समाचार

काठमाडौं। नेत्रहीन युवा संघ नेपाल, काठमाडौं उपत्यका शाखाले २६ औं अन्तर्राष्ट्रिय युवा दिवसको अवसर पारेर वक्तृत्वकला प्रतियोगिता सम्पन्न गरेको छ। 'आधुनिक नेपाली समाजमा बहुविवाहको परिणाम' शीर्षकमा आयोजित प्रतियोगितामा १४ जना प्रतियोगीहरूको सहभागीता रहेको थियो। प्रतियोगितामा शिशिर चापागाईं प्रथम, जगत कुँवर मगर द्वितीय र विनीता सतार तृतीय भएका छन्। विजेताहरूलाई कार्यक्रमका प्रमुख अतिथि प्रतिनिधिसभा सदस्य सीता मिजारले पुरस्कार प्रदान गर्नुभएको थियो। कार्यक्रमलाई सम्बोधन गर्दै सांसद मिजारले नेत्रहीन युवा संघसँग सधैं निकट रहेर अपाङ्गता भएका व्यक्तिहरूको मुद्दालाई प्राथमिकताका साथ पहल र सम्बोधन गर्ने प्रतिबद्धतासमेत व्यक्त गर्नुभएको छ। प्रतियोगितामा कलाधर भण्डारी, हिमालय शर्मा र सरिता लामिछानेले निर्णायकको भूमिका निर्वाह गर्नुभएको थियो। कार्यक्रमको सञ्चालन…

काठमाडौं। उच्च अदालत पाटनले सर्वोच्च अदालतका निलम्बित शाखा अधिकृत महिमानसिंह विष्टसँग काठमाडौं जिल्ला अदालतले मागेको धरौटी रकमलाई सदर गरेको छ। विष्टमाथि नागरिक उन्मुक्ति पार्टीका संरक्षक रेशम चौधरीलाई नक्कली पत्रका आधारमा गैरकानुनी रूपमा पाँच घण्टा थुनामा राखेको अभियोग लागेको थियो। गत वैशाख १७ गते विष्टले चौधरीलाई पक्राउ गर्नका लागि प्रहरी र डिल्लीबजार कारागारमा अनाधिकृत रूपमा पत्राचार गरेका थिए। पछि सर्वोच्च अदालतले उक्त पत्र सच्याएपछि मात्र चौधरी कारागारबाट मुक्त भएका थिए। अदालतको आदेशमा हस्तक्षेप गरी झुटा कागजात बनाएको आरोपमा विष्टमाथि कारबाही अगाडि बढाइएको थियो। जिल्ला अदालतको आदेशलाई उच्च अदालत पाटनले सदर गरेसँगै अब विष्टलाई अदालतले तोकेको धरौटी रकम बुझाएर रिहा हुने बाटो…

सुर्खेत। सुर्खेतको वीरेन्द्रनगर नगरपालिका वडा नं. ५ का वडाध्यक्ष लोकबहादुर शाहीको आज बिहान निधन भएको छ। लामो समयदेखि फोक्सोको क्यान्सर र निमोनियाबाट पीडित शाहीको काठमाडौंको वीर अस्पतालबाट घर फर्किंदै गर्दा भेरीगंगा नगरपालिका–५, हर्रे नजिकै मृत्यु भएको हो। गत एक वर्षदेखि बिरामी रहेका शाहीलाई वीर अस्पतालको आईसीयूमा राखेर उपचार गरिएको थियो। तर, स्वास्थ्यमा सुधार नआएपछि चिकित्सकको सल्लाहमा घर फर्काउने क्रममा बाटोमै उनको निधन भएको ५ नम्बर वडाका कार्यवाहक वडाध्यक्ष वासु आचार्यले जानकारी दिए। शाही २०७९ सालमा नेकपा एमालेबाट वडाध्यक्षमा निर्वाचित भएका थिए। उनको पार्थिव शरीरको भोलि बिहान ९ बजे सुर्खेतको भेरी नदी किनारमा दाहसंस्कार गरिनेछ। वीरेन्द्रनगर नगरपालिकाले वडाध्यक्ष शाहीको निधनमा शोक…

नवलपरासी। नवलपरासी (बर्दघाट सुस्ता पश्चिम) मा बलात्कारको आरोपमा एक व्यक्ति पक्राउ परेका छन्। प्रहरीले प्रतापपुर गाउँपालिका–९, माधवपुरका ४५ वर्षीय राम सहरे यादवलाई पक्राउ गरेको हो। उनलाई ४० वर्षीया एक महिलाको बलात्कार गरेको उजुरीका आधारमा शुक्रबार बिहान पक्राउ गरिएको प्रहरी प्रधान कार्यालयले जनाएको छ। घटनाबारे थप अनुसन्धान भइरहेको प्रहरीले जानकारी दिएको छ।

बिनोद भट्टराई,तेह्रथुम। तेह्रथुमको छथर गाउँपालिकाले नागरिकहरुलाई प्रत्यक्ष रुपमा दीर्घकालिन फाइदा पुग्नेगरी विभिन्न लोकप्रीय कार्यक्रमहरु सन्चालन गर्दै आएको छ । पालिकाले नागरिकहरुको जन्म देखी मृत्यू सम्म साथमा रहेको आभास दिलाउनको लागी विभिन्न कार्यक्रमहरु संचालनमा ल्याएको हो । गाउँपालिकाले विगत बर्षहरु देखिनै जनता आवास जस्तापाता अनुदान, भोका नागरिकहरुलाई खाना कार्यक्रम, विपन्न नागरिक खाद्य रोजगारी, उज्यालो छथर कार्यक्रम संचालन गर्दै आएको छ । सामाजिक सुरक्षा तथा पञ्जिकरण शाखाको अगुवाईमा बालबालिका जीवन सुरक्षा कार्यक्रम, जेष्ठ नागरिक एकल पुरुष सम्मान कार्यक्रम, मलामी खाजा सहयोग कार्यक्रम जस्ता कार्यक्रमहरु संचालनमा रहेको शाखा प्रमुख रोशन कार्कीले जानकारी दिनुभएको छ । साथै आ.व. २०८२/०८३ देखी लागुहुनेगरी उज्यालो छथर कार्यक्रम…

रुकुम। रुकुम पश्चिमको बाँफिकोट गाउँपालिकामा बिहीबार साँझ भिरबाट लडेर एक युवकको मृत्यु भएको छ। जिल्ला प्रहरी कार्यालय रुकुम पश्चिमका सूचना अधिकारी ऋषि पाठकका अनुसार, रुकुमपूर्वको सिस्ने गाउँपालिकाबाट भलिबल खेलेर साथीसँग घर फर्किने क्रममा बाँफिकोट गाउँपालिका-२ मुरापाखा डाँडाबाट लडेर सोही पालिकाको वडा नं १ का ३० वर्षीय अजय मल्लको मृत्यु भएको हो। भिरबाट लडेर गम्भीर घाइते भएका मल्ललाई प्राथमिक स्वास्थ्यचौकीमा सामान्य उपचारपश्चात् जिल्ला अस्पताल पठाइएपनि चिकित्सकले उनलाई गएराति नै मृत घोषणा गरेका थिए।

वीरगन्ज। वीरगन्जस्थित बाल सुधारगृहका एक चौकीदारलाई कैदीबन्दीहरूलाई धम्क्याएर १० लाखभन्दा बढी रकम असुलेको आरोपमा प्रहरीले पक्राउ गरेको छ। लागूऔषध सम्बन्धी कसुरमा कैद भुक्तान गरिरहेका सिरहाको लहान नगरपालिका-३ का २४ वर्षीय प्रमानन्द गुप्तालाई बुधबार छुट्ने दिन पक्राउ गरिएको हो। पर्साका प्रहरी उपरीक्षक गौतम मिश्रका अनुसार, गुप्ताले बाल सुधारगृहमा चौकीदारको हैसियतमा रहँदा १० जना बाल कैदीबन्दीलाई दबाब र प्रभावमा पारी नगद तथा इसेवा मार्फत १० लाख १५ हजार रुपैयाँ असुल गरेको आरोप छ। गुप्ता छुट्ने दिन पीडित बाल कैदीबन्दीहरूले सुधारगृह प्रशासन र त्यहाँ सुरक्षार्थ खटिएका प्रहरीलाई जानकारी गराएपछि प्रहरीले उनलाई तत्काल नियन्त्रणमा लिएको हो। प्रहरीले गुप्तालाई हिरासतमा राखी ठगी, आपराधिक विश्वासघात तथा…