समाचार

गढी,बैतडी, भदौ २६ गते । जिल्ला प्रशासन कार्यालय गढी बैतडीले देशभर लागू गरिएको सुरक्षा व्यवस्थासम्बन्धी नेपाली सेनाको सार्वजनिक अपिलअनुसार जिल्लामा पनि निषेधाज्ञा र कर्फ्यु आदेश जारी गरेको छ। प्रशासनले जानकारी दिएको अनुसार आज भाद्र २६ गते बेलुकी ५ बजेदेखि भोलि बिहान ७ बजेसम्म निषेधाज्ञा लागू हुनेछ। साथै, भाद्र २७ गते बिहान ६ बजेदेखि साँझ ६ बजेसम्म कर्फ्यु आदेश जारी हुनेछ। प्रशासनले परिस्थितिको विश्लेषणको आधारमा आवश्यकतानुसार थप सूचना सार्वजनिक गर्ने जनाएको छ। आम सर्वसाधारणलाई आदेशको पालना गर्न र सुरक्षामा सहयोग पुर्‍याउन आग्रह गरिएको छ।

काठमाडौं, भदौ २६ गते । हालै २०८२ साल भदौ २३ गतेपछि देशभर भएका प्रदर्शनका क्रममा नेपाल प्रहरीका विभिन्न कार्यालय, इकाइ तथा कारागार कार्यालयहरूमा तोडफोड र आगजनी भएको घटनापछि अनुसन्धानको क्रममा रहेका केही अभियुक्त र अदालतबाट सजाय भुक्तान गरिरहेका कैदी–बन्दीहरू कारागारबाट भागेका छन्। नेपाल प्रहरी प्रधान कार्यालय, प्रहरी महानिरीक्षक सचिवालय नक्सालले बिहीबार जारी गरेको प्रेस विज्ञप्तिमा ती अभियुक्त तथा कैदी–बन्दीहरूलाई सम्बन्धित जिल्ला प्रहरी कार्यालय, स्थानीय प्रहरी इकाइ वा अन्य सुरक्षा निकायको कार्यालयमा तत्काल सम्पर्कमा आउन आग्रह गरिएको छ। प्रहरीले घटनामा संलग्न व्यक्तिहरूले यथाशीघ्र आत्मसमर्पण गर्नुपर्नेमा जोड दिँदै कानूनी कारबाही प्रक्रियाबाट बच्न नसकिने स्पष्ट पारेको छ।

काठमाडौं, भदौ २६ गते । नेपाल पत्रकार महासंघले हाल जेनजी पुस्ताको आन्दोलनले उत्पन्न गरेको विषम परिस्थितिमा संयमित र संवेदनशील हुँदै मुलुकलाई सुरक्षित निकास दिन सबै सरोकारवालालाई अपिल गरेको छ। महासंघले प्रेस विज्ञप्ति जारी गर्दै हालसम्मको आन्दोलनमा २३ जनाले ज्यान गुमाएको र बालबालिका तथा सुरक्षाकर्मी सहित हजारौं घाइते भएकोप्रति दुःख व्यक्त गर्दै मृतकप्रति श्रद्धाञ्जली र घाइतेको स्वास्थ्य लाभको कामना गरेको छ। साथै आन्दोलनका क्रममा चार जना पत्रकार गोली लागि घाइते भएको र विभिन्न मिडिया हाउसमाथि आक्रमण तथा आगजनी हुनु दुःखद र आपत्तिजनक भएको भन्दै राज्यले उचित क्षतिपूर्ति दिनुपर्ने माग गरेको छ। विज्ञप्तिमा आन्दोलनका नाममा सिंहदरवार, संसद भवन, सर्वोच्च अदालत लगायतका सार्वजनिक…

काठमाडौं, भदौ २६ गते । हालै भदौ २३ र २५ गते भएका प्रदर्शनका क्रममा नेपाल प्रहरीसहित अन्य सुरक्षा निकायका हातहतियार, सञ्चार उपकरण, सवारीसाधन, असबाब तथा विभिन्न भौतिक साधनहरू प्रदर्शनकारीको नियन्त्रणमा परेको वा कतै फेला परेको भए फिर्ता बुझाउन प्रहरीले अनुरोध गरेको छ। नेपाल प्रहरी प्रधान कार्यालय, नक्सालबाट जारी विज्ञप्तिअनुसार यस्तो सामग्री फेला परेमा नजिकको प्रहरी वा सुरक्षा निकायको कार्यालय, जिल्ला प्रहरी कार्यालय, प्रहरी कन्ट्रोल १००, टोल फ्री नम्बर १६६००१४१५१६ वा नेपाल प्रहरी प्रधान कार्यालयको सम्पर्क नम्बर ९८५१२९३४५९ मा सम्पर्क गर्न सकिनेछ। त्यस्तै आन्दोलनका क्रममा प्रदर्शनकारीहरूले नियन्त्रणमा लिएका प्रहरीको पोशाक दुरुपयोग नगर्न तथा सो सम्बन्धी सूचना पनि उपलब्ध गराउन प्रहरीको अनुरोध…

काठमाडौं, भदौ २६ गते । भ्रष्टाचार अन्त्य र सुशासन कायम गर्ने अभिप्रायसहित सुरु भएको जेन जी नेपालकै आन्दोलन अब ऐतिहासिक सफलताप्रति अघि बढिरहेको छ। आन्दोलनका क्रममा सम्पन्न भर्चुअल छलफल र समग्र मूल्यांकनपछि जेन जी नेपालले अन्तरिम मन्त्रिपरिषद् नेतृत्वका लागि इन्जिनियर कुलमान घिसिङलाई अघि सार्ने निर्णय गरेको छ। जेन जी नेपालद्वारा जारी विज्ञप्तिअनुसार, काठमाडौं महानगरपालिका प्रमुख बालेन्द्र शाह नै सबैभन्दा योग्य र लोकप्रिय विकल्प मानिएको भए पनि उहाँले यस प्रक्रियामा रुचि नदेखाएकाले सम्भावना टुंगिएको छ। त्यस्तै, पूर्वप्रधानन्यायाधीश सुशिला कार्कीको नाम पनि व्यापक समर्थन पाएको भए पनि संविधानिक प्रावधानअनुसार पूर्वन्यायाधीशलाई यस्तो पदमा नियुक्त गर्न नमिल्ने र उमेर सीमा नाघिसकेको कारणले उहाँको नाम…

काठमाडौं, भदौ २५ गते । धरान उपमहानगरपालिकाका मेयर हर्क साम्पाङले भिडियो सन्देशमार्फत हालका विवाद र मतभेदबारे आफ्नो धारणा सार्वजनिक गरेका छन्। उनले हजारौँ युवाहरूको विशेष अनुरोध र आग्रहलाई सम्बोधन गर्दै व्यक्तिगत स्वार्थ नभई राष्ट्रिय स्वार्थका लागि काठमाडौँ आएको स्पष्ट पारेका छन् । साम्पाङले भने, “यो मेरो रहर वा स्वार्थको कुरा होइन। यो देशलाई बचाउनुपर्ने परिस्थिति आएको छ। विदेशीहरूको हालीमुहाली हुनु हुँदैन। युवाहरूको साथ र समर्थनले म लुकेर बस्न सक्दिन, त्यसैले म नेतृत्व गर्न तयार भएर आएको हुँ।” उनले हालै सेनाप्रमुखसँग पनि कुराकानी गरेको जानकारी दिँदै विभिन्न समर्थन र सिफारिसको हल्ला अनावश्यक रहेको बताए। बालेन शाह वा सुशीला कार्कीलाई समर्थन गर्ने…

काठमाडौं, भदौ २५ गते । काठमाडौँ महानगरपालिकाका मेयर बालेन्द्र शाह (बालेन)ले देशलाई सुनौलो भविष्यतर्फ डोर्याउन जेन जी पुस्ताले उठाएको आन्दोलन र प्रस्तावलाई पूर्ण समर्थन व्यक्त गरेका छन्। उनले सामाजिक सञ्जालमार्फत विज्ञप्ति जारी गर्दै अहिले देश इतिहासकै संवेदनशील मोडमा रहेको भन्दै धैर्य र एकताको आवश्यकता रहेको बताएका छन्। उनका अनुसार अब देश अन्तरिम सरकारको दिशामा अगाडि बढ्दैछ, जसको मुख्य दायित्व चुनाव सम्पन्न गरी नयाँ जनादेश दिलाउने हुनेछ। शाहले जेन जीबाट अन्तरिम सरकारको नेतृत्वका लागि प्रस्तावित पूर्व प्रधान न्यायाधीश सुशिला कार्कीप्रति पूर्ण समर्थन जनाउँदै, युवाहरूको सुझबुझ र विवेकको प्रशंसा गरेका छन्। साथै उनले नेतृत्वमा चाँडै आउने हतार नगरी स्थायी समाधानका लागि लोकतान्त्रिक…

काठमाडौं, भदौ २५ गते । जंगीअड्डामा प्रस्तावित आगामी सरकार नेतृत्वप्रति असन्तुष्टि जनाउँदै युवाहरुले अहिले नाराबाजी सुरु गरेका छन्। जेन जी आन्दोलनका प्रतिनिधिले पूर्व प्रधानन्यायाधीश सुशीला कार्कीको नाम अघि सारेपनि बाहिर भेला भएका युवाहरु त्यसप्रति असहमति जनाउँदै विरोध गरेका हुन्। युवाहरुले नेतृत्व चयन प्रक्रियामा पारदर्शिता र सबैको सुझावलाई प्राथमिकता दिनुपर्ने माग गर्दै विभिन्न नारा लगाएका थिए। कतिपय युवाले काठमाडौं महानगरका मेयर बालेन शाहसहित अन्य नामलाई पनि वैकल्पिक नेतृत्वका रूपमा चर्चामा ल्याएका छन्। युवाहरुको दबाबबीच नेतृत्व चयनप्रति देखिएको मतभिन्नताले जेनजी आन्दोलनको आगामी कदम कस्तो हुने भन्ने प्रश्न खडा भएको छ।

काठमाडौं, भदौ २५ गते । धरान उपमहानगरपालिकाका मेयर हर्क सम्पाङ काठमाडौँ आइपुगेका छन्। काठमाडौँ आगमनपछि पत्रकारहरूले राखेका प्रश्नमा उनले आफू यहाँ जेन जि नयाँ पुस्ताको आग्रहमा मात्र आएको स्पष्ट पारेका छन्। सम्पाङले आर्मी चिफसँग भेटवार्ता भए पनि छलफल र निष्कर्ष भने पहिले नै टुंगिएको जानकारी पाएको बताए। उनका अनुसार पूर्व न्यायाधीश सुशिला कार्कीलाई नेतृत्वका लागि चयन गर्ने विषयमा निर्णय भइसकेको रहेछ। यसबारे आफ्नो धारणा प्रष्ट पार्दै सम्पाङले भने, “म को नै होर, मैले चुन्ने नचुन्ने भन्दा पनि यो देश अहिले पूर्णरुपमा जेन जि पुस्ताको हो। उहाँहरूको निर्णय नै सर्वोपरि हुन्छ। त्यसैले यसमा मेरो सहमति–असहमति भन्ने हुँदैन।” प्रधानमन्त्रीको नेतृत्व सम्हाल्न सक्ने…