सशान्त तामाङ

हेटौंडा, मंसिर ७ गते । हेटौंडाका सामाजिक अभियान्ता विशालराज महतले हेटौंडाको २५ मिटर सडक बिस्तार विवादमा प्रशासन र राजनीतिक नेतृत्वको दोहोरो भूमिकाका कारण समस्या झनै जटिल बन्दै गएको आरोप लगाएका छन्। डिभिजन सडक कार्यालयले पाँचौँ पटक १५ दिने सूचना जारी गरे पनि दशकौँदेखि विवाद समाधान हुन नसक्नु राज्यको राजनीतिक अस्पष्टता र जिम्मेवारीको अभावकै परिणाम भएको उनको टिप्पणी छ। महतका अनुसार बारम्बार जारी हुने सूचनाले स्थानीय घरधनी र व्यवसायीहरूमा त्रास, अन्योल र असुरक्षा बढाइरहेको छ। उनले राजनीतिक दलहरू जनताका पक्षमा उभिनुको सट्टा कहिले १६ मिटर, कहिले बाइपास भन्दै दोहोरो भूमिका खेल्दै नागरिकलाई झुक्काउने काम मात्रै गरेको आरोप लगाए। उनका अनुसार सुरु…

हेटौंडा, मंसिर ६ गते । हेटौंडा उपमहानगरपालिका–४ का वडाध्यक्ष नवीन सिग्देलले हेटौंडामा भइरहेको सडक विस्तार तथा विकास कार्य अब ढिला गर्न नहुने बताएका छन्। सामाजिक सञ्जालमार्फत विचार व्यक्त गर्दै उनले मुआब्जा नपाएकालाई उचित क्षतिपूर्ति उपलब्ध गराएर सडक फराकिलो बनाउने कार्यलाई तत्काल अघि बढाउनु पर्नेमा जोड दिएका छन्। “मुआब्जा नपाउनेले पाउनु पर्छ, हेटौंडाको सडक फराकिलो हुनुपर्छ। हेटौंडाबासीको चाहना, आजको आवश्यकता यही हो। अब ढिला नगराैँ,” सिग्देलले आफ्नो स्टाटसमार्फत उल्लेख गरेका छन्। सडक विस्तारको विषयमा केही समयदेखि स्थानीय सरोकारवालाबीच मतभेद देखिँदै आएको अवस्थामा वडाध्यक्ष सिग्देलको सार्वजनिक अभिव्यक्ति महत्त्वपूर्ण मानिएको छ। उनले विकास कार्यमा सबै पक्षको सहकार्य आवश्यक रहेको र नगरको दीर्घकालीन हितका…

हेटौंडा, मंसिर ६ गते । आगामी अधिवेशनको पूर्वसन्ध्यामा स्वतन्त्र पत्रकार संघका केन्द्रीय अध्यक्ष, उपमहासचिव, जिल्ला अध्यक्ष, निवर्तमान अध्यक्ष, सचिव, कोषाध्यक्षलगायत पदाधिकारीसँग समसामयिक विषय तथा संगठनगत तयारीबारे एक महत्वपूर्ण अन्तरक्रिया सम्पन्न भएको छ। अन्तरक्रियामा हालको पत्रकारिता क्षेत्रका चुनौती, संगठनलाई थप सुदृढ बनाउने उपाय, अधिवेशनका तयारी अवस्था तथा आगामी कार्ययोजनाका विषयमा विस्तृत छलफल गरिएको थियो। पदाधिकारीहरूले संगठनको भूमिकालाई प्रभावकारी बनाउने, सदस्यताको सुदृढीकरण, पारदर्शिता र सहकार्य प्रवर्द्धन गर्न आवश्यक रणनीतिबारे आफ्ना भनाइ प्रस्तुत गरेका थिए। अधिवेशनलाई सफल र अनुकरणीय बनाउन सबै तहका पदाधिकारीहरूको सक्रिय सहभागिता महत्वपूर्ण रहने भन्दै कार्यक्रमका सहभागीहरूले साझा प्रतिबद्धता व्यक्त गरेका छन्।

हेटौंडा, मंसिर ६ गते । बागमती प्रदेशको राजधानी हेटौंडा–१३ स्थित पदमपोखरी चोक बजार अब अन्धकारमय क्षेत्रको पहिचानबाट मुक्त हुँदै आधुनिक र उज्यालो सहरको नयाँ रूप लिन लागेको छ। सहरको सौन्दर्यसँगै सुरक्षा व्यवस्थालाई प्राथमिकतामा राख्दै चोक बजार क्षेत्रमा अत्याधुनिक प्रकाश उपकरण जडान कार्य सुरु भएको वडाध्यक्ष पेम्बा लामाले जानकारी दिएका छन्। उनका अनुसार लामो समयदेखि योजनामा रहेको आधुनिक प्रकाश व्यवस्था अब कार्यान्वयनको अन्तिम चरणमा पुगेको छ। बजारको भित्री क्षेत्रदेखि मुख्य चोकसम्म उच्च क्षमताका LED डिजिटल बत्ती जडानसँगै दुई थान मिनी–मास्ट स्थापनाको काम तीव्र गतिमा अघि बढिरहेको छ। यसले चोक क्षेत्रलाई चौबीसै घण्टा पूर्णरूपमा उज्यालो बनाउने छ। अन्धकारका कारण विगतमा घटना-दुर्घटना, चोरी–निकासी…

हेटौंडा, मंसिर ५ गते । हेटौंडा उपमहानगरपालिका–४ लाई सुरक्षित, व्यवस्थित र आधुनिक सहरको नमुना बनाउने लक्ष्यसहित विभिन्न योजनाहरू अघि बढाइँदै गरेको वडा अध्यक्ष नवीन सिग्देलले बताएका छन्। मित्रनगर टोल विकास संस्थाको २०औँ साधारणसभाको उद्घाटन कार्यक्रममा बोल्दै उनले वडाभित्रका सडक, पेटी, ढल व्यवस्थापनदेखि हरियाली प्रवर्द्धन, सरसफाइ, सुरक्षासम्बन्धी पूर्वाधार र उज्यालो कार्यक्रमलाई प्राथमिकताका साथ कार्यान्वयन भइरहेको जानकारी दिए। अध्यक्ष सिग्देलका अनुसार लोकतान्त्रिक चौतारी (हुप्रा) प्रदेश राजधानीको पहिचान बोकेको महत्वपूर्ण क्षेत्र भएकाले यसलाई सफा, सुन्दर, सुरक्षित र पूर्ण रूपमा उज्यालो क्षेत्रका रूपमा विकास गर्ने काम तीव्र गतिको अवस्थामा छ। उनले हुप्रा क्षेत्र आसपासका सडकहरूलाई व्यवस्थित रूपमा निर्माण तथा सुधार गर्ने योजना पनि अघि…

हेटौंडा, मंसिर ५ गते । भौतिक पूर्वाधार तथा यातायात मन्त्रालयअन्तर्गत सडक विभाग, संघीय सडक सुपरिवेक्षण तथा अनुगमन कार्यालय काठमाडौँको मातहतमा रहेको सडक डिभिजन हेटौंडाले महेन्द्र राजमार्ग र त्रिभुवन राजपथको अतिक्रमित सडक सीमा खाली गराउन पुनः अत्यन्त जरुरी सूचना प्रकाशित गरेको छ। मङ्सिर ५ गते प्रकाशित सूचनामा महेन्द्र राजमार्ग र त्रिभुवन राजपथको सडक केन्द्ररेखादेखि दायाँ–बायाँ २५–२५ गज (७५–७५ फिट) भित्र पर्ने सबै संरचना, घर–टहरा, तगारो, किल्ला, खाडल, कुलोजस्ता निर्माण कार्य तथा प्रवेश मार्ग निर्माण सार्वजनिक सडक ऐन २०३१ ले निषेध गरेको उल्लेख छ। हेटौंडा उपमहानगरपालिकाको रातोमाटेदेखि बुद्धचोक हुँदै राप्ती पुलसम्म तथा बुद्धचोकदेखि सामरी पुलसम्म पर्ने क्षेत्रमा सर्वोच्च अदालतले विभिन्न मितिहरूमा जारी…