समाचार

काठमाडौ। नक्कली प्रचण्डको रूपमा परिचय बनाएका हास्य कलाकार घनश्याम गौतमको क्यान्सरकै कारण मृत्यु भएको छ। काठमाडौँ क्यान्सर सेन्टर ताथलीमा आज रातको १२ बजे उनको मृत्यु भएको परिवार श्रोतले जानकारी दिएको छ। उनी लामो समयदेखि क्यान्सर रोगले ग्रसित थिए। पटकपटक उपचार गर्दा पनि स्वास्थ्यमा सुधार आउन सकेको थिएन। श्रीमती कै साहारामा अस्पतालमा उपचार गराइरहेका थिए गौतमले । मेरी बास्सै हास्य टेलिसिरियलमा प्रचण्डको रोलबाट परिचित थिए। गाईजात्राहरूमा पनि उनको सहभागिता हुने गर्दथ्यो। उनको भोलि बिहानै पशुपति आर्यघाटमा दाहसस्कार गरिने परिवार श्रोतले जानकारी दिएको छ ।

झापा। झापा जिल्लाको कमल गाउँपालिका–३ स्थित रतुवामाई वृक्षारोपण आयोजनाको जंगलमा करेन्ट लागेर एक जंगली हात्तीको मृत्यु भएको छ। स्थानीय प्रत्यक्षदर्शीका अनुसार जंगलभित्र रहेको फलामको बिजुलीको पोलमा हात्तीले धक्का दिएको कारण हाईटेन्सन लाइनबाट करेन्ट प्रवाह भई हात्तीको सुड र एक दाँत जलेको थियो। करेन्टले गम्भीर चोट लागेर हात्तीको घटनास्थलमै मृत्यु भएको हो।

मोरङ। रतुवामाई नगरपालिकाले नगरवासीको स्वास्थ्य प्रवर्धनका लागि निःशुल्क बृहत स्वास्थ्य शिविर सञ्चालन सुरु गरेको छ। रतुवामाई नगर कार्यपालिकाको कार्यालय, सिजुवा, को आयोजनामा तथा नोबेल मेडिकल कलेज, विराटनगरको प्राविधिक सहयोगमा सञ्चालन गरिएको उक्त शिविरमा विशेषज्ञ चिकित्सकको टोलीसहित विभिन्न स्वास्थ्य सेवा प्रदान गरिने छ। शिविरको उद्घाटन सोमबार रतुवामाई–४, झुर्कियामा रहेको नगर अस्पतालमा नगर प्रमुख नागेश्वरप्रसाद सिंहले गर्नुभयो। उद्घाटन कार्यक्रममा नगर उपप्रमुख दमयन्ता देवी चुडाल, प्रमुख प्रशासकीय अधिकृत डमरु वल्लव बराल, नोबेल मेडिकल कलेजका मार्केटिङ म्यानेजर नवीन दाहाल, विशेषज्ञ चिकित्सक, जनप्रतिनिधि तथा कर्मचारीहरूको उल्लेख्य उपस्थिति रहेको थियोशिविरमा मेडिसिन, सर्जरी, प्रसूति तथा स्त्रीरोग, बालरोग, नेत्ररोग, हाडजोर्नी, नाक–कान–घाँटी, मुटु रोग सम्बन्धी परीक्षण, रगत तथा पिसाबको…

उर्लाबारी। मोरङको उर्लाबारी नगरपालिका र पथरी शनिश्चरे नगरपालिकालाई जोड्ने सुन्झोडा खोलामा बहुप्रतीक्षित मोटरेबल पुलको निर्माण कार्यको शिलान्यास गरिएको छ। वर्षौंदेखिको स्थानीय मागलाई सम्बोधन गर्दै शनिबार एक विशेष समारोहका बीच पुल निर्माणको औपचारिक सुरुवात गरिएको हो।शिलान्यास कार्यक्रममा संघीय सांसद डिकबहादुर लिम्बू (मोरङ–१) र शुनिल शर्मा (मोरङ–३) प्रमुख अतिथिका रूपमा उपस्थित थिए। कार्यक्रममा कोशी प्रदेशसभा सदस्यहरू, पथरी शनिश्चरे नगरपालिकाका मेयर मोहन तुम्बापो, उर्लाबारी नगरपालिकाका मेयर गंगाप्रसाद खरेल, उपमेयर मीना खतिवडा पौडेल, विभिन्न राजनीतिक दलका प्रतिनिधि तथा स्थानीय बासिन्दाको उल्लेखनीय उपस्थिति थियो। कार्यक्रममा बोल्दै सांसद लिम्बूले, "सरकार जनताको आवश्यकता र अपेक्षालाई प्राथमिकतामा राख्दै अघि बढिरहेको छ," भन्दै पुल निर्माण त्यसको सजीव उदाहरण भएको…

मोरङ। कर्णाली बचत तथा ऋण सहकारी संस्था लि.ले मिक्लाजुङ गाउँपालिकाको सेवा केन्द्रअन्तर्गत सदस्य विस्तारित भेला सम्पन्न गरेको छ। शनिबार मिक्लाजुङ गाउँपालिका–५ स्थित मधुमल्लाको वृद्धवृद्धा सामुदायिक भवनमा सम्पन्न भेलामा संस्थाका बचत तथा ऋण नीति, सामाजिक सुरक्षा सम्बन्धी नीति, समसामयिक गतिविधि, वित्तीय अवस्था, समस्या र चुनौतीबारे विस्तृत छलफल गरिएको थियो। संस्थाले शेयर सदस्यहरूलाई साक्षर बनाउने उद्देश्यले उक्त कार्यक्रमको आयोजना गरेको जनाएको छ। कार्यक्रममा ८० भन्दा बढी शेयर सदस्यहरूको उपस्थिति रहेको र कार्यक्रम सफलतापूर्वक सम्पन्न भएको जानकारी संस्थाकी कर्मचारी दिया थापाले दिइन। कार्यक्रमले सदस्यहरूको जागरुकता बढाउन र सहकारीप्रति विश्वास अभिवृद्धि गर्न सहयोग पुग्ने अपेक्षा गरिएको छ।

झापा । अविरल वर्षासँगै आएको बाढीका कारण पूर्वपश्चिम राजमार्ग पनि अवरुद्ध भएको छ । झापाको विभिन्न स्थानमा राजमार्ग अवरुद्ध भएको हो । निर्माणाधीन राजमार्गमा बनाइएका केही डाइभर्सन बाढीले बगाएका कारण यातायात अवरुद्ध भएको हो ।काँकरभिट्टाको काली खोलामा बाटो बगाउँदा पूर्णरुपमा यातायात अवरुद्ध भएको जिल्ला ट्राफिक प्रहरी कार्यालयका प्रमुख प्रहरी निरीक्षक गणेश पौडेलले जानकारी दिए । बैकल्पिक मार्गबाट यातायात सुचारु गराउने प्रयास भइरहेको उनले बताए । धुलाबारीनजिक कल्भर्ट बाढीले बगाएको छ । अस्थायी रुपमा माटो पुरेर एकतर्फी यातायात सुचारु गरिएको पौडेलले जानकारी दिए । त्यस्तै बुट्टावारी चारआली सडकखण्डमा पनि बाढीले डाइभर्सन बगाएको छ ।

झापा । अविरल वर्षासँगै माइखोलामा आएको बाढी बस्ती पसेको छ ।शनिबार बिहान माईखोलामा आएको बाढी झापा गाउँपालिका– २ को बस्तीमा पसेको झापामा प्रहरी उपरीक्षक राजन लिम्बुले जानकारी दिए । उनका अनुसार २२ परिवार विस्थापित भएका छन् ।झापा गाउँपालिकाको वडा नं २ सुगाबथान , कुवारी , मिलनबस्तीलगायत बस्तीमा बाढीको पानी पसेको हो । बाढी पसेपछि प्रहरी र जनप्रतिनिधिले स्थानीयलाई सुरक्षित स्थानमा सारेको उनले बताए । उनका अनुसार बाढी पानी बस्तीमा पसे पनि जोखिम भने छैन ।

लेटाङ। मोरङको लेटाङ नगरपालिका–१ स्थित तेतिखोलामा एक अपरिचित पुरुषको शव फेला परेको छ। आज बिहान खोलाले बगाएर आएको अवस्थामा स्थानीयले शव देखेपछि प्रहरीलाई खबर गरेका थिए। प्रारम्भिक अनुमान अनुसार, मृतकको उमेर करिब ५० वर्षको आसपास रहेको छ र मधेसी समुदायका व्यक्ति जस्तो देखिएको जनाइएको छ। घटनास्थलमा पुगेको प्रहरी टोलीले शवलाई नियन्त्रणमा लिएर आवश्यक अनुसन्धान अघि बढाएको छ। प्रहरीले मृतकको पहिचान खुल्ने प्रयास भइरहेको जनाउँदै शवलाई पोष्टमार्टमका लागि मदन भण्डारी ट्रमा सेन्टर, उर्लाबारी पठाउने तयारी भइरहेको जानकारी दिएको छ।