Breaking News 2 Archives - Page 107 of 122

२०८२ जेष्ठ २, शुक्रबार १४:३८ २०८२ जेष्ठ २, शुक्रबार १४:३८

नायब महालेखापरीक्षक ताराप्रसाद पाण्डेले वार्षिक प्रतिवेदन पेश

राप्ती खबर0 CommentsBreaking News 2, राजनीति, स्थानीय

मकवानपुर। बागमती प्रदेश प्रमुख दीपकप्रसाद देवकोटा समक्ष महालेखापरीक्षकको कार्यालयका नायब महालेखापरीक्षक ताराप्रसाद पाण्डेले वार्षिक प्रतिवेदन पेश गरेको छ। नेपालको संविधानको धारा २९४ को उपधारा (३) र लेखा परीक्षण ऐन, २०७५ को दफा १९ को उपदफा (४) बमोजिम महालेखापरीक्षकको कार्यालयबाट आर्थिक वर्ष २०८०÷०८१ को आर्थिक कारोबारको लेखापरीक्षण गरी तयार गरिएको बागमती प्रदेशको “सातौं वार्षिक प्रतिवेदन, २०८२” पेश गरेका हुन। नेपालको संविधानको धारा २४१ र लेखापरीक्षण ऐन, २०७५ मा संघ, प्रदेश र स्थानीय तहका सबै सरकारी कार्यालय, पूर्ण स्वामित्व भएका संगठित संस्था वा निकायको लेखा कानुनवमोजिम नियमितता, मितव्ययिता, कार्यदक्षता, प्रभावकारिता र औचित्यमेतको विचार गरी महालेखापरीक्षकवाट लेखापरीक्षण हुने व्यवस्था छ। प्रतिवेदनमा एकीकृत वित्तीय…

२०८२ जेष्ठ २, शुक्रबार १०:३६ २०८२ जेष्ठ २, शुक्रबार १०:३६

पाँच लाख ७० हजार घुससहित इञ्जिनियर पक्राउ

राप्ती खबर0 CommentsBreaking News 2, समाचार

काठमाडौँ। अख्तियार दुरूपयोग अनुसन्धान आयोगले रु पाँच लाख ७० हजार घुससहित सघन सहरी तथा भवन निर्माण आयोजना कार्यालयमा कार्यरत इञ्जिनियर सन्तोषकुमार यादवलाई पक्राउ गरेको छ। आयोगका प्रवक्ता राजेन्द्रकुमार पौडेलका अनुसार, आयोगको टोलीले इञ्जिनियर यादवलाई मध्यपुरथिमी नगरपालिका–१ लोकन्थलीबाट बिहीबार साँझ पक्राउ गरेको हो। खोटाङ जिल्लामा निर्माणाधीन सडकको रनिङ बिल भुक्तानी गर्ने प्रयोजनार्थ घुस माग गरिरहेको भन्ने सूचनाका आधारमा आयोगको टङ्गाल कार्यालयबाट गएको टोलीले उनलाई पक्राउ गरेको हो। आयोगले जनाएअनुसार, आरोपी इञ्जिनियर यादवलाई नियन्त्रणमा लिई थप अनुसन्धान भइरहेको छ।

२०८२ जेष्ठ २, शुक्रबार १०:३२ २०८२ जेष्ठ २, शुक्रबार १०:३२

बार्सिलोना च्याम्पियन, दुई खेल अगावै जित्यो ला लिगा उपाधि

राप्ती खबर0 CommentsBreaking News 2, खेलकुद

काठमाडौं। स्पेनिस फुटबल लिग ला लिगाको २०२४/२५ सिजनको उपाधि बार्सिलोनाले दुई खेल बाँकी छँदै जितेको छ। गए राति भएको खेलमा बार्सिलोनाले इस्प्यानोललाई २-० ले पराजित गर्दै उपाधि सुनिश्चित गरेको हो। इस्प्यानोलविरुद्धको सहज जितसँगै बार्सिलोनाको अंक तालिकामा ८५ अंक पुगेको छ। दोस्रो स्थानमा रहेको रियल मड्रिडको ७८ अंक छ र उसले अब दुई खेल खेल्न बाँकी छ। रियल मड्रिडले बाँकी दुवै खेल जिते पनि अधिकतम ८४ अंक मात्र पुग्ने भएकाले बार्सिलोनाले यो सिजनको उपाधि आफ्नो पक्षमा पारेको हो। बार्सिलोनाको जितमा युवा खेलाडी लामिन यमल र फेरमिन लोपेजले एक-एक गोल गरे। यो जितसँगै बार्सिलोनाले २८ औँ पटक ला लिगाको उपाधि उचालेको छ।

२०८२ जेष्ठ १, बिहीबार २२:११ २०८२ जेष्ठ १, बिहीबार २२:११

आईपीएलको बाँकी खेल खेल्न हेजलउड फर्कने, बेंगलुरु उत्साहित

राप्ती खबर0 CommentsBreaking News 2, अन्तराष्ट्रिय समाचार, खेलकुद

भारत। अस्ट्रेलियाका तीव्र गतिका बलर जोश हेजलउड इन्डियन प्रिमियर लिग (आईपीएल) को १८ औं संस्करणका बाँकी खेल खेल्न भारत फर्कने भएका छन्। उनको यो निर्णयले रोयल च्यालेन्जर्स बेंगलुरु (आरसीबी) लाई ठूलो राहत मिलेको छ। भारत र पाकिस्तानबीचको सैन्य तनावका कारण यसअघि आईपीएल स्थगित भएको थियो। दुई देशबीच युद्धविराम भएपछि प्रतियोगिता पुनः सुरु हुन लागेको छ। तर, विभिन्न देशका खेलाडीहरू आफ्नो राष्ट्रिय टोलीमा फर्किएकाले केही टोलीहरूलाई खेलाडीको अभाव खड्किरहेको छ। हेजलउडको आगमनले आरसीबीको बलिङ आक्रमणलाई थप बलियो बनाउने विश्वास गरिएको छ। यद्यपि, उनी कहिले भारत आइपुग्छन् भन्ने बारेमा आधिकारिक जानकारी भने दिइएको छैन।

२०८२ जेष्ठ १, बिहीबार २१:४६ २०८२ जेष्ठ १, बिहीबार २१:४६

डेढ करोड ठगी मुद्दाका फरार अध्यक्ष भक्तपुरबाट पक्राउ

राप्ती खबर0 CommentsBreaking News 2, समाचार

काठमाडौँ। बुद्द दर्शन पर्यटन सहकारी संस्थाका अध्यक्ष सुरेन्द्र श्रेष्ठ डेढ करोड रुपैयाँभन्दा बढी ठगी गरेको मुद्दामा पक्राउ परेका छन्। काठमाडौं उपत्यका अपराध अनुसन्धान कार्यालयको टोलीले ४९ वर्षीय श्रेष्ठलाई भक्तपुरको मध्यपुर थिमी नगरपालिका वडा नं. ३ स्थित गठ्ठाघरबाट पक्राउ गरेको हो। उनीविरुद्ध १ करोड ५९ लाख रुपैयाँ ठगी गरेको मुद्दामा भक्तपुर जिल्ला अदालतले गत चैत १९ गते पक्राउ अनुमति जारी गरेको थियो। फरार रहेका श्रेष्ठलाई अपराध अनुसन्धान कार्यालयबाट खटिएको टोलीले आज पक्राउ गरी आवश्यक कारबाहीका लागि जिल्ला प्रहरी परिसर, भक्तपुर पठाएको सूचना अधिकारी काजी कुमार आर्चायले जानकारी दिए।

२०८२ बैशाख ३१, बुधबार २०:२८ २०८२ बैशाख ३१, बुधबार २०:२८

पाथिभरा केवलकार निर्माण कार्य अघि बढ्ने बाटो खुल्यो

राप्ती खबर0 CommentsBreaking News 2, समाचार

ताप्लेजुङ,३१ वैशाख। ताप्लेजुङस्थित प्रसिद्ध धार्मिक स्थल पाथिभरामा निर्माण हुँदै आएको केवलकार परियोजनालाई रोक्न यसअघि जारी गरिएको अन्तरिम आदेशलाई निरन्तरता दिनु नपर्ने आदेश सर्वोच्च अदालतले दिएको छ। न्यायाधीश डा. नहकुल सुवेदी र अब्दुल अजीज मुसलमानको संयुक्त इजलासले उक्त परियोजनाविरुद्ध दायर गरिएको रिट निवेदनमा अन्तरिम आदेश दिनु नपर्ने ठहर गर्दै बाटो खुला गरिदिएको हो।यसअघि गत चैत महिनामा यामबहादुर लिम्बुसहितले पाथिभरा केवलकार निर्माण कार्य रोक्न माग गर्दै सर्वोच्चमा रिट दायर गरेका थिए। प्रारम्भिक सुनुवाइपछि न्यायाधीश शारंगा सुवेदीको इजलासले दुबै पक्षलाई छलफलका लागि झिकाएर निर्माण कार्यलाई यथास्थितिमा राख्न आदेश दिएको थियो। छलफलपछि डा. सुवेदी र मुसलमानको इजलासले अन्तरिम आदेश आवश्यक नरहेको ठहर गर्दै काम…

२०८२ बैशाख ३१, बुधबार २०:२० २०८२ बैशाख ३१, बुधबार २०:२०

मखनटोल आगलागीमा मृत्यु भएकी वृद्धाको सनाखत

राप्ती खबर0 CommentsBreaking News 2, समाचार

काठमाडौँ। महानगरपालिका-२४ मखनटोलस्थित सुरज आर्केड पछाडिको दुई घरमा आज बिहान ग्यास चुहिएर स्थानीय दयाराम श्रेष्ठको चारतले माटो र काठले बनेको घरमा आगलागी भएको थियो। उक्त आगो फैलिएर नजिकै रहेको रुकेश श्रेष्ठको पाँचतले पक्की घरमा समेत पुगेको थियो। प्रहरी उपरीक्षक बोहराले दिएको जानकारी अनुसार बिहान करिब १० बजे आगो पूर्णरूपमा नियन्त्रणमा लिइएको थियो। आगो नियन्त्रणमा लिन नेपाली सेना, नेपाल प्रहरी र सशस्त्र प्रहरीको टोली परिचालन गरिएको थियो। करिब तीन घण्टाको प्रयासपछि आगो नियन्त्रणमा आएको प्रहरीले जनाएको छ।

२०८२ बैशाख ३१, बुधबार १०:२६ २०८२ बैशाख ३१, बुधबार १०:२६

राप्रपा रुपन्देहीमा पहिरो: उपाध्यक्षसहित तीन नेताद्वारा पार्टी परित्याग

राप्ती खबर0 CommentsBreaking News 2, राजनीति

बुटवल। राष्ट्रिय प्रजातन्त्र पार्टी (राप्रपा) रुपन्देहीमा ठूलो हलचल भएको छ। पार्टीका उपाध्यक्ष अजयकुमार गुप्तासहित तीन जनाले पार्टी परित्यागको घोषणा गरेका छन्। मंगलबार आयोजित पत्रकार सम्मेलनमा उपाध्यक्ष अजयकुमार गुप्ता, जिल्ला सल्लाहकार तथा गत स्थानीय तह निर्वाचनमा सिद्धार्थनगर नगरपालिकाकी उपप्रमुखकी उम्मेदवार विनिता गुप्ता र रुपन्देही क्षेत्र नं ३ का क्षेत्रीय उपाध्यक्ष डा. अमित चर्तुवेदीले पार्टी छाडेको जानकारी गराएका हुन्। उनीहरुद्वारा जारी गरिएको संयुक्त विज्ञप्तिमा भनिएको छ, ‘उपरोक्त सम्बन्धमा राप्रपा रुपन्देहीको सक्रिय कार्यंकर्ताको रुपमा विभिन्न ओहोदामा काम गर्दै आइरहेका हामी आजको मितिदेखि यस पार्टीको साधारण सदस्य समेत नरहने गरी पार्टी परित्याग गरेको जानकारी गराउँदछौँ । आजका मितिसम्म हामीलाई सहयोग गर्ने पार्टीका सम्पूर्ण नेता…

२०८२ बैशाख ३१, बुधबार १०:१९ २०८२ बैशाख ३१, बुधबार १०:१९

पोखराको पीएन क्याम्पसमा शिक्षकद्वारा विद्यार्थीमाथि जातीय दुर्व्यवहारको आरोप,शिक्षक निलम्बित

राप्ती खबर0 CommentsBreaking News 2, समाचार

पोखरा। पोखरास्थित पृथ्वीनारायण क्याम्पस (पीएन) का व्यवस्थापन संकायका शिक्षक डा. देविलाल शर्मामाथि विद्यार्थीलाई जातीय दुर्व्यवहार गरेको आरोप लागेको छ। व्यवस्थापन संकायतर्फ एमबिए फाइनान्स विषयको शैक्षिक अवलोकन भ्रमणका क्रममा विद्यार्थी अमन परियारलाई शिक्षक शर्माले जातीय दुर्व्यवहार गरेको बताइएको छ। उक्त घटनालाई लिएर स्वतन्त्र विद्यार्थी युनियन, दलित विद्यार्थी समाज र तराई कानुन विद्यार्थी मञ्चले विज्ञप्ति जारी गर्दै विरोध जनाएका छन्। विद्यार्थी संगठनहरूले जातीय विभेद गर्ने शिक्षकलाई कडा कारबाहीको माग गरेका छन्। यसैबीच, क्याम्पस प्रशासनले घटनाको छानबिन सुरु गरेको छ। क्याम्पसले डा. शर्मालाई अनुसन्धान विभागको विभागीय प्रमुख पदबाट हटाइसकेको छ। उनी चार दिनअघि मात्रै उक्त पदमा नियुक्त भएका थिए।

२०८२ बैशाख ३१, बुधबार १०:१२ २०८२ बैशाख ३१, बुधबार १०:१२

त्रिशूली नदीमा नुहाउने क्रममा दुई बालिका बेपत्ता,खोजी जारी

राप्ती खबर0 CommentsBreaking News 2, समाचार

नुवाकोट। नुवाकोटको बेलकोटगढी नगरपालिका–७ स्थित त्रिशूली नदीमा मंगलबार साँझ नुहाउन गएका दुई बालिका बेपत्ता भएका छन्। विद्यालयबाट फर्केपछि साँझ ६ बजेतिर नुहाउन गएका ११ वर्षीया बालिका जेनी डंगोल र सदीक्षा राईलाई नदीले बगाएको जिल्ला प्रहरी प्रमुख एसपी दुर्गाराज रेग्मीले जानकारी दिएका छन्। घटनाको सूचना प्राप्त हुनासाथ स्थानीय र सुरक्षाकर्मीको टोलीले बेपत्ता बालिकाको खोजी कार्य तीव्र पारेको छ। एसपी रेग्मीका अनुसार, बालिका बेपत्ता भएलगत्तै खोजी थालिए पनि बुधबार बिहानसम्म उनीहरूको अवस्था अज्ञात छ। यसैबीच, सशस्त्र प्रहरी बलले पनि बेपत्ता बालिकाको खोजीका लागि विपद् व्यवस्थापनमा तालिम प्राप्त सुरक्षा फौज परिचालन गरेको जनाएको छ। नुवाकोट जिल्लाको बेलकोटगढी नगरपालिका–७ कचौडे भिरस्थित त्रिशूली नदीमा नुहाउने…

Breaking News 2

नायब महालेखापरीक्षक ताराप्रसाद पाण्डेले वार्षिक प्रतिवेदन पेश

पाँच लाख ७० हजार घुससहित इञ्जिनियर पक्राउ

बार्सिलोना च्याम्पियन, दुई खेल अगावै जित्यो ला लिगा उपाधि

आईपीएलको बाँकी खेल खेल्न हेजलउड फर्कने, बेंगलुरु उत्साहित

डेढ करोड ठगी मुद्दाका फरार अध्यक्ष भक्तपुरबाट पक्राउ

पाथिभरा केवलकार निर्माण कार्य अघि बढ्ने बाटो खुल्यो

मखनटोल आगलागीमा मृत्यु भएकी वृद्धाको सनाखत

राप्रपा रुपन्देहीमा पहिरो: उपाध्यक्षसहित तीन नेताद्वारा पार्टी परित्याग

पोखराको पीएन क्याम्पसमा शिक्षकद्वारा विद्यार्थीमाथि जातीय दुर्व्यवहारको आरोप,शिक्षक निलम्बित

त्रिशूली नदीमा नुहाउने क्रममा दुई बालिका बेपत्ता,खोजी जारी

भरोसा इन्फर्मेशन नेटवर्क प्रा.लि.द्वारा संचालित

सम्पर्क

© २०२५ भरोसा इन्फर्मेशन नेटवर्क प्रा.लि. सर्वाधिकार सुरक्षित

Designed & Developed By Chandra Ghalan