समाचार

कोशी प्रदेश, मंसिर १४ गते । कोशी प्रदेश प्रहरी प्रमुख, प्रहरी नायव महानिरीक्षक (डीआईजी) विनोद घिमिरेले प्रदेशअन्तर्गतका सबै जिल्ला प्रहरी प्रमुखहरूसँग भर्चुअल बैठक गर्दै व्यापक सुरक्षा रणनीतिसम्बन्धी निर्देशन दिएका छन्। बैठकमा डीआईजी घिमिरेले जिल्लामा शान्ति–सुरक्षा सुदृढ बनाउन सम्भावित सुरक्षा चुनौतीहरूको सूक्ष्म अध्ययनसहित प्रहरी परिचालन गर्न आदेश दिए। विशेषगरी खुला सिमानाका कारण बढ्न सक्ने आपराधिक गतिविधि, फरार प्रतिवादी नियन्त्रण, अवैध हातहतियार, लागुऔषध कारोबार तथा चोरी–तस्करीजस्ता घटनामा शून्य सहनशीलताको नीति अपनाउँदै कडाइका साथ चेकजाँच र खटावट बढाउन उनले जोर दिएका थिए। उनका अनुसार मातहत प्रहरी कार्यालयहरूको नियमित अनुगमन, निरीक्षण तथा कार्यरत प्रहरीको पिरमर्का र समस्यामा ध्यान दिनु नेतृत्वको जिम्मेवारी हो। वरिष्ठबाट प्राप्त…

काठमाडौं, मंसिर १३ गते । हेटौंडामा विनामुआव्जा सडक विस्तार गर्ने तयारीसँगै यसको समर्थनमा देखिएका विभिन्न समूह र व्यक्तिहरूलाई लक्षित गर्दै भैरव समूहका संयोजक दिभेष शाक्यले सामाजिक सञ्जालमार्फत कडा प्रश्न उठाएका छन्। उनले विकासको नाममा स्थानीय बस्ती, जनजीवन र क्षेत्रको दीर्घकालीन योजनालाई कमजोर पार्ने निर्णय भइरहेकाे भन्दै स्पष्ट जवाफ मागेका हुन्। शाक्यले हेटौंडाको स्वास्थ्य, शिक्षा र सडक सुरक्षाजस्ता आधारभूत क्षेत्रमै चुनौतीहरू रहँदा विकासको वास्तविक प्राथमिकता के हो भन्ने प्रश्न खडा गरेका छन्। उनका अनुसार हेटौंडाको स्वास्थ्य सेवा अझै पनि भरतपुर वा काठमाडौंमा निर्भर रहन बाध्य छ भने, गुणस्तरीय उच्चशिक्षाका विकल्प पनि सीमित छन्। सडक विस्तारको नाममा विनामुआव्जा बस्ती भत्काउने अभ्यासले भोलि…

काठमाडौं, मंसिर १२ गते । पूर्व कानुन मन्त्री, मानवअधिकारकर्मी, कानुनी व्यवसायी तथा समाजका प्रबुद्ध व्यक्तित्वहरूबीच संक्रमणकालीन न्यायको वर्तमान अवस्था र जेन्जी विद्रोहपछिको जटिल राजनीतिक परिस्थितिबारे गम्भीर र बहुआयामिक छलफल सम्पन्न भएको छ। बैठकका सहभागीहरूले देशमा भइरहेको राजनीतिक अस्थिरता, संक्रमणकालीन न्याय प्रक्रियाको दीर्घ अलमल र सार्वजनिक संस्थाहरूको कमजोर कार्यक्षमताले राष्ट्रिय भविष्य नै अनिश्चित दिशामा धकेलिएको गम्भीर चिन्ता व्यक्त गरे। छलफलमा सहभागी सबै पक्षबीच संविधान र राज्यका प्रमुख सार्वजनिक संस्थाहरूको पुनर्संरचना अब अपरिहार्य भइसकेको सामूहिक अनुभूति प्रकट भयो। उनीहरूका अनुसार जेन जि विद्रोहले उठाएका संरचनागत समस्याहरू, न्यायका प्रश्नहरू र शासन व्यवस्थाका दोषहरूलाई गम्भीरतापूर्वक सम्बोधन नगरी दीर्घकालीन स्थायित्व, शान्ति र सुशासन सम्भव छैन।…

काठमाडौं, मंसिर १२ गते । जेन–जी विद्रोहपछिको राजनीतिक परिदृश्यमा सुधारको कुनै सार्थक संकेत नदेखिएको भन्दै ‘जेनजी रिभोलुसन नेपाल’ का संयोजक तथा सह–संयोजकले सरकारलाई अत्यन्त कठोर चेतावनी दिएका छन्। राष्ट्रिय इतिहासमै निर्णायक मोड मानिएको भदौ २४ को विद्रोहपछि पनि शासन प्रणाली, प्रशासनिक चरित्र र राजनीतिक संस्कार जस्ताको तस्तै रहनुलाई उनीहरूले “देशप्रति गर्ने सबैभन्दा ठूलो धोका” को टिप्पणी गरेका छन्। खुला पत्रमार्फत सरकारको कार्यशैलीलाई ‘पाखण्डी र प्रतिक्रियावादी’ भन्दै उनीहरूले लेखेका छन्— “सुधारको नाममा गरिएको ढोंगले सहिदहरूको बलिदान अपमानित भएको छ। राज्यले न्यायलाई अन्धकारमा लुकाएर अपराधीलाई संरक्षण दिइरहेको यो प्रवृत्ति इतिहासले सहैंला छैन।” “कुइरोमा हराएको अन्तरिम सरकार” जनआन्दोलनपश्चात बनेको अन्तरिम सरकारप्रति पनि अभियन्ताहरू…

काठमाडौं, मंसिर ११ गते । प्रधानमन्त्रीको सचिवालयमा हाल देखिएको पारिवारिक नियुक्ति सम्बन्धी विवादले देशभर गम्भीर बहस र चिन्ता उत्पन्न गरेको छ। विशेषगरी प्रधानमन्त्रीका प्रमुख स्वकीय सचिव आदर्श कुमार श्रेष्ठद्वारा आफ्नै श्रीमतीका नातेदारलाई सचिवालयमा नियुक्त गरिएको आरोप सार्वजनिक भएपछि राजनीतिक तथा प्रशासनिक नैतिकताबारे प्रश्न उठेको छ। भैरव समूहका संयोजक दिभेश शाक्य र सामाजिक अभियन्ता विशालराज महतले संयुक्त रुपमा जारी गरेको धारणा अनुसार, सचिवालयजस्तो संवेदनशील संरचनामा हुने कुनै पनि नियुक्ति पूर्ण रूपमा पारदर्शी, निष्पक्ष र मेरिटोक्रेसीमा आधारित हुनुपर्छ। उनीहरूका अनुसार उठेका आरोपले सरकारको नैतिक विश्वसनीयता, संस्थागत मर्यादा र नागरिक भरोसामा प्रत्यक्ष असर पार्न सक्छ। उनले तत्काल, निष्पक्ष र तथ्यगत छानबिनको माग गर्दै भने,…

काठमाडौं, मंसिर १० गते । देश गम्भीर राजनीतिक अनिश्चिततामा फसेको दाबी गर्दै जेन जि पुस्ताका अगुवा रवि किरण हमालले सर्वपक्षीय सरकार गठन र संविधान पुनर्लेखनलाई अहिलेको मुख्य राजनीतिक समाधानका रूपमा अघि सारेका छन्। बीपी चिन्तन प्रतिष्ठानले आयोजना गरेको कार्यक्रममा बोल्दै उनले अहिलेको सत्ता समायोजन “कु प्रकृयाको परिणाम” भएको आरोप लगाए। किरणका अनुसार अस्थिरता, अविश्वास र शासकीय अक्षमता बढ्दै जाँदा युवापुस्ताले भाद्र २३–२४ मा उठाएको विद्रोहलाई सत्ता पक्षले बुझ्ने कि नबुझेर झनै भड्काउने भन्ने प्रश्न अहिले निर्णायक बनेको छ। “विद्रोहलाई कमजोर पार्ने, अपमानजनक तरिकाले लत्याउने कुनै पनि प्रयास युवापुस्ताले सहनेछैन,” उनले चेतावनी दिए। सुशीला कार्की र ओमप्रकाश अर्याल नेतृत्वको समूहले “राज्यविहिनताको…

काठमाडौँ, मंसिर ८ गते । जेन जि मुभमेन्ट नेपालले सुशीला कार्की नेतृत्वको वर्तमान सरकारमाथि गम्भीर आरोपहरू लगाउँदै यसको राजनीतिक तथा संवैधानिक वैधता नै समाप्त भइसकेको दाबी गरेको छ। सोमबार सार्वजनिक गरिएको विस्तृत प्रेस वक्तव्यमार्फत आन्दोलनले सरकारभित्र जालझेल, भ्रष्टाचार र सत्ताको दुरुपयोग “व्यवस्थित रूपमा संस्थागत भइसकेको” आरोप लगाएको हो। वक्तव्यअनुसार ऊर्जामन्त्री कुलमान घिसिङले भारतसँग गरेको विद्युत् सम्झौता देशको हितविपरीत रहेर ४३ करोड रुपैयाँ बराबरको नोक्सानी हुनेगरी अड्कलबाजीपूर्ण रूपमा अघि बढाइएको उल्लेख छ। त्यस्तै, अर्थमन्त्री रामेश्वर खनालमाथि डोल्मा नामक कम्पनीलाई दिएको भनिएको “अवैध कर छुट” मार्फत आर्थिक अनुशासन तोडिएको आरोप राखिएको छ। मुभमेन्टले सरकारका अन्य अंगहरूमा पनि शक्ति दुरुपयोग भएको दाबी गरेको…

मोरङ, मंसिर ७ गते । मोरङको विराटनगरमा एमाले नेता महेश बस्नेत सवार गाडीमा जेन–जि समूहका युवाहरूले रातो मसी प्रहार गरेका छन्। युवा संघ कोशी प्रदेशस्तरीय भेलामा सहभागी हुन सुनसरीतर्फ जाँदै गर्दा एयरपोर्ट सडकखण्डमा लुकेर बसेका युवाहरुले दगुर्दै बस्नेत सवार गाडीमाथि बेलुनमार्फत रातो रंग फ्याँकेका हुन्। प्रहरी भ्यान पछिपछि चलिरहेको क्रममा अचानक सडकछेउबाट युवाहरूले ‘मसी प्रहार’ गरेपछि बस्नेत चढेको गाडी केहीबेर रोकिन बाध्य भएको प्रत्यक्षदर्शीले बताए। घटना पछि प्रहरीले विराटनगर–२ का १९ वर्षीय आर्जित कुँवर र विराटनगर–१ का २५ वर्षीय संजोग गौतमलाई नियन्त्रणमा लिएर जिल्ला प्रहरी कार्यालय मोरङमा राखेको छ। घटना भएपछि समेत दुुवै युवाले बस्नेतविरुद्ध नाराबाजी गरेको भिडियो सामाजिक सञ्जालमा…