Breaking News 2 Archives - Page 79 of 110

२०८२ भाद्र १६, सोमबार २२:५३ २०८२ भाद्र १६, सोमबार २२:५३

मनसुनजन्य जोखिमका कारण त्रिशूली–काठमाडौं सडक खण्डमा सवारी आवागमनमा रोक

राप्ती खबर0 CommentsBreaking News 2, मौसम, समाचार

हेटौडा,भदौ १६ गते । मनसुनको लगातारको प्रभावले कुनै पनि समय विपद्को अवस्था सिर्जना हुन सक्ने भन्दै यात्रु तथा सवारी सुरक्षामा सतर्कता अपनाउन जिल्ला प्रशासन कार्यालय काभ्रेपलान्चोकले निर्णय गरेको छ। जिल्ला सुरक्षा समितिको निर्णयअनुसार २०८२ साउन १५ गतेदेखि लागू हुनेगरी साँझ ५ बजेदेखि बिहान ५ बजेसम्म सार्वजनिक तथा निजी सवारी साधन सञ्चालनमा रोक लगाइएको छ। यसअघि साउन ०१ गतेदेखि तोकिएको समयावधिमा सवारी सञ्चालनमा रोक लगाइएकोमा पुनः समिति बैठकले उक्त निर्णयलाई निरन्तरता दिएको हो। जिल्ला प्रशासन कार्यालयले सबै सरोकारवालालाई जानकारीका लागि यो सूचना जारी गरेको छ।

२०८२ भाद्र १६, सोमबार २२:३८ २०८२ भाद्र १६, सोमबार २२:३८

काभ्रेका पूर्व अध्यक्ष कम्युनिष्ट नेता मनिक लामाको भारतमा उपचार क्रममा निधन

राप्ती खबर0 CommentsBreaking News 2, राजनीति, समाचार

हेटौडा,भदौ १६ गते । काभ्रे जिल्ला, चौरी देउराली गाउँपालिका–७ निवासी कम्युनिष्ट तथा वामपन्थी नेता, पूर्व अध्यक्ष मनिक लामाको असामयिक निधन भएको छ। २०१६ साल असार १९ गते जन्मिएका लामा २०८२ भदौ १३ गते शुक्रबार भारतको चेन्नईस्थित अस्पतालमा उपचारको क्रममा निधन भएको जसपा नेपाल बागमती प्रदेशले जनाएको छ। उनको निधनप्रति जसपा नेपाल बागमती प्रदेश स्तब्ध र मर्माहित भएको जनाएको छ। मृतक आत्माको चिर शान्तिको कामना गर्दै भावपूर्ण श्रद्धाञ्जली अर्पण गरिएको छ। साथै जसपा नेपालका केन्द्रीय सचिव तथा बागमती प्रदेश संयोजक प्रमुख सुनी लामा, पूर्व सांसद नविना लामा र शोकसन्तप्त परिवारजनप्रति धैर्य, शक्ति र शान्तिको लागि समवेदना व्यक्त गरिएको छ। बागमती प्रदेश…

२०८२ भाद्र १४, शनिबार ११:५६ २०८२ भाद्र १४, शनिबार ११:५६

जनघाती भूमि विधेयकविरुद्ध समाजवादी विद्यार्थी युनियनद्वारा आज काठमाडौँमा विरोध प्रदर्शन

राप्ती खबर0 CommentsBreaking News 2, राजनीति, समाचार

काठमाडौं, भदौ १४ गते । जनता समाजवादी पार्टी, नेपालको केन्द्रीय सम्पर्क समिति तथा समाजवादी विद्यार्थी युनियन, नेपालद्वारा आयोजना गरिएको "जनघाती भूमि विधेयक विरुद्ध विरोध प्रदर्शन कार्यक्रम" आज १४ गते (शनिबार) दिउँसो ३:०० बजे हुने भएको छ । भूमि विधेयकलाई जनघाती भन्दै हुने यस विरोध कार्यक्रम बल्खु चौकबाट सुरु भई किर्तिपुर नयाँ बजारसम्म व्यानर र झण्डासहितको र्यालीमा परिणत हुनेछ। र्यालीपश्चात किर्तिपुर नयाँ बजारमा कोण सभा सम्पन्न गरिने आयोजकहरूले जनाएका छन्।

२०८२ भाद्र १३, शुक्रबार १३:५६ २०८२ भाद्र १३, शुक्रबार १३:५६

जनता समाजवादी पार्टी, नेपालद्वारा रामेछाप जिल्ला अधिवेशन उद्घाटन समारोह हुने

राप्ती खबर0 CommentsBreaking News 2, राजनीति, समाचार

रामेछाप, भदौ १३ गते । जनता समाजवादी पार्टी, नेपालले रामेछाप जिल्लामा अधिवेशनको उद्घाटन समारोह गर्ने भएको छ। "संघीयता, सुशासन, सामाजिक न्याय र समाजवाद" भन्ने नारासहितको अधिवेशन यही २०८२ भदौ १४ गते मन्थलीमा हुने जनाइएको छ। पार्टीका अनुसार अधिवेशन उद्घाटन समारोह दिउँसो १२:३० बजे सुरु हुनेछ। कार्यक्रममा पार्टीका शीर्ष नेताहरूको उपस्थितिसहित संगठन सुदृढीकरण, आगामी रणनीति र जिल्लास्तरीय नेतृत्व चयन प्रक्रियाबारे छलफल हुने अपेक्षा गरिएको छ। जनता समाजवादी पार्टी, नेपालका जिल्ला कार्य समिति, रामेछापका अनुसार अधिवेशनले संगठनलाई थप गतिशील बनाउन महत्वपूर्ण भूमिका खेल्नेछ।

२०८२ भाद्र १३, शुक्रबार १३:२० २०८२ भाद्र १३, शुक्रबार १३:२०

“सच्चा नेता देश र जनताको हितलाई परिवारभन्दा माथि राख्छन् : बज्राचार्य”

सशान्त तामाङ0 CommentsBreaking News 2, राजनीति, स्थानीय

हेटौंडा, भदौ १३ गते । जनता समाजवादी पार्टी, नेपालका केन्द्रीय उपाध्यक्ष विद्युत बज्राचार्यले नेतृत्वमा रहेका व्यक्तिहरूले कुनै पनि परिस्थितिमा निजि स्वार्थलाई प्राथमिकतामा राख्न नहुने बताएका छन्। सामाजिक सञ्जालमार्फत आफ्नो विचार सार्वजनिक गर्दै उनले सच्चा नेताले आफ्नो र परिवारको हितलाई सधैं देश र जनताको अधिनमा राख्नुपर्ने धारणा व्यक्त गरेका हुन्। बज्राचार्यका अनुसार जिम्मेवारी बहन गर्ने नेताको प्रमुख कर्तव्य देश र जनताको सेवामा समर्पित हुनु हो। उनले भने, “एउटा कर्मठ नेताले पेट पालेर राजनीति गर्दछ, न कि राजनीति गरेर पेट पाल्दछ।” उनको भनाइले व्यक्तिगत स्वार्थ भन्दा पनि सार्वजनिक जिम्मेवारीलाई प्राथमिकतामा दिनुपर्ने विषयमा जोड दिएको देखिन्छ।

२०८२ भाद्र १२, बिहीबार २१:२१ २०८२ भाद्र १२, बिहीबार २१:२१

जसपा केन्द्रीय सल्लाहकार समिति सदस्य दीपक कुमार यादव टुटुबाबुको निधन, अध्यक्ष यादवद्वारा श्रद्धाञ्जली

राप्ती खबर0 CommentsBreaking News 2, राजनीति, समाचार

ललितपुर, भदौ १२ गते । जनता समाजवादी पार्टी नेपालका केन्द्रीय सल्लाहकार समिति सदस्य तथा सप्तरी जिल्ला महादेवा गाउँपालिका–३ पतनहा निवासी ६८ वर्षीय दीपक कुमार यादव टुटुबाबुको असमयिक निधन भएको छ। उनको निधनको खबरले पार्टी शोकाकुल भएको जनाएको छ। मधेस जनविद्रोहमा महत्वपूर्ण योगदान पुर्‍याएका यादव महादेवा गाउँपालिकाका पूर्व अध्यक्ष समेत रहे्का थिए। पार्टी केन्द्रीय कार्यालय, बालकुमारी ललितपुरबाट जारी शोक सन्देशमा अध्यक्ष उपेन्द्र यादवले दिवंगत आत्माप्रति श्रद्धाञ्जली अर्पण गर्दै आत्माको चिरशान्तिको कामना गरेको छ। साथै यस दुखद घडीमा शोकाकुल परिवारप्रति हार्दिक समवेदना प्रकट गरिएको छ।

२०८२ भाद्र १२, बिहीबार ००:१५ २०८२ भाद्र १२, बिहीबार ००:१५

जनता समाजवादी पार्टी ताम्सालिङ राष्ट्रिय समितिको अधिवेशन हेटौंडामा सम्पन्न, जीवन पाख्रिन अध्यक्षमा विजयी

सशान्त तामाङ0 CommentsBreaking News 2, राजनीति, स्थानीय

हेटौंडा, भदौ १२ गते । जनता समाजवादी पार्टी नेपालको ताम्सालिङ राष्ट्रिय समितिको अधिवेशन हिजो हेटौंडा–१० स्थित दर्शन पार्टी प्यालेसमा सम्पन्न भएको छ। अधिवेशनले पार्टीको स्थानीय नेतृत्व चयन गर्दै नयाँ कार्यसमिति घोषणा गरेको छ। मकवानपुर जिल्लाबाट अध्यक्ष पदमा दुई उम्मेदवारी परेपछि निर्वाचन मण्डलले लोकतान्त्रिक विधिबाट निर्वाचन प्रक्रियामार्फत प्रतिस्पर्धा गराएको थियो। कुल २७ जना मतदाता रहेकोमा एकजना अनुपस्थित भई २६ मतदातामध्ये बहुमतका आधारमा अध्यक्ष पदमा जीवन पाख्रिन २० मत प्राप्त गरी विजयी भएका छन्। उनका प्रतिस्पर्धी जीवन मान मोक्तान रहेका थिए। अन्य पदमा भने अधिकांश प्रतिनिधि निर्विरोध चयन भएका छन्। उपाध्यक्षमा मानबहादुर तामाङ र सह–उपाध्यक्षमा संगीता मण्डल निर्विरोध निर्वाचित भए। सचिव पदमा…

२०८२ भाद्र १०, मंगलवार ००:४० २०८२ भाद्र १०, मंगलवार ००:४०

‘जनघाति भूमि विधेयक’ विरुद्ध जसपा नेपालको विशाल विरोध प्रदर्शन आज ललितपुरमा

राप्ती खबर0 CommentsBreaking News 2, राजनीति, समाचार

ललितपुर, भदौ १० गते । जनता समाजवादी पार्टी, नेपाल (जसपा) नेवाः राष्ट्रिय समितिद्वारा आज 'जनघाति भूमि विधेयक' विरुद्ध ललितपुरमा एक विशाल विरोध प्रदर्शन कार्यक्रम आयोजना गरिने भएको छ। कार्यक्रम ललितपुर महानगरपालिकाको कार्यालय, पुल्चोकमा दिउँसो ३:०० बजे सुरु हुने छ। विरोध प्रदर्शनमा काठमाडौं, ललितपुर र भक्तपुर जिल्लाका जसपाका जिल्ला समितिहरूको सक्रिय सहभागिता रहने आयोजकले जानकारी दिएका छन्। जसपा नेपालले उक्त विधेयकलाई जनताको हितविरुद्ध रहेको भन्दै यस विरुद्ध जनस्तरमा आवाज उठाउँदै आएको छ। विरोध प्रदर्शनको आयोजना नेवाः राष्ट्रिय समिति तथा उपत्यकाका जिल्ला समितिहरूको संयुक्त पहलमा गरिएको हो।

२०८२ भाद्र ९, सोमबार १४:५५ २०८२ भाद्र ९, सोमबार १४:५५

देवाही गोनाही–८ प्रेमपुरमा रातको समयमा आगलागी, धर्मेन्द्र महतो नुनियाको घर जलेर नष्ट, राहत वितरण

राप्ती खबर0 CommentsBreaking News 2, समाचार

रौतहट, भदौ ८ गते । देवाही गोनाही नगरपालिका वडा नम्बर ८ प्रेमपुरमा आइतबार राति करिब १२ बजे धर्मेन्द्र महतो नुनियाको घरमा अचानक आगलागी भएको छ। आगलागीका कारण घरसहित रहेको सम्पत्ति, धनजन तथा खाद्यान्न पूर्ण रूपमा नष्ट भएको जनाइएको छ। घटनापछि सोमबार नगर प्रमुख प्रेमलाल साह र उप–प्रमुख परनिया देवी पटेल पीडित धर्मेन्द्र महतो नुनियाको घरमै पुगेर राहत वितरण गरेका छन्। उनीहरूले तत्काल उपलब्ध हुने सामग्री राहतस्वरूप प्रदान गरेका हुन्। साथै, वडा नम्बर ८ का वडा अध्यक्ष विजयप्रसाद पटेलले समेत राहत सामग्री वितरणमा सक्रिय भूमिका निर्वाह गरेका छन्। आगलागीबाट पीडित परिवारलाई राहत दिलाउने र पुनःस्थापनाका लागि आवश्यक सहयोग गर्न स्थानीय प्रशासन…

२०८२ भाद्र ९, सोमबार १४:१५ २०८२ भाद्र ९, सोमबार १४:१५

जनता समाजवादी पार्टी नेपलको ताम्सालिङ राष्ट्रिय समिति अधिवेशन भदौ ११ गते हेटौंडामा हुने

राप्ती खबर0 CommentsBreaking News 2, राजनीति, स्थानीय

हेटौंडा, भदौ ८ गते । जनता समाजवादी पार्टी, नेपाल अन्तर्गत ताम्सालिङ राष्ट्रिय समितिको अधिवेशन आगामी भदौ ११ गते हेटौंडामा आयोजना हुने भएको छ। उक्त अधिवेशनमा पार्टीका केन्द्रीय अध्यक्ष उपेन्द्र यादवको प्रमुख आतिथ्यता सहित पार्टीका अन्य केन्द्रीय नेताहरूको विशेष उपस्थिति रहने जानकारी आयोजकले दिएका छन्। यो अधिवेशन ताम्सालिङ राष्ट्रिय समितिको सांगठनिक सुदृढीकरण, नीति निर्माण तथा भावी कार्यक्रम तय गर्ने दृष्टिले महत्वपूर्ण हुने अपेक्षा गरिएको छ।

Breaking News 2

मनसुनजन्य जोखिमका कारण त्रिशूली–काठमाडौं सडक खण्डमा सवारी आवागमनमा रोक

काभ्रेका पूर्व अध्यक्ष कम्युनिष्ट नेता मनिक लामाको भारतमा उपचार क्रममा निधन

जनघाती भूमि विधेयकविरुद्ध समाजवादी विद्यार्थी युनियनद्वारा आज काठमाडौँमा विरोध प्रदर्शन

जनता समाजवादी पार्टी, नेपालद्वारा रामेछाप जिल्ला अधिवेशन उद्घाटन समारोह हुने

“सच्चा नेता देश र जनताको हितलाई परिवारभन्दा माथि राख्छन् : बज्राचार्य”

जसपा केन्द्रीय सल्लाहकार समिति सदस्य दीपक कुमार यादव टुटुबाबुको निधन, अध्यक्ष यादवद्वारा श्रद्धाञ्जली

जनता समाजवादी पार्टी ताम्सालिङ राष्ट्रिय समितिको अधिवेशन हेटौंडामा सम्पन्न, जीवन पाख्रिन अध्यक्षमा विजयी

‘जनघाति भूमि विधेयक’ विरुद्ध जसपा नेपालको विशाल विरोध प्रदर्शन आज ललितपुरमा

देवाही गोनाही–८ प्रेमपुरमा रातको समयमा आगलागी, धर्मेन्द्र महतो नुनियाको घर जलेर नष्ट, राहत वितरण

जनता समाजवादी पार्टी नेपलको ताम्सालिङ राष्ट्रिय समिति अधिवेशन भदौ ११ गते हेटौंडामा हुने

भरोसा इन्फर्मेशन नेटवर्क प्रा.लि.द्वारा संचालित

सम्पर्क

© २०२५ भरोसा इन्फर्मेशन नेटवर्क प्रा.लि. सर्वाधिकार सुरक्षित

Designed & Developed By Chandra Ghalan