सशान्त तामाङ

राक्सिराङ, मंसिर ४ गते । मकवानपुर जिल्लाको विकट राक्सिराङ गाउँपालिका–७ मा बिष्णु मायाँ प्रजाको घर सोलारबाट निस्किएको आगोका कारण पूर्णरुपमा जलेर नष्ट भएको छ। आगलागीमा घरभित्र रहेको अन्न–पातालगायत लुगा–फाटा समेत सबै नष्ट भएको स्थानीय अन्जित रिन्माङ्गीले जानकारी दिएका छन्। स्थानीयका अनुसार आगो अचानक सल्किँदा घरधुरीले केही पनि सामान बाहिर निकाल्न नपाई क्षति पुगेको हो। घटनास्थल दूरदराज रहेकोले आगो नियन्त्रणमा लिन समय लागेपछि क्षति झन् बढेको बताइन्छ। आगोबाट मानवीय क्षति भने नभएको जनाइएको छ। स्थानीयवासी र वडा कार्यालयले तत्काल राहत तथा आवश्यक सहयोगका लागि पहल थालेका छन्।

मनहरी, मंसिर ४ गते । बस्तीपुर जेसीज मनहरीको सप्ताहव्यापी कार्यक्रम–२०२५ अन्तर्गत आज छैटौँ कार्यक्रम अंतर्गत हेटौंडा उपमहानगरपालिका–३ स्थित बाल उज्जवल माध्यमिक विद्यालयमा कक्षा ९ र १० का विद्यार्थीहरूलाई लक्षित गरी साइबर अपराध तथा लागुऔषध दुव्र्यसनसम्बन्धी सचेतना कार्यक्रम सम्पन्न गरिएको छ। कार्यक्रम संयोजक जेसी रोशन भण्डारीको संयोजकत्वमा सम्पन्न कार्यक्रमको अध्यक्षता यसै शाखाका वर्ष २०२५ का अध्यक्ष जेसी सन्तोष उप्रेतीले गरेका थिए। विद्यालयका प्रधानाध्यापक शम्भु बर्तौला, व्यवस्थापन समितिका अध्यक्ष टेकनाथ शिवाकोटी, जिल्ला प्रहरी कार्यालयका प्रहरी सहायक निरीक्षक सञ्जिता लामा र सुनील कुमार यादव लगायत अथितिहरु उपस्थित रहेका थिए। हेनपा–३ का वडा अध्यक्ष ढलक बहादुर थापाको प्रमुख आतिथ्यतामा सम्पन्न उक्त कार्यक्रमका क्रममा विद्यार्थीहरूलाई…

हेटौंडा, मंसिर ४ गते । बागमती प्रदेश सभाको चालु १६ औँ अधिवेशन मंसिर ३ गते बुधबार राति ११:५९ बजेदेखि अन्त्य भएको छ। प्रदेश प्रमुख माननीय दिपक प्रसाद देवकोटाले प्रदेश मन्त्रिपरिषद्को सिफारिसमा नेपालको संविधानको धारा १८३ को उपधारा (२) बमोजिम अधिवेशन अन्त्य गर्ने निर्णय गरेका हुन्। प्रदेशसभा नियमावली २०७४ को नियम ३ को उपनियम (३) अनुसार माननीय सदस्यहरूलाई जानकारीका लागि प्रदेशसभा सचिव राजकुमार पौडेलले सूचनापत्र जारी गरेका छन्। यससँगै बागमती प्रदेश सभाको दोस्रो कार्यकालअन्तर्गत जारी १६ औँ अधिवेशनको समापन औपचारिक रूपमा भएको छ।

हेटौंडा, मंसिर ३ गते । हेटौंडा उपमहानगरपालिका–१७ स्थित शिवम सिमेन्ट उद्योगबाट उत्पन्न हुँदै आएको अत्यधिक धुलो–धुवाँ, ओभर–लोड, खानीजन्य जोखिम तथा भू–गर्भीय जल दोहनका कारण स्थानीय बासिन्दा गम्भीर स्वास्थ्य समस्या र वातावरणीय संकटमा परेको आरोप बढ्दो छ। सामाजिक अभियान्ता विशालराज महतले सामाजिक सञ्जालमार्फत उठाएको मुद्दाले उद्योगको व्यवहार, दादागिरी र नियमनकारी निकायको मौनता प्रति प्रश्नचिन्ह उब्जिएको छ। स्थानीयका अनुसार बाक्लो बस्ती, विद्यालय र समुदायको बीचमै सञ्चालन भइरहेको उद्योगले दैनिक रूपमा उडाइरहेको धुलो–धुवाले विशेष गरी बालबालिका, वृद्धवृद्धा तथा कमजोर स्वास्थ्य भएका व्यक्तिहरूमा श्वासप्रश्वाससम्बन्धी रोग तीव्र बनाइरहेको छ। दम (Asthma), ब्रोंकाइटिस, लगातार खोकी, छाला तथा आँखा सम्बन्धी समस्या व्यापक देखिन थालेका छन्। धुलोयुक्त हावा,…

हेटौँडा, मंसिर ३ गते । सामाजिक प्रयोगकर्ता आसबहादुर भ्लोनले वर्तमान राजनीतिक व्यवहारप्रति असन्तोष व्यक्त गर्दै विकास र समुदायसँग सम्बन्धित मुद्दामा पार्टीगत सोच हटाउन सबैलाई आग्रह गरेका छन्। उनले आफ्नै सामाजिक सञ्जालमार्फत हालको परिस्थितिको यथार्थता प्रतिबिम्बित हुने स्टाटस शेयर गर्दै स्थानीय विकासका विषयलाई राजनीतिक रंगमा नपुर्‍याउनुपर्ने धारणा राखेका हुन्। भ्लोनले समाजमा “यो पार्टी–त्यो पार्टी” भन्ने विभाजनकारी सोचले वास्तविक विकासका काम कमजोर बनाएको उल्लेख गर्दै आफू कुनै पनि दलमा आबद्ध नभए पनि गाउँ–ठाउँका विकास तथा निर्माण कार्यमा सहयोग आवश्यक परे आफू सधैं तयार रहने स्पष्ट गरेका छन्। उनका अनुसार, स्थानीयस्तरमा हुने विकासका कामलाई राजनीतिक स्वार्थभन्दा माथि राख्न सके मात्र समुदायले प्रत्यक्ष फाइदा…

हेटौंडा, मंसिर २ गते । बागमती प्रदेशका संस्कृति तथा पर्यटन मन्त्री सुरेश श्रेष्ठले आफ्नो कार्यभार सम्हालेको करिब ९०/९१ दिन पुगेका अवसरमा प्रदेश सरकारले पर्यटन पूर्वाधारहरूको अनुगमन, संरक्षण र स्थानीय तहमा हस्तान्तरण गर्ने काम गतिशील रूपमा अघि बढिरहेको बताएका छन्। मन्त्री श्रेष्ठका अनुसार विगतमा निर्माण भएका तर अधुरा र बेवास्ता भएका भ्युटावर, सभा हल लगायतका संरचनाहरू प्रदेशभर अध्ययन हुँदै छ, जसअन्तर्गत सैलुङका गोलघर र सभा हलहरू स्थानीय तहलाई हस्तान्तरण गरिएको छ। बागमती प्रदेशको मौलिक सांस्कृतिक पहिचान जोगाउन, मध्यपुर ठिमीको ‘जिब्रो छेड्ने’ परम्परा संरक्षणका लागि मन्त्रिपरिषद्ले प्रत्येक वर्ष रु २ लाख बजेट विनियोजन गर्ने निर्णय गरेको उनले जानकारी दिए। मन्त्री श्रेष्ठका शब्दमा:…

हेटौंडा, कात्तिक २९ गते । हेटौडा उपमहानगरपालिका–१ लालझाडीका बासिन्दा लामो समयदेखि सुरक्षित आवतजावतका अभावमा गम्भीर समस्यामा परिरहेका छन्। लालझाडी र चौकीटोल बजार बीच तिर्खण्डी–कुलेखानी खोलाले दुबै बस्तीलाई छुट्याउँदा विशेषगरी बर्खायामामा गाउँ पुग्न कठिन हुँदै आएको स्थानीयले बताएका छन्। खोलाबाट वारपार गर्न वैकल्पिक सडक मार्गको अभाव र पुल निर्माणमा ढिलाइ हुँदा दैनिकी, व्यापार–व्यवसाय, विद्यार्थीहरू तथा बिरामी विशेष गरी सुत्केरी महिलाको आवतजावतमा ठूलो जोखिम बनेको स्थानीयको गुनासो छ। स्थानीय देवकुमार घिसिङ भन्छन्ः “पहिले त हामीले तुइन झुण्ड्याएर जोखिमपूर्ण ढंगले आवतजावत गर्थ्यौँ। त्यही आवतजावत गर्ने क्रममा एक वृद्ध झर्दा मृत्यु समेत भएको थियो। पुल निर्माण सुरु त भयो, तर आजसम्म पूर्ण हुन सकेको…