राप्ती खबर

हेटौँडा, अशोज २९ गते । रिकभरीङ नेपालको आयोजनामा हेटौँडा अस्पतालमा ‘लक्षित वर्गप्रति हुने कलङ्क र भेदभाव अन्त्यका लागि सचेतना कार्यक्रम’ सम्पन्न भएको छ। उक्त कार्यक्रममा जिल्ला तथा प्रदेशस्तरीय सरकारी निकाय, पुनर्स्थापना केन्द्रका प्रतिनिधि, राष्ट्रिय मानव अधिकार आयोग, नागरिक समाजका अगुवा तथा गैरसरकारी संस्थाका प्रतिनिधिहरूको उल्लेखनीय सहभागिता रहेको थियो। कार्यक्रमको उद्देश्य नशा प्रयोगकर्तासहित पुनर्स्थापनाको क्रममा रहेका व्यक्तिहरूप्रति हुने सामाजिक विभेद र नकारात्मक दृष्टिकोण अन्त्य गर्दै, उनीहरूको अधिकार सुनिश्चित गर्ने वातावरण निर्माण गर्नु रहेको आयोजकले जनाएको छ। सो अवसरमा सहभागीहरूले लक्षित वर्गप्रति समाजमा विद्यमान कलङ्क र पूर्वाग्रह घटाउन सामूहिक प्रयास आवश्यक रहेको भन्दै, नीति निर्माणदेखि व्यवहारिक तहसम्म सहकार्य गर्नुपर्ने धारणा व्यक्त गरेका…

हेटौडा, अशोज २९ गते । हेटौडा उपमहानगरपालिकाले तिहार पर्व लक्षित गर्दै प्लास्टिकका फूल बिक्रीमा प्रतिबन्ध लगाएको सूचनालाई कार्यान्वयनमा ल्याउँदै बजार अनुगमन थालेको छ। उपमहानगरले प्राकृतिक फूलको उपयोगलाई प्रोत्साहन गर्न तथा प्लास्टिकजन्य फोहोर न्यूनीकरण गर्ने उद्देश्यले यस्तो निर्णय गरेको हो। बुधबार गरिएको बजार अनुगमनका क्रममा दुई पसलले नगरको निर्देशन उल्लंघन गरी प्लास्टिकका फूल बिक्री वितरण गरेको पाइएकोले ती पसलहरूलाई कारबाही गरिएको उपमहानगरका अधिकारीहरूले जनाएका छन्। नगरका अनुसार तिहारका फूलहरू निश्चित स्थानमा मात्र बिक्री गर्न पाइने र प्लास्टिकका फूलहरू बिक्री वा प्रदर्शन गर्न पाईने छैन। त्यस्तै, दर्ता भएका मिठाई पसलहरूले मात्र मिठाई बिक्री वितरण गर्न सक्ने प्रावधानमा उल्लेख गरेको छ। उपमहानगरले वातावरणमैत्री…

हेटौंडा, अशोज २८ गते । फोहोर व्यवस्थापनको नाममा हेटौंडा उपमहानगरपालिकाबाट प्रत्येक घरधुरीबाट उठाइने रकम ठेकेदारको निजी आम्दानीको माध्यम बनेको खुलासा भएको छ। सामाजिक अभियान्ता विशालराज महतद्वारा सार्वजनिक गरिएको तथ्यांक अनुसार, हेटौंडा उपमहानगरभित्र रहेका २५ हजार घरधुरीबाट प्रतिमहिना रू. २०० का दरले फोहोर संकलन शुल्क उठाइँदै आएको छ। यसरी उठाइएको शुल्कबाट मात्रै ठेकेदार कम्पनी ग्रीन एण्ड क्लिन सिटी प्रा.लि. ले महिनामा करिब ५० लाख, र वर्षभरमा झन्डै ६ करोड रुपैयाँ उठाउने गरेको अनुमान छ। तर, यति ठूलो आम्दानी हुँदाहुँदै पनि उपमहानगरपालिकालाई ठेक्का सम्झौताअनुसार वर्षको मात्र ५ लाख रुपैयाँ बुझाइने गरेको खुलासा भएको छ। महतका अनुसार, फोहोर संकलनका गाडी, इन्धन, कर्मचारी र…