समाचार

झापा, कमल गाउँपालिका, कात्तिक २२ गते । जेन जी आन्दोलनका कारण देशभरका स्थानीय तहहरू अस्तव्यस्त भइरहेका बेला झापाको कमल गाउँपालिकाले सहयोगको नयाँ उदाहरण प्रस्तुत गरेको छ। आन्दोलनका क्रममा सवारी साधन नष्ट भएका छिमेकी पालिकाहरू र प्रहरी कार्यालयलाई तीनवटा सवारी साधन प्रदान गरेर कमल गाउँपालिका प्रदेशकै नमुना पालिका बनेको हो। गाउँपालिकाले गौरादह नगरपालिकालाई को.बा.झ. ८४७६ नम्बरको स्कोर्पियो, दमक नगरपालिकालाई प्रदेश १–०१÷०२–००१ झ २७६, र इलाका प्रहरी कार्यालय दमकलाई प्रदेश १–०१÷०१–झ ७३० नम्बरका स्कोर्पियो गाडी उपलब्ध गराएको अध्यक्ष हुकुमसिंह राईले बताएका छन्। अध्यक्ष राईका अनुसार, “छिमेकी पालिकाहरू अप्ठेरोमा परेका बेला सहयोग गर्नु हाम्रो कर्तव्य हो। यसै भावनाले हामीले सवारी साधनहरू प्रदान गरेका…

काठमाडौँ, कात्तिक २२ गते । गोकर्णेश्वर नगरपालिकाले प्रहरी वृत्त बौद्धलाई दुई थान मोटरसाइकल र ट्राफिक व्यवस्थापनमा सहयोग पुग्ने विभिन्न सामग्री हस्तान्तरण गरेको छ। नगरपालिकाद्वारा आयोजित विशेष कार्यक्रममा जिल्ला प्रहरी परिसर काठमाडौँका प्रहरी उपरीक्षक पवन कुमार भट्टराईको उपस्थितिमा, गोकर्णेश्वर नगरपालिकाका प्रमुख दिपक कुमार रिसालले उक्त सामग्रीहरू हस्तान्तरण गरेका हुन्। नगर प्रमुख रिसालले नगर क्षेत्रको ट्राफिक व्यवस्थापन सुदृढ बनाउन र प्रहरी सेवाको कार्यक्षमता अभिवृद्धि गर्ने उद्देश्यले सहयोग गरिएको बताए। कार्यक्रममा उपस्थित प्रहरी उपरीक्षक भट्टराईले गोकर्णेश्वर नगरपालिकाको सहयोगप्रति आभार व्यक्त गर्दै प्रहरी सेवा अझ प्रभावकारी र जनमुखी बनाउन योगदान पुग्ने विश्वास व्यक्त गरे।

काठमाडौं, कात्तिक १७ गते । नेपाल प्रहरी महानिरीक्षक (आईजीपी) चन्द्र कुबेर खापुङ्गले नेपाल प्रहरी कल्याण कोषको कल्याणकारी पहल अन्तर्गत निर्माण हुन लागेको ‘किरिया पुत्री भवन’ को शिलान्यास गरेको छ। काठमाडौं महानगरपालिका–३, महाराजगंजस्थित राष्ट्रिय प्रहरी प्रशिक्षण प्रतिष्ठानको परिसरमा निर्माण हुन लागेको उक्त भवन प्रहरी परिवारका बहालवाला तथा अवकाशप्राप्त सदस्यहरूलाई दुःखद निधनका बेला किरिया पुत्री संस्कार गर्न सहजता प्रदान गर्ने उद्देश्यले निर्माण गर्न लागिएको हो। शिलान्यास समारोहमा आईजीपी खापुङ्गले प्रहरी सदस्यहरूको सेवा–सुविधा र कल्याणका कार्यक्रमहरूलाई थप प्रभावकारी बनाउन निरन्तर प्रयास भइरहेको उल्लेख गर्दै भवन निर्माणपछि त्यसबाट प्रवाह हुने सेवालाई अझ परिष्कृत र व्यवस्थापित बनाइने बताएका छन्। सो अवसरमा प्रहरी कल्याण महाशाखाका प्रहरी…

काठमाडौँ, कात्तिक १६ गते । जेन जि आन्दोलनका अगुवा रवि किरण हमाल आइतबार काठमाडौँको माइतीघरबाट प्रहरीले नियन्त्रणमा लिएपछि सात घण्टापछि रिहा भएका छन्। सरकारले जेन जि विद्रोहका मागहरू पूरा नगरेको भन्दै हमालले युवाहरू माझ पुनः सडक आन्दोलनको आह्वान गरेका थिए। यही आह्वानका क्रममा उनलाई पक्राउ गरिएको काठमाडौँ प्रहरीले जनाएको छ। हमाललाई पक्राउपछि काठमाडौँ प्रहरी परिसर हुँदै सिंहदरबार प्रहरी वृत्तमा राखिएको थियो। रिहा भएपछि सञ्चारकर्मीहरूसँग कुरा गर्दै उनले भने, “हाम्रो आन्दोलनले उठाएका संविधान पुनर्लेखन र सार्वजनिक संस्थाहरूको पुनर्संरचना जस्ता मूल मागहरू अझै सम्बोधन भएका छैनन्। त्यसैले हामी पुनः सडकमा उत्रिएका हौं।” उनका अनुसार, भाद्र २३ र २४ गतेको जेन जि विद्रोहमा…

रौतहट, चन्द्रपुर–५ (चन्द्रनिगाहपुर) कात्तिक १६ गते । रौतहट जिल्लाको चन्द्रपुर–५, चन्द्रनिगाहपुरस्थित ऐन प्लाजाबाट एक थान रोयल इन्फिल्ड (बुलेट) मोटरसाइकल चोरी भएको घटना सार्वजनिक भएको छ। चोरी भएको मोटरसाइकलको विवरण अनुसार, उक्त बाइक म प्र ०३ ०३८ प ९७७४ नम्बरको रोयल इन्फिल्ड बुलेट हो, जसका धनी विक्रम घिमिरे रहेका छन्। घटना अहिले भर्खरैको समयमा घटेको बताइएको छ। बाइक ऐन प्लाजाको आसपासको क्षेत्रबाट हराएको पुष्टि भएपश्चात स्थानीय बासिन्दा र पीडित परिवारले खोजतलास थालेका छन्। पीडित पक्षले सर्वसाधारण र प्रहरीलाई सहयोगको आग्रह गर्दै भनेका छन् — “यदि कसैले उक्त नम्बर र हुलियाको बुलेट बाइक कतै देखेमा वा यसबारे कुनै जानकारी भएमा तत्काल नजिकको…

काठमाडौं, कात्तिक १६ गते । नेपाल पत्रकार महासङ्घले सरकारले छापाखाना तथा प्रकाशन सम्बन्धी दोस्रो संशोधन नियमावली, २०८२ जारी गरी कार्यान्वयनमा ल्याएको भन्दै त्यसका कतिपय प्रावधानहरू स्वतन्त्र प्रेसविरोधी रहेको आरोप लगाएको छ। महासङ्घले शुक्रबार एक प्रेस विज्ञप्ति जारी गर्दै नियमावलीमा समावेश गरिएका पाँचवटा प्रावधानप्रति गम्भीर असहमति र आपत्ति जनाउँदै ती तत्काल सच्याउन सरकारसँग माग गरेको हो। विज्ञप्तिअनुसार ‘नाम र डोमेन मिलेमा जात, धर्म वा सम्प्रदायबीचको सुसम्बन्धमा खलल पुग्ने’ भन्दै अनलाइन दर्तामा रोक लगाउने स्वेच्छाचारी प्रावधान, निःशुल्क दर्ता र नवीकरणमा शुल्क तोकिएको व्यवस्था, प्रमाणपत्र रद्द गर्न तीनवटा राष्ट्रिय दैनिकमा सूचना प्रकाशन गर्नुपर्ने अव्यवहारिक प्रणाली, स्थानीय अधिकारीलाई अनुगमन अधिकार दिने नियन्त्रणमुखी धार, र…

चितवन, कात्तिक १४ गते । जिल्ला प्रशासन कार्यालय चितवनले निरन्तर वर्षासँगै नारायणघाट–मुग्लिन सडक खण्डमा स–साना पहिरो खस्ने घटना भइरहेको भन्दै अत्यावश्यक बाहेक आज यात्रा नगर्न अनुरोध गरेको छ। कार्यालयले शुक्रबार जारी गरेको सूचनामा तुइनखोला लगायत पृथ्वीराजमार्ग अन्तर्गत मुग्लिन–मलेखु सडक खण्डका विभिन्न स्थानहरूमा हिजो साँझदेखि निरन्तर स–साना पहिरो खसिरहेको र ती पहिरो पन्छाउँदै सवारी आवागमन सुचारु गरिएको उल्लेख गरिएको छ। तर वर्षा नरोकेका कारण पहिरोको जोखिम अझै बढ्न सक्ने सम्भावना रहेकोले सतर्क रहन र अत्यावश्यक नपरी यात्रा नगर्न अनुरोध गरिएको हो। सूचनामा भनिएको छ, “वर्षा नरोकी पहिरोको जोखिम बढेको खण्डमा उक्त सडक खण्डमा सवारी आवागमन रोक्नुपर्ने परिस्थिति सिर्जना हुन सक्ने भएकाले…