समाचार

काठमाण्डौ,भदौ ५ । हालै सम्पन्न चीन–भारत उच्चस्तरीय वार्तामा नेपालको भूमि विवादसम्बन्धी विषयसमेत समेटिएको समाचारप्रति नेपाल कम्युनिस्ट पार्टी (नेकपा) ले गम्भीर ध्यानाकर्षण जनाएको छ। चीनका विदेश मन्त्री वाङ यीको भारत भ्रमणका क्रममा भारतीय विदेश मन्त्री एस. जयशंकरसँग सम्पन्न वार्तामा १२ बुँदे सहमति बनेको र त्यसको ९ नम्बर बुँदामा नेपालसँग सम्बन्धित भूमि विवादको विषय उठाइएकोप्रति नेकपाले आपत्ति जनाएको हो। नेपाल कम्युनिस्ट पार्टीले बिहीबार एक प्रेस विज्ञप्ति जारी गर्दै दुई देशबीच नेपालको सार्वभौमिकता, भौगोलिक अखण्डता र भूमि स्वामित्वलाई लघुकरण गर्ने गरी सहमति गरिनु अत्यन्तै आपत्तिजनक र गम्भीर विषय भएको उल्लेख गरेको छ। विज्ञप्तिमा नेपालभित्र पर्ने लिपुलेक, लिम्पियाधुरा, कालापानी क्षेत्र चीन र भारतबीचको द्विपक्षीय…

काठमाण्डौ,भदौ ५ । जनता समाजवादी पार्टी, नेपाल (जसपा) काठमाडौं जिल्ला समिति भोलि, २०८२ साल भदौ ६ गते, पार्टीका अध्यक्ष माननीय उपेन्द्र यादवमाथि लगाइएको झुट्टा आरोपको विरोधमा प्रदर्शन गर्ने भएको छ। कार्यक्रम बसन्तपुरस्थित यत्‍खा चोकमा दिउँसो २ बजे सुरू हुने जनाइएको छ। आयोजक जसपा काठमाडौं जिल्ला समितिले यस विरोध कार्यक्रम मार्फत अध्यक्ष यादवको प्रतिष्ठामा आँच पुर्‍याउने नियोजित आरोपहरूको खण्डन गर्दै विरोधमा प्रदर्शन गर्ने बताएको छ। विरोध प्रदर्शनमा पार्टीका नेता, कार्यकर्ता तथा समर्थकहरूको उल्लेख्य सहभागिता रहने अपेक्षा गरिएको छ।

ललितपुर, भाद्र ५ । जनता समाजवादी पार्टी, नेपालले २०६३ साल चैत ७ गते रौतहट जिल्लाको गौरमा घटेको दुःखद घटनासम्बन्धी हालसालै विभिन्न सञ्चारमाध्यमहरूमा प्रकाशित समाचारप्रति गम्भीर ध्यानाकर्षण भएको जनाएको छ। मिति २०८२ साल भाद्र २ गते प्रकाशित/प्रसारित केही समाचारमा सो घटनालाई खण्डित, एकपक्षीय र पूर्वाग्रही शैलीमा प्रस्तुत गरिएको भन्दै पार्टीले आपत्ति जनाएको छ। पार्टीद्वारा जारी गरिएको प्रेस विज्ञप्तिमा भनिएको छ कि घटनाको प्रकृति अत्यन्तै दुर्भाग्यपूर्ण र दुःखद भए तापनि त्यसको वास्तविकता बुझ्न गठन गरिएको उच्चस्तरीय न्यायिक जाँच समितिको प्रतिवेदन, तत्कालीन शान्ति प्रक्रिया, संयुक्त राष्ट्रसंघीय मिसन (UNMIN) तथा सत्य निरूपण र मेलमिलाप आयोगको रिपोर्टहरूलाई बेवास्ता गरी आजको सन्दर्भमा त्यसलाई पुनः राजनीतिक स्वार्थका…

काठमाडौं, भदौ ३ । उपसभामुख इन्दिरा रानालाई पदबाट हटाउने उद्देश्यले सत्तारूढ दलहरु नेकपा (एमाले) र नेपाली कांग्रेसले ‘खाली कागजमा हस्ताक्षर’ अभियान सञ्चालन गरेको प्रकरणलाई प्रमुख प्रतिपक्षी दल नेकपा (माओवादी केन्द्र) सहित संसदमा क्रियाशील प्रतिपक्षी दलहरुले लोकतन्त्रमाथिको गम्भीर प्रहारको रूपमा लिएका छन्। आज माओवादी केन्द्रको आयोजनामा बसेको प्रतिपक्षी दलहरूको बैठकले उक्त कदमको कडा भर्त्सना गर्दै यसलाई असफल पार्न सबै लोकतान्त्रिक शक्तिहरूलाई एकजुट हुन आह्वान गरेको छ। बैठकमा सहभागी नेताहरूका अनुसार उपसभामुख इन्दिरा रानामाथिको कदम व्यक्तिगत आचरणसँग नभइ संवैधानिक परिषद्मा बहुमत जुटाएर मनोमानी ढंगले पदाधिकारी नियुक्त गर्ने सत्तारूढ दलहरूको योजना अन्तर्गत गरिएको छ। नेपाल कम्युनिस्ट पार्टी (माओवादी केन्द्र) का वरिष्ठ उपाध्यक्ष नारायणकाजी…

काठमाडौं, भदौ २ । जनता समाजवादी पार्टी नेपाल (जसपा) का केन्द्रीय उपाध्यक्ष विद्युत बज्राचार्यले वर्तमान सरकारमाथि गम्भीर आरोप लगाएका छन्। उनले दुई प्रमुख दल नेपाली कांग्रेस र नेकपा एमालेको गठबन्धन सरकार (एमॅाग्रेस) "दुई दलिय एकात्मक राज्य बनाउने सोंच"का साथ अघि बढिरहेको बताएका छन्। बज्राचार्यले सामाजिक सञ्जाल फेसबुकमार्फत लेख्दै, भूमि सम्बन्धी विधेयक जसपाले राष्ट्रिय सभाबाट असफल बनाएपछि सरकार "रुष्ट" बनेको र त्यसको बदलाका रूपमा १९ वर्षअघिको 'गौरकाण्ड' लाई पुनः उठाएर देशमा अस्थिरता निम्त्याउने कोशिस गरिरहेको आरोप लगाएका छन्। "जुन भूमि सम्बन्धी विधेयक पास भएको खण्डमा मधेस मात्र होईन, पुरै नेपाली भूमि मरुभूमि बन्ने निश्चित थियो," उनले भनेका छन्। उनले चुरे दोहनका…

काठमाडौँ,साउन ३१ । जनता समाजवादी पार्टी (जसपा) नेपालले काठमाडौँमा आयोजना गरेको महिला राजनीतिक सहभागिता विशेष तालिममा जसपा मकवानपुरकी उपाध्यक्ष गीता कार्कीले ग्रामीण भेगका महिलाहरूको शिक्षामा पहुँच विस्तारको आवश्यकता औँल्याएकी छन्। उनले भनिन्, “समुन्नत समाज निर्माण गर्न चाहन्छौँ भने महिलालाई शिक्षामा पहुँच दिनुपर्छ। त्यसका लागि राज्यले आवश्यक बजेट विनियोजन गरी शिक्षामा ठोस लगानी गर्न जरुरी छ।” ग्रामीण भेगका महिलाहरू अझै पनि शिक्षाबाट बञ्चित भइरहेकाले उनीहरूको समावेशी सहभागिता सुनिश्चित गर्न विशेष ध्यान दिनुपर्ने उनको भनाइ थियो। उपाध्यक्ष कार्कीले महिला सहभागिता प्रवर्द्धनका यस्ता तालिमहरूमा परिपक्व उमेरदेखि सबै उमेर समूहका महिलालाई सहभागी गराउनुपर्ने धारणा राखिन्। “जबसम्म सबै महिला यस्ता कार्यक्रममार्फत सशक्त बन्न सक्दैनन्, तबसम्म…

काठमाडौं,साउन २९ राजधानीको नयाँ बानेश्वरस्थित कृष्णभोग पार्टी प्यालेसमा आयोजित एक विशेष कार्यक्रममा राजेन्द्र महतो नेतृत्वको राष्ट्रिय मुक्ति पार्टी र अशोक राई नेतृत्वको जनता समाजवादी पार्टी नेपालबीच कार्यगत एकता घोषणा गरिएको छ। कार्यक्रममा दुबै दलका अध्यक्षहरू राजेन्द्र महतो र अशोक राईले कार्यगत एकताको औपचारिक घोषणा गर्दै सहमतिपत्रमा हस्ताक्षर गरेका छन्। यस एकतालाई आगामी दिनमा साझा एजेन्डा र आन्दोलनहरूमा सहकार्यका रूपमा लिइएको बताइएको छ। कार्यक्रममा दुबै दलका नेता तथा कार्यकर्ताहरूको उपस्थिति रहेको थियो। सहकार्यको यस प्रारम्भिक कदमले राष्ट्रिय राजनीतिमा नयाँ सम्भावनाहरूको संकेत गरेको विश्लेषण भइरहेको छ।

ललिपुर,साउन २९ । २०८२ साल साउन २२ गते न्याय परिषद्ले गरेको उच्च अदालतका न्यायाधीशहरूको नियुक्ति सम्बन्धी निर्णयप्रति जनता समाजवादी पार्टी, नेपालले गम्भीर आपत्ति जनाएको छ। पार्टीले संविधानविपरीत नियुक्ति प्रक्रिया अगाडि बढाइएको भन्दै विरोध जनाउँदै आएको छ। प्रेस विज्ञप्तिमा भनिएको छ कि संविधानले सुनिश्चित गरेको समावेशी, समानुपातिक नियुक्ति प्रक्रिया बेवास्ता गर्दै गरिएको नियुक्ति अस्वीकार्य छ। विज्ञप्तिमा उल्लेख छ कि महिला, दलित, मुस्लिम, थारु, मधेसी, आदिवासी जनजाति, पिछडिएको वर्ग लगायतका समुदायलाई उपेक्षा गरिएको छ। पार्टीका अनुसार, यस्तो कार्यले मुलुकको जातीय सद्भाव र सहअस्तित्वमा गम्भीर असर पार्ने देखिन्छ। समावेशी लोकतान्त्रिक मूल्य र संविधानको मर्म विपरीत यस्ता निर्णयहरू भएकाले पार्टीले तीव्र विरोध गर्ने जनाइएको…