समाचार

उर्लाबारी। द्वन्द्व पीडित स्वरोजगार सिपमूलक तालिम केन्द्र उर्लाबारी–७ को आयोजनामा तथा उर्लाबारी नगरपालिकाको सहयोगमा सञ्चालित दुई महिने सिलाई कटाई आधारभूत तालिम सम्पन्न भएको छ। चैत २ गतेदेखि सुरु भई बैशाख १७ गतेसम्म सञ्चालन भएको उक्त तालिममा २० जना महिलाहरुले सहभागिता जनाएका थिए। तालिम केन्द्रका सचिव भिम बहादुर राउतका अनुसार तालिममा दुई जना प्रशिक्षकमार्फत सहभागी महिलाहरुलाई सिलाई कटाई सम्बन्धी व्यावहारिक तथा सैद्धान्तिक ज्ञान प्रदान गरिएको थियो। बुधवार उर्लाबारी–७ स्थित स्कुलडाँडामा आयोजित समापन कार्यक्रममा प्रमुख अतिथि वडा नं. ७ की वडा अध्यक्ष उर्मिला थापाद्वारा प्रशिक्षार्थी महिलाहरुलाई प्रमाणपत्र वितरण गरिएको थियो । कार्यक्रम तालिम केन्द्रका उपाध्यक्ष जनक खडकाको अध्यक्षतामा सम्पन्न भएको हो। कार्यक्रममा…

मोरङ। मोरङ जिल्लाको दुर्गम तथा कम विकसित मानिने मिक्लाजुङ गाउँपालिकाले स्थायी प्रशासनिक भवनबाट सेवा प्रवाह थालेको छ। साविकका टाँडी,मधुमल्ला, रमितेखोला र जाँते गाविसका केही वडा मिलाएर बनेको यो गाउँपालिकाले अब व्यवस्थित भवनमार्फत सेवा दिन थालेको हो। शसस्त्र द्वन्द्वको समयमा विद्रोही पक्षले आगजनी गरेर जिर्ण बनाएको साविक मधुमल्ला गाविसको कार्यालय भवन मर्मत गरेर सेवा दिइँदै आएको थियो। स्थानीय तहको अधिकार प्रयोग गर्दै गाउँपालिकाले विकासको गति लिएको भए पनि पर्याप्त कार्यालयको अभावले प्रभावकारी सेवा प्रवाहमा चुनौती आएको थियो । नयाँ भवनले त्यो अभाव पुरा गर्नेमा आफु विश्वस्त रहेको उपाध्यक्ष दिनेश पौडेलले बताए। पुरानो भवन अपर्याप्त भएपछि २०७७ साल फागुन २१ गते जिल्ला…

झापा। आज मे १ अर्थात् १३६ औँ अन्तर्राष्ट्रिय श्रमिक दिवस विविध कार्यक्रम गरी मनाइँदैछ। श्रमिकहरूको पेसागत मर्यादा र सम्मानको प्रत्याभूति गराउन तथा अधिकार स्थापित भएको दिनका रूपमा प्रत्येक वर्ष मे १ तारिखका दिन यो दिवस मनाउने गरिन्छ। विश्वभरका मजदुरले यस दिवसलाई पर्वका रूपमा लिँदै आफ्ना हकअधिकारको सुनिश्चितताका लागि सरकार र रोजगारदातालाई दबाब दिने उद्देश्यले यो दिवस विभिन्न कार्यक्रम गरी मनाउँदै आएका छन्। यसपटक पनि नेपालमा समेत विभिन्न मजदुर सङ्गठनले विभिन्न कार्यक्रम गरी यो दिवस मनाउँदै छन्। सन् १८८६ मे १ मा अमेरिकाको सिकागोमा ‘आठ घण्टा काम, आठ घण्टा मनोरञ्जन र आठ घण्टा आराम’ नारासहित सुरु भएको मजदुर आन्दोलनको सम्झनामा हरेक…

काठमाडौं। खमबहादुर गर्बुजालाई ऊर्जा, जलस्रोत तथा सिँचाइ राज्यमन्त्रीमा नियुक्त गरिएको छ। राष्ट्रपति रामचन्द्र पौडेलले प्रधानमन्त्री केपी शर्मा ओलीको सिफारिसमा उनलाई राज्यमन्त्री नियुक्त गरेका हुन्। राष्ट्रपति कार्यालयका अनुसार नेपालको संविधानको धारा ७६ को उपधारा (९) बमोजिम गर्बुजालाई राज्यमन्त्रीमा नियुक्त गरिएको हो। राष्ट्रपति कार्यालयकी प्रवक्ता शैलजा रेग्मी भट्टराईले विज्ञप्ति जारी गर्दै यो जानकारी दिएकी हुन्। केही दिनअघि मात्रै तत्कालीन राज्यमन्त्री पूर्णबहादुर तामाङ (कान्छाराम)लाई पदबाट हटाइएको थियो। उनको स्थानमा गर्बुजालाई नियुक्त गरिएको हो।

उलाबारी। उर्लाबारी नगरपालिका–२ डुम्रे गाँउमा एक अपरिचित बृद्धको हर्कतले गाउलेहरु त्रसित हुदै आएका छन् । झट्ट हेर्दा अन्दाजी ६०/६५ बर्षको जस्तो देखिने वृद्ध मानिस उक्त क्षेत्रमा विगत ३/४ दिन देखी घुमिरहेका छन्। दिनभरी जसो बेतेनी सिमसार क्षेत्र र गाउवरीपरी घुम्दै आएका बृद्ध राति परेपछि स्थानियको घरमा पस्ने गरेका कारण स्थानियहरुमा त्रास छाएको स्थानिय निश्चल ढकालले बताए । गए राति उक्त बृद्ध मानिस स्थानिय एक पोख्रेलको घरमा पसेपछि उनको हर्कतले मानिसहरु त्रसित बनेका छन् । बृद्धको हर्कतले दुख पाईरहेको स्थानियले अस्थायी प्रहरी चौकी मंगलबारेलाई बृद्धको उद्धार गरी सम्वधीत व्याक्तिको जिम्मा लगाईदिन आग्रह गरेपनि प्रहरीले नटेरेको उनिहरुले बताएका छन्।

झापा। प्रत्येक वर्ष वैशाख शुक्ल तृतीयाका दिन मनाइने अक्षय तृतीया पर्व बुधबार सातु र सर्वत दान एवं सेवन गरी मनाइँदैछ। शास्त्रीय विधानअनुसार आज सबेरै उठी घर लिपपोत गर्नाका साथै स्नान गरेर पूजासामान तयार पारी सङ्कल्प गरिन्छ। दियो, कलश र गणेशलाई पूजा गरी कलशमाथि अष्टदल लेखेको तामाको थाली राखी अष्टदलमा भगवान् विष्णुको सोह्र सामग्रीद्वारा पूजा गरिन्छ। पुरोहितलाई पनि पुजेर शुद्ध जल तामा वा माटाका भाँडामा राखी दालचिनी, ल्वाङ, सुकुमेल, अलैँची, मह, चिनी, सख्खर र मिश्री मिसाएर सर्वत बनाई घडा र जौको सातु दान गर्ने वैदिक सनातनी परम्परा छ। यस दिन गरेको स्नान, दान, ध्यान, जपलगायत पुण्य कर्म कहिल्यै नाश नहुने कुरा…

मोरङ। मोरङको धनपालथान गाउँपालिका–३ ललिया टोलमा १ जना युवक बुधबार बिहान मृत फेला परेका छन्। युवकको शवनजिकै उनी आफैंले चलाउँदै आएको को २१ प १६५६ नम्बरको मोटरसाइकल पनि भेटिएको छ । धनपालथान–२ का ३७ वर्षीय विजय मण्डल मृत फेला परेको प्रहरीले जनाएको छ ।प्रहरीका अनुसार सडकदेखि करिब ३ मिटर तल नालामा उनी मृत भेटिएका हुन् । मण्डल मोटरसाइकल दुर्घटनामा परेको हुनसक्ने प्रहरीको अनुमान छ।

धादिङ। धादिङमा ५० वर्षका सुकबहादुर तामाङको हत्या आरोपमा २० वर्षीय एक युवक पक्राउ परेका छन् । निलकण्ठ नगरपालिका–४ रायोटार प्लटिङको किनारमा मृत अवस्थामा फेला परेका सुकबहादुरको हत्या आरोपमा गजुरी गाउँपालिका–५ न्यौपानेगाउँ घर भई हाल धादिङकै निलकण्ठ नगरपालिका–४ रायोटारमा बस्दै आएका सुमन सुनार पक्राउ परेका जिल्ला प्रहरी कार्यालय धादिङले जनाएको छ । गत शुक्रबार बिहान सडक किनारामा सुकबहादुरको शव फेला परेको थियो। घटनास्थलको प्रकृति अनुसार मृतकलाई कोही कसैले कर्तव्य गरी मारी फालेको हुनसक्ने आशंकामा प्रहरीले घटना अनुसन्धान अघि बढाएको थियो । घटनाको भोलिपल्टै सुमनलाई पक्राउ गरिएको जिल्ला प्रहरी कार्यालय धादिङका प्रवक्ता प्रहरी नायव उपरीक्षक (डीएसपी) सुवास हमालले जानकारी दिए । उनका…

उर्लाबारी। नेपाली संस्कृतिमा आमाप्रति श्रद्धा र सम्मान व्यक्त गर्ने विशेष दिन मातातिर्थ औसीको अवसरमा उर्लाबारी–७ स्थित देवीस्थान दुर्गा मन्दिर व्यवस्थापन समितिले परोपकार वृद्ध चौतारीका ३० जना आमाहरूलाई विशेष सम्मान गरेको छ। आईतबार आयोजित सम्मान कार्यक्रममा आमाहरूलाई फलफूल खुवाई, दोसल्ला ओढार स्नेहपूर्वक सम्मान गरिएको थियो। कार्यक्रम व्यवस्थापन समितिका सदस्यहरूबाट संकलित आर्थिक सहयोगमार्फत सम्पन्न गरिएको समितिका अध्यक्ष राजन रायमाझीले जानकारी दिनुभयो । रायमाझीका अनुसार, आमाहरूको सम्मान गर्नु नै मातातिर्थ औसीको सही अर्थ पुष्टि गर्नु हो भन्ने सोचका साथ कार्यक्रम आयोजना गरिएको हो। कार्यक्रममा शुशिला भगवत दासी, इन्द्र भट्टराई, चन्द्रिका घले, चन्द्र भट्टराई, शान्ता थापा बस्नेतलगायत मन्दिर व्यवस्थापन समितिका पदाधिकारीहरुको उपस्थिति रहेको थियो।…

झापा। झापाको कनकाई नगरपालिका–३ स्थित सुरुंगा बजार आसपास नेपाल टेलिकमको तार चोरी गर्दै गरेका तीन जनालाई प्रहरीले पक्राउ गरेको छ। पक्राउ परेकाहरूलाई सार्वजनिक सम्पत्तिमा क्षति पुर्‍याएको र चोरीसम्बन्धी अभियोगमा अनुसन्धान अघि बढाइएको इलाका प्रहरी कार्यालय सुरुंगाले जनाएको छ। पक्राउ पर्नेहरूमा कनकाई नगरपालिका–५ का २८ वर्षीय रमेश चौधरी, गौरादह नगरपालिका–७ का ३० वर्षीय दिनेश भुजेल र अर्जुनधारा नगरपालिका–११ का २७ वर्षीय मनोज श्रेष्ठ रहेका छन्। उनीहरूलाई मंगलबार राति करिब ११:३० बजे गस्तीमा खटिएको प्रहरी टोलीले रंगेहात पक्राउ गरेको हो। प्रहरीका अनुसार पक्राउ परेकाहरूले सुरुंगा क्षेत्र आसपास नेपाल टेलिकमले प्रयोग गर्दै आएको टेलिफोन तथा इन्टरनेट सेवा प्रवाह गर्ने तार काटेर चोरी गर्ने…