक क्षतिको विषयमा राष्ट्रिय मानव अधिकार आयोगले औपचारिक अनुसन्धानलाई तीव्रता दिएको छ। सोही सिलसिलामा आयोगले जेनजी आन्दोलनका अगुवा रवि किरण हमाललाई छलफलका लागि बोलाएको छ। आयोगले माननीय सदस्य डा. लीलि थापाको संयोजकत्वमा गठन गरिएको अनुसन्धान समितिमार्फत घटनाको समग्र अध्ययन गरिरहेको जनाएको छ। आयोगले हमाललाई २०८२ भदौ ३० गते बिहान ११ बजे पुल्चोकस्थित हरिहर भवनमा रहेको केन्द्रीय कार्यालयमा उपस्थित भई छलफलमा सहभागी हुन पत्राचार गरेको हो। आयोगका अनुसार छलफलमा प्रदर्शनका क्रममा घाइते भएकाहरूको उपचार अवस्था, राहत तथा क्षतिपूर्तिको प्रक्रिया, साथै राज्य पक्ष र सरोकारवाला निकायहरूले…