स्थानीय

हेटौंडा, मंसिर १९ गते । सडक डिभिजन हेटौंडाले महेन्द्र राजमार्ग र त्रिभुवन राजपथको सडक सीमा खाली गराउने तयारी अघि बढाएसँगै होटल व्यवसायीहरूलाई आजदेखि अतिथि नराख्न औपचारिक अनुरोध गरेको छ। गोरखापत्र राष्ट्रिय दैनिकमा मंसिर ५ गते प्रकाशित सूचनामा हेटौंडा–१५ रातो माटेदेखि बुद्धचोक हुँदै राप्ती पुलसम्मको महेन्द्र राजमार्ग र बुद्धचोकदेखि सामरी पुलसम्मको त्रिभुवन राजपथमा पर्ने सडक सीमाभित्रका संरचना, व्यापारिक क्रियाकलाप तथा अतिक्रमण हटाइने उल्लेख गरिएको थियो। उक्त सार्वजनिक सूचनाको निरन्तरतामा सडक डिभिजन हेटौंडाले मंसिर २० गतेदेखि सडक संरक्षण कार्य सुरु हुने जनाएको छ। यस क्रममा निर्दिष्ट क्षेत्रभित्र रहेका होटल तथा आवास गृहहरूले सडक संरक्षण कार्यमा सहयोग पुर्‍याउन आजको मितिदेखि अतिथि राख्न नपाउने…

हेटौंडा, मंसिर १८ गते । अपाङ्गता भएका व्यक्तिको ३४औँ अन्तर्राष्ट्रिय दिवसको अवसरमा बागमती प्रदेश सरकार सामाजिक विकास मन्त्रालय, मकवानपुर अपाङ्ग उत्थान समाजको आयोजना तथा राष्ट्रिय अपाङ्ग महासंघ नेपाल बागमती प्रदेशको समन्वय र नेपाल रेडक्रस सोसाइटीको प्राविधिक सहयोगमा हेटौंडामा रक्तदान कार्यक्रम सम्पन्न गरिएको छ। संयुक्त राष्ट्रसंघले सन् १९९२ देखि मनाउँदै आएको अन्तर्राष्ट्रिय अपाङ्गता दिवस यस वर्ष “Fostering Disability Inclusive Societies for Advancing Social Progress” भन्ने अन्तर्राष्ट्रिय नारा तथा “अपाङ्गता समावेशी समाजको प्रवर्द्धन: सामाजिक उन्नतिको संवर्द्धन” भन्ने राष्ट्रिय मूल नारासहित मनाइँदैछ। त्यसकै सामाजिक उत्तरदायित्व र मानव सेवा भावनालाई मूर्त रूप दिन यो रक्तदान कार्यक्रम आयोजना गरिएको आयोजक संस्थाले जनाएको छ। कार्यक्रममा माननीय…

हेटौंडा, मंसिर १८ गते । अपाङ्गता भएका व्यक्तिको ३४औँ अन्तर्राष्ट्रिय दिवसको अवसरमा सार्वजनिक यातायातमा ५० प्रतिशत भाडा छुटको जानकारीमूलक स्टिकर टाँस अभियान हेटौंडामा सफलतापूर्वक सम्पन्न गरिएको छ। राष्ट्रिय अपाङ्ग महासंघ नेपाल बागमती प्रदेशको आयोजनामा तथा अपाङ्ग सरोकार केन्द्र मकवानपुर, नारायणी यातायात व्यवसायी संघ हेटौंडा र जिल्ला ट्राफिक प्रहरी कार्यालयको समन्वयमा कार्यक्रम सम्पन्न भएको हो। कार्यक्रमअन्तर्गत अपाङ्गता भएका व्यक्ति तथा ज्येष्ठ नागरिकलाई कानुनद्वारा प्रदान गरिएका छुट सुविधाबारे स्पष्ट जानकारी दिन स्टिकरहरू विभिन्न सार्वजनिक यातायातका साधनमा टाँस गरिएको थियो। अपाङ्गता भएका व्यक्तिको अधिकार सम्बन्धी ऐन, २०७४ को दफा ३७(२), अधिकारसम्बन्धी नियमावली २०७७ को नियम १२, तथा ज्येष्ठ नागरिक ऐन २०६३ को दफा…

हेटौंडा, मंसिर १८ गते । अपाङ्गता भएका व्यक्तिको ३४औँ अन्तर्राष्ट्रिय दिवसको अवसरमा बागमती प्रदेश सरकार सामाजिक विकास मन्त्रालयको आयोजना र राष्ट्रिय अपाङ्ग महासंघ नेपाल बागमती प्रदेशको समन्वयमा अपाङ्गता मैत्री फुटपाथ व्यवस्थापनसम्बन्धी प्रदर्शनी कार्यक्रम हेटौंडामा सम्पन्न गरिएको छ। कार्यक्रमले अपाङ्गता भएका व्यक्तिहरूको सुरक्षित, सहज र स्वतन्त्र आवागमन सुनिश्चित गर्न शहरी पूर्वाधार कस्तो हुनुपर्छ भन्ने विषयमा व्यवहारिक अवलोकन गराएको थियो। प्रदर्शनका क्रममा र्याम्पयुक्त प्रवेशद्वार, समतल तथा अवरोध–रहित मार्ग, ह्वीलचेयर पहुँचयोग्य फुटपाथ, क्रसिङ क्षेत्र तथा सार्वजनिक कार्यालय परिसरमा हुनुपर्ने संरचनात्मक सहजताबारे प्राविधिक रूपमा मार्गदर्शन दिइएको थियो। कार्यक्रममा राष्ट्रिय अपाङ्ग महासंघ नेपाल बागमती प्रदेशका अध्यक्षले “सार्वजनिक पूर्वाधार सबैका लागि पहुँचयोग्य हुनु नै समावेशी समाज…

हेटौंडा, मंसिर १८ गते । सडक डिभिजन कार्यालय हेटौडाले अघि बढाएको २५–२५ गज सडक विस्तारका क्रममा उत्पन्न हुन सक्ने अवरोध र सुरक्षा व्यवस्थाबारे प्रमुख जिल्ला अधिकारी (सिडिओ) बसन्त अधिकारीले स्पष्ट धारणा व्यक्त गरेका छन्। पत्रकारहरूसँग कुरा गर्दै उनले स्थानीय प्रशासनले कानूनले परिभाषित सीमा भित्र रहेर मात्र कदम चाल्ने बताए। सिडिओ अधिकारीले भने, “अश्रुग्यास, लाठी प्रहार स्थानीय प्रशासन ऐनअनुसार मात्र प्रयोग हुन्छ। आवश्यक नपरेको खण्डमा कुनै पनि अप्रिय अवस्था नआओस् भन्ने हाम्रो चाहना हो।” उनका अनुसार सडक विस्तार कार्यलाई अवरुद्ध गर्ने, उत्तेजना फैलाउने वा गैरकानुनी गतिविधि गर्ने व्यक्तिहरूलाई कानुनअनुसार कडाइका साथ कारबाही गरिनेछ। सडक विस्तारलाई लिएर प्रभावित व्यवसायी तथा स्थानीयवासीले विभिन्न…

हेटौंडा, मंसिर १७ गते । अनियमितता, व्यथिति र व्यापक भ्रष्टाचारविरुद्ध देशभर फैलिँदै गएको जेन जि आन्दोलनले मकवानपुरमा औपचारिक रूपमै चार बुँदे मूल एजेण्डा सार्वजनिक गर्दै युवा पुस्तालाई एकताबद्ध हुन आह्वान गरेको छ। जेन जि आन्दोलनका प्रतिनिधि समूहहरूले जारी गरेको प्रेस विज्ञप्तिमा वर्तमान राज्य संरचनाबाट निराश युवा पुस्ता अब मौन बस्न नसक्ने उल्लेख गर्दै आन्दोलनलाई “ऐतिहासिक क्रान्ति” को रूप दिएको छ। वक्तव्यअनुसार जेन जि आन्दोलनका चार मुख्य एजेण्डा यस प्रकार छन्— १) प्रत्यक्ष निर्वाचित कार्यकारी प्रधानमन्त्रीको व्यवस्था २) भ्रष्टाचार नियन्त्रणका लागि स्वायत्त, शक्तिशाली र दण्डात्मक अधिकार प्राप्त आयोगको निर्माण ३) विदेशमा रहेका नेपाली नागरिकलाई मत अधिकारको पूर्ण सुनिश्चितता ४) आवश्यकताअनुसार प्रदेश…

हेटौंडा, मंसिर १६ गते । हेटौंडा सडक विस्तारसम्बन्धी सडक डिभिजन कार्यालय हेटौडाद्वारा जारी सार्वजनिक सूचनाप्रति मकवानपुर उद्योग वाणिज्य सङ्घले गम्भीर ध्यानाकर्षण गराएको छ। गोरखापत्र दैनिकमा मंसिर ५ गते प्रकाशित सूचनामा राप्ती पुलदेखि बुद्धचोकसम्म तथा रातोमाटेदेखि सामरी पुलसम्मको राजमार्ग क्षेत्रका दायाँ–बायाँ २५–२५ गज भित्री भाग १५ दिनभित्र खाली गर्न भनिएको थियो। उक्त सूचनाले व्यवसायी र घरधनीहरूमा ठूलो अन्यौलता सिर्जना भएको सङ्घले जनाएको छ। सङ्घका अनुसार सर्वोच्च अदालतको आदेश कार्यान्वयन हुनु राज्यको दायित्व भए पनि त्यससँगै नागरिकका संवैधानिक तथा आर्थिक अधिकार सुनिश्चित गर्नु पनि राज्यकै कर्तव्य हो। प्रदेश राजधानी हेटौंडामा सडक साँघुरो रहेको स्वीकार गर्दै सङ्घले घरधनी तथा व्यवसायीको दीर्घकालीन गुनासो—मुआब्जा नपाई…