२०८२ जेष्ठ २, शुक्रबार २१:०३
२०८२ जेष्ठ २, शुक्रबार २१:०३
काठमाडौँ। अभिनेत्री अरुणिमा लम्साल र युवराज श्रेष्ठबीच आधिकारिक रुपमै सम्बन्धविच्छेद भएको छ। आठ महिनाअघि विवाह बन्धनमा बाँधिएकी अरुणिमाले गत चैतमा अमेरिकाबाट नेपाल आएर अदालतमा सम्बन्धविच्छेदको मुद्दा दर्ता गराएकी थिइन्। युवराजले गत आइतबार वैशाख २८ गते सम्बन्धविच्छेदको फाइलमा हस्ताक्षर गरेका हुन्। यसको पुष्टि उनले स्वयं गरेका छन्। हालै टिकटक लाइभमा बोल्दै युवराजले भने, ‘मैले वैशाख २८ गते दिनको ४ः१० मा डिभोर्स फाइलमा हस्ताक्षर गरेको हुँ। जन्म, विवाह र मृत्यु लेखेर आएको हुन्छ। मेरो छुट्टिनु थियो, छुट्टियो, सकियो। बाँकी कुरा चाहिँ म सार्वजनिक गर्न चाहन्नँ।’ युवराज श्रेष्ठ सुनसरीको बराहक्षेत्र नगरपालिका, चतराका स्थानीय हुन् र नेपाली कांग्रेसको बराहक्षेत्र नगर कमिटीका उपसभापति हुन्।
