समाचार

काठमाडौँ, चैत १६ गते । गृहमन्त्री सुधन गुरूङले सोमबार नेपाल प्रहरी प्रधान कार्यालयको निरीक्षण गर्दै प्रहरी संगठनलाई अझ जनमुखी, प्रविधिमैत्री र उत्तरदायी बनाउन स्पष्ट निर्देशन दिएका छन्। प्रधान कार्यालयमा पुग्दा गृहमन्त्री गुरूङलाई प्रहरी महानिरीक्षक दान बहादुर कार्की लगायतका वरिष्ठ अधिकृतहरूले स्वागत गरेका थिए। निरीक्षणका क्रममा उनले अमर प्रहरी स्मारकमा श्रद्धाञ्जली अर्पण गर्नुका साथै संग्रहालय, डिजिटल फरेन्सिक ल्याब, आर्टिफिसियल इन्टेलिजेन्स तथा एड्भान्स एनालिटिक्स सेल, डाटा सेन्टर र पोलीग्राफ शाखाको अवलोकन गरेका थिए। निरीक्षणपछिको कार्यक्रममा गृहमन्त्री गुरूङले सीमित स्रोतसाधनका बाबजुद प्रहरीले प्रभावकारी कार्यसम्पादन गर्दै आएको भन्दै प्रशंसा व्यक्त गरे। उनले आगामी दिनमा अझ आत्मविश्वासका साथ जिम्मेवारी निर्वाह गर्न निर्देशन दिँदै प्रहरीको कार्यमा…

काठमाडौँ, चैत १६ गते । महेश बस्नेतले सामाजिक सञ्जालमार्फत आज दिउँसो १ बजे माइतीघर मण्डलमा आयोजना हुने सशक्त विरोध कार्यक्रममा सहभागी हुन सबैलाई आह्वान गरेका छन्। नेपाल कम्युनिष्ट पार्टी (एमाले) का सचिव बस्नेतले वर्तमान सरकारको शैलीप्रति असन्तुष्टि जनाउँदै आन्दोलनमा व्यापक सहभागिता आवश्यक रहेको बताएका छन्। उनले केपी शर्मा ओली माथि गरिएको भनिएको गिरफ्तारीलाई “प्रतिशोधपूर्ण” कदमको संज्ञा दिएका छन्। बस्नेतले आफ्नो स्टाटसमार्फत वर्तमान सरकार अधिनायकवादी र निरंकुश ढंगले अघि बढिरहेको आरोप लगाउँदै कथित गृहमन्त्रीका गतिविधिहरूलाई अराजक बताएका छन्। एमाले राजधानी प्रदेश कमिटीको आयोजनामा हुने उक्त प्रदर्शनमा पार्टीका नेता, कार्यकर्ता तथा सर्वसाधारणलाई सशक्त रूपमा उपस्थित हुन आग्रह गरिएको छ। बस्नेतले “आन्दोलनको मोर्चामा…

काठमाडौँ, चैत १६ गते । लुम्बिनी प्रदेश सभा सांसद रेखा शर्मालाई बालश्रमको आरोपमा काठमाडौँ उपत्यका अपराध अनुसन्धान टोलीले केहीबेर अघि धुम्बराहीबाट पक्राउ गरेको छ। पक्राउ परेसँगै सांसद शर्मामाथि घरमा बालिका राखेर काम लगाउने र कुटपिट गर्ने आरोप उजुरीमा देखिएको छ। पिडित बालिकाको बयान अनुसार, उनी सांसदको घरमा करिब छ वर्षदेखि काम गरिरहेकी थिइन् र सांसदले उनलाई पाइपको लट्ठीले कुट्ने गरेको बताएकी छन्। उक्त बालिकाले काठमाडौँ महानगरपालिकाका प्रशिक्षार्थी विद्यार्थीहरुले सञ्चालन गरेको सर्वेक्षणको क्रममा आफ्नो अवस्था उजागर गरेकी थिइन्। सर्वेक्षणका क्रममा पत्ता लागेको थियो कि सांसदको घरमा रहेका बालिकालाई शोषण र बालश्रमको अवस्था भएको थियो। प्रहरीले पक्राउपछि थप अनुसन्धान सुरु गरेको छ…

काठमाडौं, चैत १५ गते । महेश बस्नेतले आफ्नो गिरफ्तारीको हल्ला र आफूविरुद्ध दर्ता गरिएको मुद्दालाई लिएर गम्भीर आपत्ति जनाएका छन्। नेपाल कम्युनिष्ट पार्टी (एमाले)का सचिव बस्नेतले सामाजिक सञ्जालमार्फत प्रतिक्रिया दिँदै आफूलाई पक्राउ गरी पार्टी अध्यक्ष केपी शर्मा ओलीविरुद्ध भइरहेको आन्दोलनलाई कमजोर पार्ने षड्यन्त्र भइरहेको आरोप लगाएका छन्। उनले तीन वर्षअघि नै एक “फेक व्यक्ति” प्रयोग गरेर आफ्नो विरुद्ध झुट्टा जाहेरी दर्ता गराइएको दाबी गर्दै उक्त जाहेरी प्रहरी अनुसन्धानबाट फर्जी प्रमाणित भइसकेको र सो विषयमा उच्च अदालत पाटनमा दायर गरिएको रिटसमेत खारेज भइसकेको बताएका छन्। बस्नेतका अनुसार सोही विषयमा पुनः पूरक जाहेरी दर्ता गरी मुद्दा हाल अदालतमा विचाराधीन रहेको छ। यस्तो…

काठमाडौं, चैत १५ गते । ज्ञानेन्द्र शाहीले जातीय छुवाछुत अन्त्यका लागि सबै नागरिक एकजुट हुन आह्वान गरेका छन्। राष्ट्रिय स्वतन्त्र पार्टीबाट उम्मेदवारी दिई सांसद पदमा विजयी भएका शाहीले सामाजिक सञ्जाल फेसबुकमार्फत आफ्नो धारणा सार्वजनिक गर्दै कानुनी व्यवस्था भए पनि समाजमा अझै जातीय विभेद कायम रहनु दुःखद रहेको बताएका हुन्। उनले नेपालमा जातीय छुवाछुत अन्त्य गर्नका लागि नयाँ मुलुकी ऐन २०२० लागू भएको झन्डै ६२ वर्ष बितिसक्दा पनि व्यवहारमा विभेद पूर्ण रूपमा हट्न नसकेको उल्लेख गरेका छन्। शाहीले कानुनले निषेध गरिसकेको प्रथा अझै पनि समाजमा देखिनु गम्भीर विषय भएको भन्दै अब सबै नागरिक सचेत बन्ने, आवाज उठाउने र यस्तो अमानवीय अभ्यास…

काठमाडौं, चैत १३ गते । राष्ट्रिय स्वतन्त्र पार्टी (रास्वपा) ले निजामती सेवाभित्र आफ्नो पार्टी र नेतृत्वको नाम जोडेर भ्रम सिर्जना गर्ने गतिविधिप्रति गम्भीर ध्यानाकर्षण भएको जनाएको छ। पार्टीले शुक्रबार एक विज्ञप्ति जारी गर्दै यस्ता कुनै पनि समूह, अभियान वा युनियन शैलीका संयन्त्रहरूसँग आफ्नो कुनै सम्बन्ध, समर्थन वा संलग्नता नरहेको स्पष्ट पारेको हो। विज्ञप्तिमा रास्वपाले स्थापना कालदेखि नै सार्वजनिक प्रशासनलाई राजनीतिक हस्तक्षेपमुक्त, व्यावसायिक र जनउत्तरदायी बनाउनुपर्ने मान्यता राख्दै आएको उल्लेख गरिएको छ। हालै सम्पन्न आम निर्वाचनमा समेत निजामती सेवालाई तटस्थ, निष्पक्ष र व्यवसायिक बनाउँदै सार्वजनिक सेवा प्रवाह तथा विकास व्यवस्थापनलाई प्रभावकारी बनाउने प्रतिबद्धता गरिएको पार्टीले जनाएको छ। पछिल्लो समय निजामती सेवाभित्र…

काठमाडौं, चैत १३ गते । जनता समाजवादी पार्टी नेपालका अध्यक्ष उपेन्द्र यादवले नवनियुक्त प्रधानमन्त्री बालेन्द्र शाहलाई हार्दिक बधाई तथा सफल कार्यकालको शुभकामना व्यक्त गरेका छन्। अध्यक्ष यादवले सामाजिक सञ्जालमार्फत सार्वजनिक गरेको सन्देशमा प्रधानमन्त्री शाहले जनताको आशा, विश्वास र परिवर्तनको आकांक्षालाई आत्मसात् गर्दै सुशासन, पारदर्शिता, विकास र न्यायपूर्ण राज्य व्यवस्था निर्माणतर्फ नेतृत्व प्रदान गर्ने विश्वास व्यक्त गरेका छन्। उनले देशलाई स्थायित्व, समृद्धि र समावेशीतर्फ अगाडि बढाउन प्रधानमन्त्री शाहको भूमिका महत्वपूर्ण रहने उल्लेख गर्दै त्यसका लागि आवश्यक दृढता र साहस अझ प्रगाढ हुनुपर्ने बताएका छन्। अध्यक्ष यादवले प्रधानमन्त्री शाहले नेपाल र नेपाली जनताको हितमा ऐतिहासिक कार्य गर्ने अवसर प्राप्त गरून् भन्ने कामना…

काठमाडौं, चैत १३ गते । नेपालका पूर्व प्रधानमन्त्री बाबुराम भट्टराईले युवा पुस्ताको नेतृत्वप्रति विश्वास व्यक्त गर्दै बालेन्द्र शाहलाई सफल कार्यकालको शुभकामना दिएका छन्। सामाजिक सञ्जाल मार्फत व्यक्त गरिएको आफ्नो धारणा सार्वजनिक गर्दै भट्टराईले नेपाली इतिहासकै कान्छा तथा मधेसी मूलका पहिलो प्रधानमन्त्रीका रूपमा शाहले ऐतिहासिक जिम्मेवारी वहन गर्न लागेको उल्लेख गरेका छन्। उनले आन्तरिक रूपमा लामो समयदेखि संरचनात्मक गत्यावरोधमा फसेको अर्थ–राजनीतिक अवस्था तथा बाह्य रूपमा तीव्र गतिमा परिवर्तन भइरहेको भू–राजनीतिक परिस्थितिबीच सन्तुलित र कुशल व्यवस्थापन आवश्यक रहेको औंल्याएका छन्। भट्टराईले यी चुनौती र सम्भावनालाई अवसरमा रूपान्तरण गर्दै देश र जनताका एक्काइसौँ शताब्दीका आकांक्षा पूरा गर्न सफल हुने विश्वास व्यक्त गरेका छन्।…