समाचार

काठमाडौँ, फागुन ६ गते । नेत्रहीन युवा संघ नेपालका देशभर रहेका १० वटा शाखाहरूमध्ये 'फन्डेड फर यूथ लिडरसिप' परियोजनाका लागि छनोट भएका तीन जिल्लामा नेतृत्व विकास कार्यक्रमले तीव्रता पाएको छ। काठमाडौँ, झापा र चितवन शाखालाई लक्षित गरी सञ्चालित यस विशेष परियोजना अन्तर्गत अहिले काठमाडौँमा तीन दिने प्रशिक्षण सुरु भएको छ। ​नेत्रहीन युवा संघ नेपाल, उपत्यका शाखाको आयोजनामा सुरु भएको यस कार्यक्रमले अपाङ्गता भएका युवाहरूलाई राज्यको नीति निर्माण र कार्यान्वयनको तहमा पुर्‍याउँदै आफ्ना हक र अधिकारका लागि आफैँ आवाज उठाउन सक्षम बनाउने दीर्घकालीन लक्ष्य राखेको छ। यस प्रशिक्षणमा विभिन्न प्रकृतिका अपाङ्गता भएका १९ जना युवाहरूको सक्रिय सहभागिता रहेको छ। सहभागीहरूमध्ये १०…

काठमाडौँ, फागुन ५ गते । नेपाल पत्रकार महासंघले यही फागुन २१ गते हुने प्रतिनिधि सभा निर्वाचनलाई लक्षित गर्दै आमसञ्चारमाध्यम र पत्रकारहरूलाई पत्रकारिताको सिद्धान्त तथा पत्रकार आचारसंहिताको कडाइका साथ पालना गर्न आग्रह गरेको छ। महासंघले निर्वाचनको समयमा मिथ्या सूचना, अप्रमाणित समाचार र अनुमानमा आधारित सामग्रीले मतदातालाई प्रभावित पार्न सक्ने जोखिम रहने उल्लेख गर्दै यस्ता गतिविधिप्रति गम्भीर चासो व्यक्त गरेको छ। विज्ञप्तिमा प्रेस तथा अभिव्यक्ति स्वतन्त्रताको उपभोग गर्दै स्वस्थ, स्वतन्त्र, धाँधलीरहित र शान्तिपूर्ण निर्वाचन सम्पन्न हुने वातावरण निर्माणमा सञ्चारमाध्यम र पत्रकारहरूको भूमिका महत्वपूर्ण रहने स्पष्ट पारिएको छ। निर्वाचन नजिकिँदै जाँदा केही अनलाइन सञ्चारमाध्यम, सामाजिक सञ्जाल तथा युट्युबमार्फत प्रवाहित सामग्रीमा पत्रकार आचारसंहिता र…

काठमाडौँ, माघ २६ गते । आगामी २०८२ साल फागुन २१ गते हुने प्रतिनिधिसभा सदस्य निर्वाचनमा कुनै पनि भ्रम, डर वा आशंका नगरी ढुक्कसँग मतदान गर्न निर्वाचन आयोगले मतदातालाई आग्रह गरेको छ। निर्वाचन आयोगका सूचना अधिकारी सुमन घिमिरेले मतदाताको मत पूर्ण रूपमा गोप्य हुने भएकाले निसंकोच आफूलाई मनपरेको राजनीतिक दल वा उम्मेदवारको निर्वाचन चिन्हमा मतदान गर्न हार्दिक अपिल गरेका छन्। उनले नेपालको संविधान तथा निर्वाचनसम्बन्धी कानुनअनुसार हरेक मतदाताको मतदान गोप्य हुने स्पष्ट पार्दै, कसैले पनि कसले कसलाई मतदान गर्‍यो भन्ने कुरा थाहा नपाउने व्यवस्था रहेको बताए। “मतदान स्थलमा गोप्य कार्यकक्षको व्यवस्था गरिएको हुन्छ, जहाँ मतदाताले एक्लै मतपत्रमा छाप लगाउने व्यवस्था हुन्छ,”…

काठमाडौँ, माघ २१ गते । राजनीतिक विश्लेषक बुद्धछिरिङ मोक्तानले नेपालको वर्तमान संकट कुनै एक व्यक्ति वा दलको असफलताका कारण नभई २००६ पछि अपनाइएको राजनीतिक दर्शनकै असफलता भएको टिप्पणी गरेका छन्। उनले सामाजिक सञ्जाल फेसबुक मार्फत सार्वजनिक गरेको धारणा अनुसार नेपालले लोकतन्त्रलाई व्यवहारिक शासन प्रणालीका रूपमा होइन, विकल्पहीन ‘धर्म’का रूपमा ग्रहण गर्दा राज्य क्रमशः कमजोर बन्दै गएको बताएका छन्। मोक्तानका अनुसार यस अवधिमा मतदानलाई मुक्ति, संविधानलाई विकास र सत्ता हस्तान्तरणलाई प्रगतिको मापदण्ड ठानियो। तर यसले राज्य निर्माण, संस्थागत क्षमता र उत्तर दायित्वलाई प्राथमिकता दिन सकेन। उनले आजको नेपालमा “सरकार छ तर शासन छैन, चुनाव छ तर उत्तरदायित्व छैन, अधिकार छन् तर…

सप्तरी, माघ १९ गते । जनताको जीवनसँग प्रत्यक्ष गाँसिएको खानेपानी सेवा सहज र पारदर्शी हुनुपर्ने हो। तर सप्तरीको सप्तकोशी नगरपालिकाभित्र सञ्चालित सप्तकोशी सहरी खानेपानी आयोजना अहिले जनताको प्यास मेटाउनेभन्दा पनि अनियमितता र भ्रष्टाचारको उदाहरण बनेको छ। फत्तेपुरस्थित जुटपानी क्षेत्रमा माटो परीक्षण को नाममा कुनै भौतिक काम नै नगरी करिब ४ लाख ४४ हजार रुपैयाँ सरकारी कोषबाट भुक्तानी गरिएको तथ्य बाहिरिएपछि आयोजनाको कार्यप्रणालीमाथि गम्भीर प्रश्न उठेको छ। स्रोतहरूका अनुसार स्थलमै कुनै परीक्षण नगरिएको अवस्थामा कागजी प्रक्रिया मिलाएर रकम निकासा गरिएको देखिन्छ, जुन सार्वजनिक खरिद ऐन र आर्थिक अनुशासनको ठाडो उल्लङ्घन हो। स्वीकारोक्ति र पन्छिने खेल खानेपानी उपभोक्ता समितिका अध्यक्ष लेखनाथ घिमिरेले…

काठमाडौं, माघ १५ गते । काठमाडौंको मूलपानी क्षेत्रमा गएराति प्रहरी र लुटपाटको तयारीमा रहेको एक समूहबीच तनावपूर्ण अवस्था सिर्जना हुँदा प्रहरीले गोली प्रहार गरेको छ। घटनापछि लुटेरा समूहका १० जनालाई प्रहरीले नियन्त्रणमा लिएको छ। जिल्ला प्रहरी परिसर काठमाडौंका अनुसार माघ १४ गते बुधबार राति शंकास्पद गतिविधिमा संलग्न समूहलाई घेराबन्दी गर्ने क्रममा स्थिति अचानक बिग्रिएको थियो। प्रहरीले नियन्त्रणमा लिन खोज्दा समूहले प्रहरी टोलीमाथि नै आक्रमणको प्रयास गरेपछि आत्मरक्षाका लागि गोली चलाउनु परेको डीएसपी कौशल बुढाथोकीले जानकारी दिएको छ। प्रहरीको गोली लागेर विनय तामाङ घाइते भएका छन्। उनको उपचार भइरहेको छ भने घटना स्थलबाट तामाङसहित कुल १० जनालाई पक्राउ गरिएको प्रहरीले जनाएको…