राप्ती खबर

हेटौडा, मंसिर ३ गते । मकवानपुरको हेटौडा उपमहानगरपालिका–६, भुलभुलेस्थित अर्जुन कुमार श्रेष्ठको घरमा चोरी प्रयास गर्ने क्रममा एक व्यक्ति पक्राउ परेको छ। प्रहरीका अनुसार हिजो साँझ करिब ८:२० बजे घरमा कोही नभएको अवसर पारेर ढोकाको लक फोडी भित्र पसेको अवस्थामा उक्त व्यक्ति नियन्त्रणमा लिइएको हो। बागमती गाउँपालिका–८, साततल्ले बस्ने ३९ वर्षीय दिलबहादुर स्याङ्तान NS मोटरसाइकल (ना.२–००७ प ६५१६) मा आएर चोरी गर्दै गरेको स्थानीयले देखेपछि प्रहरीलाई खबर गरिएको थियो। जानकारी पाएपछि प्रहरी चौकी चौघडाबाट खटिएको टोलीले स्थानीयको समन्वयमा उनलाई घटनास्थलमै नियन्त्रणमा लिएको प्रहरीले जनाएको छ। पक्राउ परेका स्याङ्तानलाई चोरी तथा डाँका सम्बन्धी कसुरमा आवश्यक कारबाहीका लागि मकवानपुर जिल्ला अदालत, हेटौडाबाट…

मकवानपुर, मंसिर ३ गते । इलाका प्रहरी कार्यालय नेवारपानीबाट खटिएको प्रहरी टोलीले मकवानपुरको हेटौंडा उप–महानगरपालिका–१९ स्थित क्षेत्रमा अवैध रूपमा नदिजन्य पदार्थ उत्खनन् तथा ओसार–पसार गर्दै आएका एक स्काभेटर र एक टिप्पर नियन्त्रणमा लिएको छ। प्रहरीका अनुसार बा २ क ५१६६ नम्बरको स्काभेटर र ना ८ ख ८८९७ नम्बरको टिप्परलाई नियन्त्रणमा लिएर आवश्यक कारबाहीका लागि हेटौंडा उप–महानगरपालिकाको कार्यालयमा पठाइएको छ। उक्त अवैध क्रियाकलापमा संलग्नताका आधारमा सम्बन्धित सवारी साधनहरूलाई गर्दा रू. ५४,२७३ जरिवाना गरिएको प्रहरीले जनाएको छ। प्रहरीले नदिजन्य पदार्थको अवैध उत्खनन तथा ढुवानी नियन्त्रणका लागि नियमित अनुगमन जारी राख्ने जनाएको छ।

हेटौँडा, मंसिर ३ गते । बागमती प्रदेशको संस्कृति तथा पर्यटन मन्त्रालयले दोलखास्थित शैलुङ्ग गाउँपालिकामा निर्माण सम्पन्न भएका दुई महत्वपूर्ण पर्यटन संरचना—शैलुङ्ग गोलघर र शैलुङ्ग कम्युनिटी लज—औपचारिक रूपमा स्थानीय तहलाई हस्तान्तरण गरेको छ। पर्यटन पूर्वाधार हस्तान्तरण कार्यविधि–२०८१ अनुसार २०८२ मंसिर २ गतेदेखि यी संरचनाहरूको संरक्षण, सञ्चालन र व्यवस्थापनको जिम्मेवारी अब गाउँपालिकाकै हातमा पुगेको हो। शैलुङ्ग गाउँपालिका–१ मा निर्माण भएको गोलघर र वडा नम्बर–८ मा बनेको कम्युनिटी लज हेटौँडास्थित पर्यटन विकास आयोजनाले विभिन्न आर्थिक वर्षमा सम्पन्न गरेका आयोजना हुन्। मन्त्रालयका अनुसार यिनै संरचनाहरू हस्तान्तरण प्रक्रियाको पहिलो चरण हुन्। संस्कृति तथा पर्यटन मन्त्री सुरेश श्रेष्ठले निर्माण सम्पन्न भइसके पनि पालिकामा नहस्तान्तरण हुँदा संरचनाहरू…

मकवानपुर, भिमफेदी, कात्तिक ३० गते । गए राती करिब १:३० बजे, मकवानपुरको भिमफेदी गाउँपालिका–२ भैसेस्थित चेकपोष्टमा प्रहरी चौकी भैसेबाट खटिएको प्रहरी टोलीले शंका लागेपछि चेकजाँचका क्रममा एक ट्रक नियन्त्रणमा लिएको छ। बिरगंजबाट काठमाडौंतर्फ जाँदै गरेको प्रदेश नं. २–०३–००१ ख ३०८२ नम्बरको ट्रकमा अन्दाजी रू. २५,००,००० (पच्चिस लाख) बराबरको बिलबिजक भन्दा फरक सामान रहेको प्रहरीले जनाएको छ। ट्रक चालक जिल्ला पर्सा, वीरगंज महानगरपालिका–१६, नगवा निवासी ४५ वर्षीय विजय साहलाई नियन्त्रणमा लिइएको छ। उनको विरुद्धमा आवश्यक कानुनी कारवाही तथा थप अनुसन्धानका लागि उक्त ट्रक र चालकलाई राजस्व अनुसन्धान कार्यालय, पथलैया, बारा पठाइएको प्रहरीले पुष्टि गरेको छ। प्रहरी स्रोतका अनुसार ट्रकमा लोड गरिएको…