समाचार

काठमाडौं, अशोज २५ गते । खोजमूलक पत्रकारितामा सक्रिय पत्रकार दिवाकर शाहले एक सनसनीपूर्ण तथ्य सार्वजनिक गर्दै देश अब विदेशी शक्तिको चङ्गुलमा फस्न लागेको गम्भीर दाबी गरेका छन्। मध्यरातमा प्रधानमन्त्री सुशील कार्कीको निवासमा ‘दूतावासका गाडीहरू’ प्रवेश गर्ने गरेको उल्लेख गर्दै शाहले यस विषयमा तत्कालीन सिसीटिभी फुटेज सार्वजनिक गर्न सरकारसँग माग गरेका छन्। पत्रकार शाहका अनुसार पछिल्ला राजनीतिक घटना र आन्दोलनका क्रममा देशभित्र विदेशी चलखेल तीव्र रूपमा बढ्दै गएको छ। उनले भने, “देशलाई प्रयोगशालाको रूपमा प्रयोग गर्न खोजिएको छ। केही आइएनजी व्यक्तिहरू ‘जिन जि’ नाममा नेतृत्व भूमिकामा देखिँदैछन्, जसले देशलाई रणभूमि बनाउन खोजिरहेका छन्।” शाहले आफू २३ र २४ गतेका ‘जिन जि…

काठमाडौं, अशोज २४ गते । नेपाल प्रहरीले पछिल्ला दिनमा विभिन्न पत्रपत्रिकामा प्रकाशित तथा सञ्चारमाध्यमहरूमा प्रसारित ‘प्रहरी महानिरीक्षक चन्द्र कुबेर खापुङले पूर्व प्रधानमन्त्री केपी शर्मा ओली र पूर्व गृहमन्त्री रमेश लेखकलाई पक्राउ गर्न दबाब सिर्जना गरिएको’ भन्ने आशयका समाचारहरूलाई भ्रामक र असत्य रहेको बताएको छ। नेपाल प्रहरी प्रधान कार्यालय, प्रहरी महानिरीक्षकको सचिवालयबाट शुक्रबार जारी विज्ञप्तिमा उल्लेख छ कि महानिरीक्षक खापुङले कहीँकतै त्यस्तो आशय प्रकट नगरेको स्पष्ट गरिएको छ। विज्ञप्तिमा भनिएको छ, “सम्माननीय प्रधानमन्त्रीज्यू र माननीय गृहमन्त्रीज्यूसँग भएको सुरक्षा बैठक तथा प्रतिवेदनहरूमा समसामयिक घटनाक्रम र त्यसबाट उत्पन्न सुरक्षा चुनौतीबारे मात्र विश्लेषण गरी शान्ति–सुव्यवस्था कायम गर्ने विषयमा सोहार्दपूर्ण छलफल भएको हो।” नेपाल प्रहरीका…

काठमाडौँ, अशोज २३ गते । माइतीघरमा बिहीबार दिउँसो भएको प्रदर्शनका क्रममा प्रहरीले पक्राउ गरेका अभियान्ता डा. निकोलस भुसाललाई सुधार केन्द्र पठाइएको भन्ने समाचार बाहिरिएपछि उनले सो दाबीलाई अस्वीकार गरेका छन्। केही सञ्चारमाध्यमहरूले भुसाललाई ‘गाँजा सेवन गरेको पाइएपछि सुधार केन्द्र पठाइएको’ भनेर समाचार प्रसारण गरेपछि उनले सामाजिक सञ्जालमार्फत् प्रतिवाद गरेका हुन्। भुसालले अनलाइन लाइभ मार्फत् प्रतिक्रिया दिँदै भने, “मलाई गाँजा सेवन गरेको भनेर हल्ला फैलाइएको समाचार पूर्णतः झूटो हो। ती ठूला भनिएका पत्रकारहरूले प्रचार गरेको कुरा सत्य होइन।” उनका अनुसार आफूलाई शान्तिपूर्ण प्रदर्शनमा सहभागी भएको कारण मात्र पक्राउ गरिएको हो, नकि मादक पदार्थ सेवनको कारण। यसअघि माइतीघर मण्डलामा भएको प्रदर्शनका क्रममा…

काठमाडौं, अ्शोज २३ गते । Gen–Z का नाममा विभिन्न समूहले आन्दोलनको तयारी गरिरहेका संकेतसँगै काठमाडौंमा सुरक्षा निगरानी कडा गरिएको छ। विशेषगरी प्रदर्शनको केन्द्रबिन्दु मानिने माइतीघर मण्डलामा ठूलो संख्यामा प्रहरी तैनाथ गरिएको छ। Gen–Z का मागहरू सम्बोधन नभएको भन्दै प्रदर्शनमा सहभागी हुन पुगेका युवाहरूमाथि प्रहरीले नियन्त्रण कडा बनाएको छ। आज माइतीघर क्षेत्रमा प्रदर्शनका लागि आएका केही युवाहरूलाई प्रहरीले पक्राउ गरेको छ। प्रहरीका अनुसार, अनधिकृत रूपमा भेला भई प्रदर्शन गर्न खोज्नेहरूलाई रोकथामका लागि निगरानी बढाइएको हो। यसअघि पनि Gen–Z समूहका युवाहरूले सामाजिक सञ्जालमार्फत विभिन्न माग राख्दै आन्दोलनको चेतावनी दिएका थिए। माइतीघर क्षेत्रमा निरन्तर भइरहेको प्रहरी उपस्थिति र निगरानीका कारण प्रदर्शनकारीहरूलाई गतिविधि सञ्चालन…

काठमाडौं, अ्शोज २३ गते । राजधानीको माइतीघर क्षेत्रमा प्रदर्शन गर्न पुगेका डा. निकोलस भुसालसहित १५ भन्दा बढी युवालाई प्रहरीले नियन्त्रणमा लिएको छ। ‘जेनजीको माग’ सम्बोधन नभएको भन्दै भुसालसहित युवाहरू माइतीघरमा प्रदर्शनका लागि पुगेका थिए। तर, माइतीघर क्षेत्र संवेदनशील क्षेत्रको सूचीमा परेकाले पूर्वसूचना बिना प्रदर्शन गर्न नपाइने भन्दै प्रहरीले उनीहरूलाई नियन्त्रणमा लिएको हो। प्रदर्शनमा सहभागी युवाहरूले सरकारले युवाका मागप्रति बेवास्ता गरेको आरोप लगाउँदै शान्तिपूर्ण रूपमा आफ्नो आवाज उठाउन खोजेको बताएका छन्। यता प्रहरीले भने कानून विपरीतको जमघट रोक्न कदम चालिएको जनाएको छ। नियन्त्रणमा परेकाहरूलाई सोधपुछका लागि जिल्ला प्रहरी परिसर, काठमाडौंमा लगिएको छ। घटनासम्बन्धी थप विवरण प्रहरीले सार्वजनिक गरेको छैन।

दोलखा, अशोज २२ गते । भीमेश्वर नगरपालिका–४ सिरान गाउँ देउराली सार्केश्वराका स्थानीय दाजुभाइ र दिदीबहिनीहरूले “आफ्नो गाउँ ठाउँ आफैं बनाउँ” भन्ने उद्देश्यका साथ सामूहिक श्रमदान गरी सडकको नालामा झरेको पहिरो र माटो सफा गरेका छन्। सडकमा लगातारको वर्षाका कारण पहिरो झरेर बाटो अबरुद्ध भएपछि स्थानीय बासिन्दाहरूले कुनै पनि सरकारी सहयोगको पर्खाइ नगरी आफैं अग्रसर भएर श्रम अभियान सञ्चालन गरेका हुन्। उनीहरूले नालामा अड्किएको माटो, झाडी र ढुंगामाटो हटाउँदै सडक पुनः सहज पार्ने काम सम्पन्न गरेका छन्। स्थानीयको भनाइअनुसार, यस्तो सामूहिक श्रमदानले गाउँमा एकताको भावना बढाउने मात्र नभई विकास र सरसफाइप्रतिको चेतना पनि फैलाउने काम गरेको छ। उनीहरूले आगामी दिनमा पनि…

काठमाडौँ, अशोज २२ गते । जेन जि पुस्ताको अगुवाइमा हालै भएका प्रदर्शनपछि देशमा विकसित नयाँ राजनीतिक परिस्थितिप्रति ध्यानाकर्षण गर्दै गृह मन्त्रालयले आज एक प्रेस विज्ञप्ति जारी गरेको छ। विज्ञप्तिमा नयाँ सरकार गठनसँगै मुलुकको शान्ति सुरक्षा स्थिति सामान्य बनाउँदै आगामी फागुन २१ गतेका लागि तोकिएको निर्वाचनलाई सफलतापूर्वक सम्पन्न गर्न सरकार क्रियाशील रहेको उल्लेख गरिएको छ। गृह मन्त्रालयका प्रवक्ता तथा सहसचिव आनन्द काफ्लेले हस्ताक्षर गरेको विज्ञप्तिमा मुलुकमा शान्ति सुव्यवस्था कायम राख्दै निर्वाचनमा सबै नागरिकको सहभागिता सुनिश्चित गर्न आह्वान गरिएको छ। साथै नागरिकले आफ्ना आवाज, अपेक्षा र असन्तुष्टिहरूलाई शान्तिपूर्ण तरिकाले व्यक्त गर्न आग्रह गरिएको छ। मन्त्रालयले धर्ना, जुलुस र विरोधका कार्यक्रमलाई सभ्य, मर्यादित…