समाचार

झापा। झापाको दमकमा निर्माण गरिएको १८ तले दमक भ्यू टावर (दमक व्यापारिक कम्प्लेक्स) आजदेखि सर्वसाधारणका लागि खुला गरिएको छ। शहरी विकास तथा भवन निर्माण विभागअन्तर्गत सघन शहरी तथा भवन निर्माण आयोजनाले एक सूचना जारी गर्दै दमक नगरपालिका–३, दापगाछीस्थित भ्यू टावर सर्वसाधारणका लागि सशुल्क अवलोकन गर्न खुला गरिएको जनाएको हो। टावर परिसर प्रत्येक दिन बिहान १० बजेदेखि बेलुका ५ बजेसम्म खुला रहनेछ। अवलोकनका लागि प्रवेश शुल्क प्रतिव्यक्ति रु १०० निर्धारण गरिएको छ। यस्तै, पार्किङ शुल्क हलुका सवारीका लागि रु २५, बसका लागि रु ५० र मोटरसाइकलका लागि रु १० तोकिएको विभागले जनाएको छ। दमकको उच्च स्थानमा अवस्थित यस भ्यू टावरबाट आसपासका…

लालबन्दी। सर्लाहीको लालबन्दी नगरपालिका–१ स्थित न्यु माँ राजदेवी खाद्य उद्योगमा करेन्ट लागेर एक जनाको मृत्यु भएको छ भने अन्य दुई जना घाइते भएका छन्। जिल्ला प्रहरी कार्यालयका प्रवक्ता सरोज राईका अनुसार, रौतहटबाट धानको भुस लिन आएको ना६ख ७५५० नम्बरको ट्रकका सहचालक रौतहट वृन्दावन नगरपालिका–७ का ३० वर्षीय दिनेश पासवानको करेन्ट लागेर मृत्यु भएको हो। भुस लिन आएको ट्रकबाट त्रिपाल हटाउने क्रममा ११ हजार भोल्टको विद्युत् प्रसारण लाइनमा छुँदा उनी गम्भीर घाइते भएका थिए। उनको हरिवनस्थित नमूना अस्पतालमा उपचारका क्रममा मृत्यु भएको प्रहरीले जनाएको छ। सोही दुर्घटनामा ट्रकका मजदुर २५ वर्षीय कुन्दन पासवान र ४० वर्षीय जागेश्वर पासवान पनि गम्भीर घाइते…

इलाम। इलामको सूर्योदय नगरपालिका–१ भालुखोकमा गएराति छुरा प्रहारबाट २२ वर्षीय एक युवकको हत्या भएको छ। हत्या हुनेमा २२ वर्षीय निरोज चापागाईं रहेका छन्। घटनामा निरोजका भाइ प्रकाश चापागाईं पनि घाइते भएका छन्। जिल्ला प्रहरी कार्यालय इलामका अनुसार, निरोजको ससुराली नजिकै सोही क्षेत्रका ३३ वर्षीय किरण शेर्पाले धारिलो हतियारले आक्रमण गरेका थिए। प्रहरी नायब उपरीक्षक (डीएसपी) मान बहादुर राईले दिएको जानकारी अनुसार, घाइते प्रकाशको झापाको विर्तासिटी अस्पतालमा उपचार भइरहेको छ र उनको अवस्था सामान्य रहेको छ। घटनाका आरोपी किरण शेर्पा पनि घाइते भएका छन् र उनको उपचार इलामकै स्वास्थ्य संस्थामा भइरहेको प्रहरीले जनाएको छ। प्रारम्भिक अनुसन्धानबाट मृतक निरोज चापागाईं वडा नम्बर…

महोत्तरी। महोत्तरीको गौशाला नगरपालिकाका ३१ वटा सामुदायिक विद्यालयका प्रधानाध्यापकहरूले सामूहिक राजीनामा दिएका छन्। प्रधानाध्यापकहरूले चालु आर्थिक वर्षको अन्त्यसम्म पनि दिवा खाजा, पाठ्यपुस्तक, बाल शिक्षा अनुदान, नगर शिक्षक, सशर्त अनुदान, पुँजीगत तथा स्वैच्छिक अनुदान लगायतका विभिन्न शीर्षकमा बारम्बार अनुरोध गर्दा पनि नगरपालिकाबाट रकम निकासा नभएको भन्दै नगरपालिकाको प्रशासन शाखामा राजीनामाको पत्र बुझाएका हुन्। उनीहरूका अनुसार केही शीर्षकमा नगरपालिकाले अत्यन्तै न्यून रकम पठाएकाले शैक्षिक क्रियाकलाप सञ्चालन गर्न कठिनाइ भइरहेको गुनासो छ। नगरपालिकाका प्रमुख प्रशासकीय अधिकृतलाई सम्बोधन गरिएको राजीनामा पत्रमा भनिएको छ, "नगरपालिकाबाट उक्त शीर्षक अन्तर्गतको रकम निकासा नगरिदिएको अवस्थाबाट शैक्षिक गतिविधि प्रभावित हुने भएकाले साउन १ गतेदेखि लागु हुनेगरी यो सामूहिक राजीनामा…

दार्चुला। दार्चुलामा तुइन तर्ने क्रममा महाकाली नदीमा खसेर एक जना पुरुष बेपत्ता भएका छन्। जिल्ला प्रहरी कार्यालय दार्चुलाका सूचना अधिकारी एवम् प्रहरी निरीक्षक छत्रबहादुर रावतका अनुसार, बेपत्ता हुनेमा ब्याँस गाउँपालिका–२, तल्लो दुम्लिङ्गका २८ वर्षीय नारायण बुढाथोकी रहेका छन्। नारायण बुढाथोकी दुम्लिङ्ग (नेपाल)बाट भारततर्फ तुइनमार्फत जाँदै गर्दा डोरी चुँडिएको थियो। उनीसँगै अन्य दुई जना स्थानीय पनि एकै पटक तुइन तरिरहेका थिए। डोरी चुँडिएपछि सँगै तरिरहेका दुई जना सकुशल रहे पनि नारायण भने महाकाली नदीमा खसेर बेपत्ता भएका हुन्। नेपालतर्फको दुम्लिङ्ग र भारततर्फको गर्भाधार क्षेत्रमा अवैध रूपमा तुइन लगाउने गरेको पाइएको प्रहरीले जनाएको छ। बेपत्ता नारायणको खोजीकार्यका लागि मातहतका प्रहरी युनिटहरूलाई निर्देशन…

काठमाडौं। काठमाडौंको पर्यटकीय गन्तव्य धरहरा अब साउन १ गतेदेखि बिहान ८ बजेबाट बेलुकी ८ बजेसम्म खुल्ने भएको छ। यसअघि बिहान १० बजेदेखि अपराह्न ४ बजेसम्म मात्र खुल्ने गरेको धरहराको समय अवधि सहरी विकास मन्त्रालयले थप गरेको हो। मन्त्रालयका प्रवक्ता नारायण मैनालीका अनुसार, अब सार्वजनिक बिदाका दिनमा पनि धरहरा अवलोकनका लागि खुला रहनेछ। हाल सार्वजनिक बिदामा बन्द रहने र शनिबारको सट्टा बुधबार साप्ताहिक बिदा दिइने धरहरा अब दुई सिफ्टमा सञ्चालन हुने भएको हो।

महेन्द्रनगर,कञ्चनपुर। कञ्चनपुरमा बसको ठक्करबाट एक महिलाको मृत्यु भएको छ। जिल्ला प्रहरी कार्यालयका सूचना अधिकारी प्रहरी नायब उपरीक्षक सागर बोहराका अनुसार, शुक्लाफाँटा नगरपालिका–१ गणेशपुरकी ५५ वर्षीया द्रोपति भट्टको बसको ठक्करबाट मृत्यु भएको हो। सडक छेउमा हिँडिरहेकी भट्टलाई बेलौरीबाट महेन्द्रनगरतर्फ आउँदै गरेको सु.प.प्र.००१ ख ९२९ नम्बरको बसले ठक्कर दिएको थियो। बसको ठक्करबाट गम्भीर घाइते भएकी उनको धनगढीस्थित निसर्ग अस्पतालमा उपचारका क्रममा मृत्यु भएको प्रहरीले जनाएको छ।

चितवन। चितवनको इच्छाकामना गाउँपालिका–६ कालिखोलास्थित त्रिशूली नदी किनारमा आज एक पुरुषको शव फेला परेको छ। शरीरका केही अङ्गहरू नभएको अवस्थामा अन्दाजी ४५ देखि ५० वर्षका देखिने उक्त पुरुषको शव फेला परेको जिल्ला प्रहरी कार्यालय चितवनले जनाएको छ। जिल्ला प्रहरी कार्यालयका प्रमुख गोविन्द पुरीका अनुसार, हालसम्म शवको पहिचान हुन सकेको छैन। यद्यपि, उक्त शव गत मंगलबार रसुवामा आएको बाढीले बेपत्ता पारेका व्यक्तिको हुन सक्ने अनुमान गरिएको छ। फेला परेको शवलाई परीक्षणका लागि भरतपुर अस्पताल लगिएको प्रहरीले जानकारी दिएको छ। प्रहरीले शवको पहिचान तथा घटनाबारे थप अनुसन्धान गरिरहेको छ।