Breaking News 2

हेटौंडा, असार २४ गते । लागूऔषध (अफिम) मुद्दामा २० वर्ष कैद सजाय भुक्तान गरिरहेका र नख्खु कारागारबाट फरार भएका एक प्रतिवादीलाई मकवानपुर प्रहरीले पक्राउ गरेको छ। प्रहरीका अनुसार २०८२ साल भदौ २३–२४ गते भएको जेन्जी आन्दोलनका क्रममा नख्खु कारागारबाट फरार भएका जिल्ला मकवानपुर बकैया गाउँपालिका–६, ज्यामिरे निवासी ३९ वर्षीय सुकलाल वाइवालाई खोजतलासका क्रममा पक्राउ गरिएको हो। इलाका प्रहरी कार्यालय फापरबारीबाट खटिएको प्रहरी टोलीले २०८३ असार २३ गते बिहान करिब १० बजे बकैया गाउँपालिका–४ स्थित जुरेली बजारबाट वाइवालाई नियन्त्रणमा लिएको जनाएको छ। पक्राउ परेका वाइवालाई आवश्यक कानुनी प्रक्रिया पूरा गरी भीमफेदी कारागार पठाइएको इलाका प्रहरी कार्यालय फापरबारीले जनाएको छ।

हेटौंडा, असार २३ गते । जिल्ला प्रहरी कार्यालय मकवानपुरमा CAP निरीक्षण तथा अनुगमन कार्यक्रम सम्पन्न भएको छ। नेपाल प्रहरी प्रदेश कार्यालय बनेपा, काभ्रेपलाञ्चोकका कार्यालय प्रमुख प्रहरी वरिष्ठ उपरीक्षक कमल थापाको नेतृत्वमा सोमबार उक्त निरीक्षण तथा अनुगमन कार्यक्रम गरिएको हो। निरीक्षणका क्रममा प्रहरी वरिष्ठ उपरीक्षक थापाले अपराध अनुसन्धान तथा नियन्त्रण शाखा, हिरासत कक्ष लगायत जिल्ला प्रहरी कार्यालय अन्तर्गत रहेका विभिन्न शाखाहरूको अवलोकन तथा निरीक्षण गरेका थिए। कार्यक्रमका अवसरमा जिल्ला प्रहरी कार्यालय मकवानपुरका कार्यालय प्रमुख प्रहरी उपरीक्षक श्याम बहादुर खत्रीले जिल्लाको समग्र शान्ति–सुरक्षा अवस्था, अपराध नियन्त्रण तथा अनुसन्धानका गतिविधि तथा वर्तमान सुरक्षा अवस्थाबारे प्रस्तुतीकरण गरेका थिए। त्यस अवसरमा प्रहरी संगठनको कार्यसम्पादन, सेवा…

हेटौंडा, असार २२ गते । जिल्ला प्रहरी कार्यालय मकवानपुरले हराएको मोटरसाइकल फेला पारी सम्बन्धित धनीलाई जिम्मा लगाएको छ। हिजो असार २१ गते जिल्ला मकवानपुरको हेटौंडा उपमहानगरपालिका–११ क्षेत्रबाट बागमती प्रदेश ०२–०६५ प ७०५८ नम्बरको २२० सीसी पल्सर मोटरसाइकल हराएको भन्दै कैलाश गाउँपालिका–१ निवासी २५ वर्षीय शुक्र घलानले जिल्ला प्रहरी कार्यालय मकवानपुरमा निवेदन दिएका थिए। निवेदन प्राप्त हुनासाथ जिल्ला प्रहरी कार्यालय तथा मातहतका प्रहरी इकाइबाट तत्काल खोजतलास कार्य अघि बढाइएको थियो। खोजतलासकै क्रममा उक्त मोटरसाइकल प्रहरीले फेला पार्न सफल भएको हो। फेला परेको मोटरसाइकल आवश्यक कानुनी प्रक्रिया तथा सनाखत सम्पन्न गरी सम्बन्धित धनी शुक्र घलानलाई जिम्मा लगाइएको जिल्ला प्रहरी कार्यालय मकवानपुरले जनाएको…

हेटौँडा, असार १९ गते । नेपालको गौरव तथा हेटौँडाको पहिचानका रूपमा स्थापित हेटौँडा–११ स्थित शहिद स्मारकभित्र नवनिर्मित जनजाति संग्रहालयमा मगर समुदायको सांस्कृतिक पहिचान झल्किने प्रतिरुप (डम्मी) हस्तान्तरण गरिएको छ। नेपाल मगर संघ जिल्ला समन्वय समिति मकवानपुर र नेपाल मगर सांस्कृतिक संघ जिल्ला समिति मकवानपुरको संयुक्त पहलमा आयोजित विशेष कार्यक्रममा “मगर समुदायको गौरव र पहिचानको प्रतिरुप” लाई पूर्ण पारम्परिक पोशाकसहित सजाएर संग्रहालय व्यवस्थापन समितिलाई हस्तान्तरण गरिएको हो। कार्यक्रमको उद्घाटन बागमती प्रदेशका पूर्व मुख्यमन्त्री तथा शहिद स्मारकका संस्थापक अध्यक्ष डोरमणि पौडेलले गरेका थिए। उद्घाटन समारोहलाई सम्बोधन गर्दै उनले नेपालको बहुजातीय, बहुसांस्कृतिक पहिचानलाई संरक्षण र प्रवर्द्धन गर्न संग्रहालयको महत्वपूर्ण भूमिका रहने बताए। उनले…

हेटौंडा, असार १९ गते । हेटौंडा उपमहानगरपालिका वडा नं. १० मा निर्माणाधीन घण्टाघरको टुँडालमा भगवान गौतम बुद्धको चित्र राख्ने कार्यसहित अन्य आवश्यक निर्माण तथा सौन्दर्यीकरणका काम अगाडि बढाइने भएको छ। यस विषयमा वडा नं. १० का वडाध्यक्ष फुर्बा दोर्जे लामाले सामाजिक सञ्जालमार्फत वडावासीसँग सुझाव तथा राय माग गरेका छन्। वडाध्यक्ष लामाले वडा नं. १० को धार्मिक, सांस्कृतिक, ऐतिहासिक तथा सौन्दर्य पक्षलाई अझ समृद्ध, आकर्षक र व्यवस्थित बनाउने उद्देश्यले घण्टाघरसँग सम्बन्धित विभिन्न निर्माण तथा सौन्दर्यीकरणका कार्य सञ्चालन भइरहेको बताएका छन्। उनले यी कार्यलाई प्रभावकारी, जनभावनाअनुकूल तथा दिगो बनाउन स्थानीयवासी, बुद्धिजीवी, सामाजिक अभियन्ता तथा सरोकारवालाबाट रचनात्मक सुझावको अपेक्षा गरिएको उल्लेख गरेका छन्।…

हेटौंडा, असार १८ गते । मकवानपुरको हेटौंडा उपमहानगरपालिका–१० रानीमहलस्थित जय गणेश वर्कशपमा कार्यरत एक सुरक्षा गार्डमाथि धारिलो हतियार प्रहार गरी गम्भीर घाइते बनाएको आरोपमा एक जना पक्राउ परेका छन्। जिल्ला प्रहरी कार्यालय मकवानपुरका अनुसार मिति २०८३ असार १६ गते राति करिब ११ः५५ बजे जय गणेश वर्कशपमा सुरक्षा गार्डको रूपमा कार्यरत नुवाकोटको सूर्यगढी गाउँपालिका–१ निवासी ३२ वर्षीय रोहित तामाङमाथि हेटौंडा उपमहानगरपालिका–५ निवासी ३३ वर्षीय सविन नेपालीले कुटपिट गर्नुका साथै धारिलो हतियार ‘टाप’ प्रहार गरेका थिए। घटनामा तामाङ शरीरका विभिन्न भागमा गम्भीर घाइते भएका छन्। घटनापछि फरार रहेका प्रतिवादी सविन नेपालीलाई वडा प्रहरी कार्यालय हेटौंडाबाट खटिएको प्रहरी टोलीले खोजतलास गर्ने क्रममा असार…