Breaking News 2

मोरङ। उर्लाबारी–३ का मनकारी सोम प्रसाद तिम्सिना (राम) ले उर्लाबारी–३ मंगलबारे चोकमा रहेको प्रहरी बिटलाई एक थान पंखा सहयोग गरेका छन्। तातो मौसमलाई ध्यानमा राखी सहज सेवा प्रवाह होस् भन्ने उद्देश्यले तिम्सिनाले पंखा प्रदान गरेका हुन्। समाजमा आईपर्ने विभिन्न समस्याहरुमा सधै अग्रसर भएर समाजसेवा गर्दै आएका तिम्सिना यस क्षेत्रमा लोकप्रिय मानिन्छन् ।

मोरङ। उर्लाबारी - ६ हाटखोलामा रहेको उर्लाबारी युवा क्लबको संरचना अब सम्झनामा मात्र सीमित हुने भएको छ। बिक्रम संवत् २०५८ सालमा स्थानीय युवाहरूलाई संगठित गर्दै बरुण लाबुङको सम्योजकत्वमा गठित समितिको पहलमा स्थापना भएको यो क्लब सामाजिक तथा खेलकुद गतिविधिमा निकै अगाडि रहँदै आएको थियो। मिरमिरे युवा क्लबको बिरासतका रुपमा परिचित यस संस्थाले दुर्व्यसन मुक्त समाज निर्माणको उद्देश्यसहित विभिन्न सामाजिक कार्य गर्दै २४ वर्ष लामो यात्रा तय गरेको छ । दिपेन्द्र स्मृति पुर्वाञ्चल स्तरीय फुटबल प्रतियोगिता मार्फत संगठित भएको क्लबले सरसफाइ,बजार ब्यवस्थापन,सडक बत्ती जडान,छाडा चौपाया नियन्त्रण,उर्लाबारी चौकमा सार्वजनिक सौचालय निर्माण,उपेन्द्र थापा गोल्डकप फुटबल प्रतियोगिताका साथै तत्कालीन समयमा विद्युतको महसुल काउन्टर उर्लाबारीमा…

काठमाडौँ। कक्षा १२ को परीक्षा ११ गते नहुने भएको छ। प्रधानमन्त्री केपी शर्मा ओलीले कक्षा १२ को परीक्षा केही दिन सार्न निर्देशन दिएको कारण तोकिएको मितिमा परीक्षण नहुने भएको हो। भोलि कक्षा १२ को परीक्षाको सारिएको समयतालिका सार्वजनिक गर्ने भएको छ। सारिएको कक्षा १२ को परीक्षाको समयतालिका परीक्षा बोर्डले भोलि नै सार्वजनिक गर्ने भएको हो। यसअघि परीक्षा बोर्डले कक्षा १२ को परीक्षाको समयतालिका यही वैशाख ११ गते गर्ने निर्णय गरेको थियो। तर परीक्षा बोर्डले हर प्रयास गर्दा पनि तोकिएको समयमा भने परीक्षा गर्न सकेन।

काठमाडौं। कक्षा १२ को परीक्षा सरेको छ। प्रधानमन्त्री केपी शर्मा ओलीको निर्देशनपछि राष्ट्रिय परीक्षा बोर्डले यही वैशाख ११ गतेदेखि तय भएको परीक्षा सारेर २१ गतेदेखि तय गरेको हो। शिक्षक आन्दोलनका कारण परीक्षा सम्भव नदेखिएपछि प्रधानमन्त्रीले परीक्षा सार्न निर्देशन दिएका थिए । विद्यालय शिक्षा ऐन जारी गर्न माग गर्दै देशभरका शिक्षक काठमाडौंमा आन्दोलनमा छन् । यसैबीच हिजो शिक्षामन्त्री विद्या भट्टराईले पनि राजीनामा बुझाएकी थिइन।

काठमाडौँ । शिक्षामन्त्री विद्या भट्टराईले राजीनामा दिएकी छन् । उनले सोमबार प्रधानमन्त्री केपी शर्मा ओलीलाई भेटेर राजीनामा बुझाएको बालुवाटार निकट स्रोतले जानकारी दिएकाे हाे । शिक्षकहरूले  लगातार सडक आन्दोलनमा रहेको बेला उनले राजीनामा दिएकी हुन्  शिक्षक महासंघसँग बारम्बार संवाद भइरहेको छ तर निचोड निस्कन नसकेपछि शिक्षामन्त्री भट्टराई घेराबन्दीमा परेकी थिइन् । घेराबन्दीमा परेको कारण उनले सोमबार राजिनामा दिएकी हुन् ।