समाचार

सिन्धुली, पुस २ गते । सिन्धुलीको गोलन्जोर गाउँपालिका–७ देउराली डाँडास्थित रेस्मा खाजा घरकी सञ्चालक तारा भुजेलमाथि कुटपिट तथा दुर्ववहार भएको छ। मंगलबार राति करिब १० बजेको समयमा सामान बोक्ने ट्रकका चार जना चालकसहितको समूहले कुटपिट तथा दुर्ववहार गरी फरार भएको पीडितले बताएकी छन्। पीडित भुजेलका अनुसार खाजा घर अगाडि अव्यवस्थित रूपमा सवारी साधन पार्क गरिएको विषयमा गाडी मिलाएर राख्न आग्रह गर्दा चालकहरूले नमानेपछि विवाद सुरु भएको थियो। सोही विवाद चर्किँदै जाँदा चालकसहितको समूहले हातपात तथा दुर्ववहार गरेको बताइएको छ। घटनापछि भुजेलले आफू असुरक्षित महसुस गरिरहेको बताउँदै दोषीमाथि कडा कानुनी कारबाहीको माग गरेको छ। उता, स्थानीयवासीहरूले सार्वजनिक स्थलमा व्यवसाय गर्ने महिलामाथि…

काठमाडौं, पुस २ गते । श्रम संस्कृति पार्टीका उपाध्यक्ष राजकुमार तामाङ, जो देवराज लामा नामले पनि चिनिन्छन्,लाई धेरै वर्षअघिको राजनीतिक गतिविधिसँग सम्बन्धित विषयमा अनुसन्धानका लागि प्रहरीले हिजो पौष १ गते नियन्त्रणमा लिएको छ। पार्टी केन्द्रीय कार्य समिति काठमाडौँले यस विषयमा जानकारी दिँदै सरकारी अनुसन्धान प्रक्रियामा कुनै पनि किसिमको प्रभाव वा दबाब नपरोस् भन्ने उद्देश्यले अनुसन्धानको अन्तिम टुङ्गो नलागुन्जेलसम्म उनलाई पार्टीको उपाध्यक्ष पदबाट निलम्बन गरिएको जनाएको छ। केन्द्रीय अध्यक्ष हर्कराज हर्क साम्पाङद्वारा जारी सूचनामा अनुसन्धानलाई निष्पक्ष र स्वतन्त्र रूपमा अगाडि बढ्न दिन पार्टीले यस्तो निर्णय लिएको उल्लेख गरिएको छ। पार्टीले यस घटनासम्बन्धी थप जानकारी अनुसन्धानको प्रगति अनुसार सार्वजनिक गरिने पनि जनाएको…

काठमाडौं, पुस १ गते । धरान उपमहानगरपालिकाका मेयर हर्क साम्पाङको नेतृत्वमा रहेको श्रम, संस्कृति पार्टीका उपाध्यक्ष राजकुमार तामाङ लामा पक्राउ परेका छन्। विभिन्न नामले परिचित ५० वर्षीय लामा मंगलबार काठमाडौंको कपन क्षेत्रबाट प्रहरीले नियन्त्रणमा लिएको हो। प्रहरीको केन्द्रीय अनुसन्धान ब्यूरो (सीआईबी) का अनुसार पाँचथरमा दर्ता रहेको विस्फोटक पदार्थसम्बन्धी मुद्दामा फरार रहेकाले उनलाई पक्राउ गरिएको हो। सीआईबीका एसएसपी शिवकुमार श्रेष्ठले लामाविरुद्धको उक्त मुद्दा अझै अदालतमा विचाराधीन अवस्थामा रहेको जानकारी दिएका छन्। लामा यसअघि २०६८ सालमा काठमाडौंको बबरमहलमा भएको बम विस्फोट घटनामा संलग्न रहेको अभियोगमा पनि पक्राउ परेका थिए। उक्त विस्फोटमा तीन जनाको ज्यान गएको थियो। घटनापछि उनी फरार रहे पनि प्रहरीले…

काठमाडौं, पुस १ गते । नेपाल प्रहरी प्रधान कार्यालय प्रदेश समन्वय विभागका प्रमुख प्रहरी अतिरिक्त महानिरीक्षक डम्बर बहादुर बिकको प्रमुख आतिथ्यतामा कार्यसम्पादन तथा मूल्याङ्कन ढाँचा कार्यान्वयन सम्बन्धी अनुशिक्षण कार्यक्रम सम्पन्न भएको छ। नेपाल प्रहरीका विभिन्न इकाइहरूबाट दैनिक रूपमा सम्पादन हुने कार्यहरूलाई मार्गनिर्देशन गर्ने तथा सो अनुरूप कार्यालय र कार्यालय प्रमुखहरूको कार्य–प्रभावकारिता र कार्यदक्षता अनुगमन एवं मूल्याङ्कन गर्ने उद्देश्यले प्रहरी महानिरीक्षक दान बहादुर कार्कीको उपस्थितिमा नेपाल प्रहरी प्रधान कार्यालय नीति निर्माण समितिको मंसिर २५ गतेको बैठकबाट पारित कार्यसम्पादन र मूल्याङ्कन ढाँचा सम्बन्धमा उक्त अनुशिक्षण कार्यक्रम आयोजना गरिएको हो। कार्यक्रममा प्रहरी अतिरिक्त महानिरीक्षक बिकले यो प्रणालीले वस्तुनिष्ठ मूल्याङ्कनको आधार तयार गर्ने र…

चितवन, मंसिर २८ गते। रत्ननगर नगरपालिकाको आर्थिक सहयोग मा नेत्रहीन युवा संघ नेपाल, जिल्ला शाखा चितवनले आयोजना गरेको अपाङ्गता भएका युवाहरूको रोजगारी संयोजन तथा सक्षमता प्रदर्शन कार्यक्रम सफलतापूर्वक सम्पन्न भएको छ। ​मङ्सिर २६ र २७ गते दुई दिनसम्म सञ्चालित कार्यक्रममा नगरभित्रका विभिन्न अपाङ्गता भएका युवा तथा रोजगारदाताका रूपमा संघसंस्था र व्यवसायी व्यक्तित्वहरूको सहभागिता रहेको थियो। नगर प्रमुख प्रहलाद सापकोटाले उद्घाटन गर्नुभएको कार्यक्रमको समापन वडा नम्बर १ का सदस्य गिरिराज लम्सालको प्रमुख आतिथ्यमा संस्थाका अध्यक्ष किरण पन्तले गरेका थिए। ​कार्यक्रममा विज्ञहरूले अपाङ्गताको परिचय, रोजगारीको कानुनी व्यवस्था, बैंक तथा वित्तीय संस्थाको भूमिका, स्वरोजगारका लागि पुँजी, सहुलियत र रोजगारीमा अपाङ्गता भएका व्यक्तिहरूको हक,…

काठमाडौं, मंसिर २७ गते । २०८२ भाद्र २४ गते देशका विभिन्न स्थानमा भएका आगजनी, तोडफोड र हिंसात्मक गतिविधि स्वतःस्फूर्त नभई संगठित र निर्देशित हुनसक्ने दाबी गर्दै जेन जि जाँचबुझ आयोगमा औपचारिक निवेदन दर्ता गरिएको छ। जेन जि मुभमेन्ट नेपालका प्रवक्ता विजय शाहले घटनामा पूर्वनियोजन, नेतृत्व र सम्भावित निर्देशनको गम्भीर आशंका रहेको उल्लेख गर्दै निष्पक्ष, वैज्ञानिक र प्रमाण–आधारित छानबिनको माग गरेका छन्। निवेदनमा सार्वजनिक रूपमा उपलब्ध प्रत्यक्षदर्शीका विवरण, दृश्य–श्रव्य सामग्री तथा सञ्चारमाध्यमका रिपोर्टलाई आधार बनाउँदै घटनाको गहिरो फौजदारी अनुसन्धान आवश्यक रहेको भनिएको छ। विशेष गरी पूर्वप्रधानन्यायाधीश सुशीला कार्की र ओमप्रकाश अर्यालको सम्भावित भूमिकाबारे उठेका प्रश्नहरूको तथ्यपरक परीक्षण गर्न आयोगसँग आग्रह गरिएको…

काठमाडौं, मंसिर २६ गते । लोकेशन तथा डिजिटल ठेगाना प्रविधिमा तीव्र रूपमा विस्तार भईरहेको ‘कहाँ एप’ले विद्यार्थी र होस्टल व्यवसायीलाई लक्षित गर्दै नयाँ सुविधा ‘स्मार्ट होस्टल मेनेजमेन्ट’ सार्वजनिक गरेको छ। कम्पनीका अनुसार नयाँ प्रणालीले होस्टल सञ्चालनमा आवश्यक दैनिक प्रशासनिक कामलाई पूर्ण रूपमा डिजिटल र पारदर्शी बनाउँदै देशभरको होस्टल उद्योगलाई आधुनिक प्रविधितर्फ उन्मुख गर्ने उद्देश्य लिएको छ। पहिले नै ‘कहाँ ट्याग’मार्फत देशभरका घर, संस्था तथा व्यवसायको डिजिटल ठेगाना व्यवस्थापनमा सफल रहेको एपले निजी तथा सरकारी निकायसँग सहकार्य गर्दै सेवा विस्तार गरिरहेको छ। ललितपुर महानगरपालिकासँगको सहकार्य, विभिन्न सरकारी परियोजना, तथा नेपाल पर्यटन बोर्डसँग मिलेर १०० पर्यटन गन्तव्यको डिजिटल प्रमोशन सम्पन्न गर्नु कम्पनीका…

झापा, मंसिर २४ गते । शिवसताक्षी नगरपालिकामा एक वृद्धा महिलाको शव खोलामा घोप्टो परेको अवस्थामा फेला परेको छ। शिवसताक्षी–१० स्थित माईखोला र सरदारेखोलाको दोभान नजिक स्थानीय जीवनटोल निवासी करिब ६२ वर्षीया बिमला माझीको शव भेटिएको इलाका प्रहरी कार्यालयले जानकारी दिएको छ। घटनाबारे सूचना पाएपछि प्रहरी निरीक्षकको नेतृत्वमा टोली घटनास्थल पुगेको थियो। प्रारम्भिक अनुसन्धान सम्पन्न गरेपछि आवश्यक कानूनी प्रक्रिया पूरा गरी शवलाई पोष्टमार्टमका लागि आम्दा अस्पताल दमक पठाइएको प्रहरीले जनाएको छ। यस विषयमा थप अनुसन्धान भइरहेको प्रहरीले जनाएको छ।