समाचार

काठमाडौं, पुस २४ गते । आगामी प्रतिनिधि सभा निर्वाचनलाई शान्तिपूर्ण, सुरक्षित र व्यवस्थित बनाउन नेपाल प्रहरीले ठुलो सङ्ख्यामा म्यादी प्रहरी भर्ना गर्ने प्रक्रिया अघि बढाएको छ। प्रहरी प्रधान कार्यालय, मानवस्रोत विकास विभागका अनुसार देशभरबाट कुल १ लाख ३३ हजार ९८० जनाका लागि दरखास्त आह्वान गरिएको हो। इच्छुक नेपाली नागरिकहरूले पुस २५ गतेदेखि माघ १ गतेसम्म आवेदन दिन सक्नेछन्। सार्वजनिक बिदाका दिनसमेत बिहान १० बजेदेखि साँझ ५ बजेसम्म फाराम बुझाउने व्यवस्था गरिएको छ। दरखास्तहरू सबै जिल्ला प्रहरी कार्यालय तथा काठमाडौँ, ललितपुर र भक्तपुरका जिल्ला प्रहरी परिसरबाट सङ्कलन गरिनेछ। भर्नाका लागि उम्मेदवार १८ वर्ष पूरा भई ५४ वर्ष ननाघेको, सामान्य लेखपढ गर्न…

चितवन, पुस १९ गते । सञ्चार तथा सूचना प्रविधिमन्त्री जगदीश खरेलले देशभर कार्यरत पत्रकारलाई सामाजिक सुरक्षा कोषमा आबद्ध गर्नु अनिवार्य भएको बताएका छन्। नेपाल पत्रकार महासङ्घ चितवन शाखाको निरीक्षणपछि सञ्चारकर्मीसँग कुरा गर्दै उनले पत्रकारको पेशागत सुरक्षा र स्थायित्व सरकारको प्राथमिकतामा रहेको स्पष्ट पारे। मन्त्री खरेलका अनुसार सरकारले हाल सरकारी सञ्चारमाध्यममा कार्यरत पत्रकारलाई सामाजिक सुरक्षा कोषमा समेट्ने प्रक्रिया सुरु गरिसकेको छ। “यसलाई क्रमशः सबै पत्रकारसम्म विस्तार गर्न आवश्यक छ,” उनले भने। पत्रकार महासङ्घको कार्यालयमा प्रवेश गर्दा आफ्नै घरमा आएको अनुभूति हुने उल्लेख गर्दै उनले चितवन शाखा अन्य शाखाको तुलनामा व्यवस्थित र सक्रिय रहेको प्रशंसा गरे। उनले पत्रकारका दीर्घकालीन समस्या समाधानका लागि…

काठमाडौं, पुस १९ गते । जेन–जी क्रान्तिका प्रमुख अगुवा तथा अन्तरिम सरकार गठन प्रक्रियाका सह–संयोजक अर्जुन शाहीले वर्तमान सरकार भ्रष्ट, असफल र जनउत्तरदायी हुन नसकेको आरोप लगाउँदै त्यसको विकल्प जेन–जी नेतृत्वमा नयाँ सरकार गठन गर्नुपर्ने आवश्यकता औंल्याएका छन्। उनका अनुसार जेन–जी आन्दोलनसँग गरिएको प्रतिबद्धता र सार्वजनिक बाचा सरकारले पूरा गर्न सकेको छैन। बरु सरकारलाई जवाफदेही बनाउन खोज्दा राज्यसत्ताको दुरुपयोग गर्दै राजनीतिक प्रतिशोधका आधारमा झुट्टा मुद्दा लगाएर आवाज दबाउने प्रयास भइरहेको छ। शाहीले भने, “जेन–जी आन्दोलन सुशासन, पारदर्शिता र युवाको नेतृत्व स्थापित गर्ने स्पष्ट उद्देश्यका साथ अघि बढेको हो। तर पुरानो सोचमा अडिएको सरकारले प्रतिबद्धता कार्यान्वयन गर्नु त परै जाओस्, प्रश्न…

काठमाडौं, पुस १९ गते । जेन–जी आन्दोलनका अगुवा तथा अन्तरिम सरकार निर्माण प्रक्रियाका सह–संयोजक अर्जुन शाहीको पक्राउ गैरकानुनी र राजनीतिक प्रतिशोधपूर्ण भएको दाबी गर्दै आज सर्वोच्च अदालतमा बन्दी प्रत्यक्षीकरण (Habeas Corpus) को निवेदन दायर गरिँदैछ। शाहीलाई तथ्यहीन र मनगढन्ते मुद्दा लगाएर पक्राउ गरिएको भन्दै उनका समर्थक, कानुन व्यवसायी तथा नागरिक अधिकारकर्मीहरू आक्रोशित छन्। उनीहरूको भनाइमा लोकतन्त्र, सुशासन र युवाको नेतृत्व स्थापित गर्ने अभियानमा सक्रिय भूमिकामा रहेका शाहीलाई कानुनी प्रक्रिया र संविधानको मर्मविपरीत हिरासतमा राखिएको हो। कानुनविद्हरूले यो गिरफ्तारीले संविधानले प्रत्याभूत गरेको अभिव्यक्ति स्वतन्त्रता, शान्तिपूर्ण आन्दोलन गर्ने अधिकार र निष्पक्ष न्यायको हकमा गम्भीर चोट पुगेको बताएका छन्। उनीहरू सर्वोच्च अदालतबाट तत्काल…

झापा, पुस १९ गते । हिजो राति अन्दाजी ९:१० बजेको समयमा काठमाडौंबाट झापाको भद्रपुर विमानस्थलतर्फ उडेको बुद्ध एयरको विमान अवतरण गर्ने क्रममा दुर्घटनाग्रस्त भएको छ। उक्त विमानमा ५१ जना यात्रु तथा ४ जना चालक दलका सदस्य सवार थिए। दुर्घटनाको जानकारी प्राप्त हुनासाथ नेपाल प्रहरी, विमानस्थल सुरक्षा, स्वास्थ्यकर्मी तथा अन्य सरोकारवाला निकायहरूको संयुक्त प्रयासमा तत्काल उद्धार कार्य सञ्चालन गरिएको थियो। संयुक्त उद्धार प्रयासबाट विमानमा सवार सबै ५५ जनालाई सकुशल उद्धार गरिएको सम्बन्धित निकायले जानकारी दिएको छ। हाल सबै यात्रु र चालक दलका सदस्यहरूको अवस्था सामान्य रहेको र आवश्यक स्वास्थ्य परीक्षण तथा थप अनुसन्धान प्रक्रिया अगाडि बढाइएको जनाइएको छ। दुर्घटनाको कारणबारे विस्तृत…

विराटनगर,पुस १८ गते । नेपाल विद्युत प्राधिकरण विराटनगर वितरण केन्द्रले विद्युत महसुल नतिर्ने उपभोक्ता माथि कडाइ गरेको छ । प्रथम चौमासिक अवधिसम्म विद्युत महसुल नबुझाएका २४९ जना उपभोक्ताको लाइन काटिएको प्राधिकरणले जनाएको छ । वितरण केन्द्रका प्रमुख राम उदगार शाहका अनुसार सो अवधिसम्म उपभोक्ताबाट ३ करोड ४६ लाख ७६ हजार ५५१ रुपैयाँ विद्युत महसुल बक्यौता उठ्न बाँकी छ । बक्यौता रकममध्ये मंसिर मसान्तसम्म १ करोड ५८ लाख ४१ हजार ३०० रुपैयाँ किस्ता बन्दी मार्फत असुल गरिएको उनले जानकारी दिए । प्राधिकरणले बाँकी बक्यौता रहेका उपभोक्ताको लाइन काट्ने प्रक्रिया निरन्तर जारी राखेको जनाएको छ । वितरण केन्द्र प्रमुख शाहले समयमै विद्युत…

सुनसरी, पुस १७ गते । सशस्त्र प्रहरीको गोली लागेर स्थानीय युवक विजय साहको ज्यान गएपछि उत्पन्न तनाव नियन्त्रणतर्फ उन्मुख भएको छ। प्रशासन र पीडित पक्षबीच बिहीबार जिल्ला प्रशासन कार्यालयमा भएको सर्वपक्षीय छलफलबाट घटनाको सत्यतथ्य पत्ता लगाउने र पीडित परिवारलाई राहत दिने विषयमा पाँच बुँदे सहमति जुटेको हो। सहमतिअनुसार घटनाको निष्पक्ष र पारदर्शी छानबिनका लागि उच्चस्तरीय समिति गठन गरिनेछ। साथै मृतक साहको परिवारलाई उपयुक्त आर्थिक क्षतिपूर्ति उपलब्ध गराइने र परिवारका एक सदस्यलाई रोजगारीको व्यवस्था गर्ने प्रतिबद्धता गरिएको छ। दोषी देखिएका व्यक्तिलाई कानुनी दायरामा ल्याई पीडितलाई न्याय दिलाइने विषयमा पनि दुवै पक्ष सहमत भएका छन्। घटना बिहीबार बिहान करिब १ बजे भएको…

काठमाडौं, पुस १५ गते । प्रतिनिधिसभा निर्वाचनका लागि राजनीतिक दलहरूले सार्वजनिक गरेका समानुपातिक उम्मेदवार सूचीमा नातावाद र क्षेत्रीय उपेक्षाको आरोप लगाउँदै जेनजी रिभोलुशन नेपालका सह–संयोजक अर्जुन शाहीले कडा चेतावनी दिएका छन्। सुदूरपश्चिम र कर्णालीजस्ता पिछडिएका प्रदेशको लगातार उपेक्षाले देशभित्रको असन्तुलन अझ बढाएको उनी बताउँछन्। शाहीले सामाजिक सञ्जालमार्फत आफ्नो असन्तोष व्यक्त गर्दै भनेका छन्, "समानुपातिक प्रतिनिधित्व प्रणाली सदियौंदेखि वञ्चित समुदाय र क्षेत्रको आवाज संसदमा ल्याउने उद्देश्यले संविधानमा राखिएको हो। तर आज दलहरूले यसलाई नातेदार भर्ती र पद बिक्रीको साधन बनाइसकेका छन्।" उनले विशेष गरी राष्ट्रिय स्वतन्त्र पार्टी (रास्वपा)को सूचीमा सुदूरपश्चिमलाई नजरअन्दाज गरिएको भन्दै प्रश्न उठाएका छन्। शाहीका अनुसार, "मेरो सुदूर अझै…

काठमाडौं, पुस १५ गते । राजनीतिक विश्लेषक बुद्धछिरिङ मोक्तानले स्वदेशवादलाई वैचारिक–राजनीतिक दर्शन प्रणालीका रूपमा अघि सार्दै राज्य प्रणालीको विज्ञान वहुलराष्ट्रवाद र सामुदायिक समाजवाद रहेको बताएका छन्। उनले यी अवधारणालाई लिएर स्वदेशवादी मित्रहरूबाट उठाइने आलोचनाप्रति आफ्नो धारणा सार्वजनिक गरेका हुन्। मोक्तानका अनुसार, धेरैले वहुलराष्ट्रवाद र सामुदायिक समाजवादलाई पश्चिमी औपनिवेशिक अवधारणाको रूपमा बुझ्ने गरेको पाइन्छ। तर गहिरो अध्ययनपछि यी अवधारणाहरू पूर्वीय दर्शनभित्रै रहेको वैदिक, बौद्ध र जैन दार्शनिक वाङ्मयबाट व्याख्या गर्न सकिने निष्कर्षमा आफू पुगेको उनले उल्लेख गरेका छन्। उनले भनेका छन्, “धेरै अध्ययनपछि पूर्वीय दर्शनकै शब्द र अवधारणाबाट वहुलराष्ट्रवाद र सामुदायिक समाजवादलाई बुझाउने प्रयास गरिएको छ।” यद्यपि हाल थप अध्ययन जारी…