समाचार

नवलपुर, कार्तिक ८ गते । नवलपुरको देवचुली–१७ स्थित आँपको बगैंचामा करिब ३० देखि ३२ वर्ष उमेरकी पोथी गैंडा मृत अवस्थामा फेला परेकी छन्। चितवन राष्ट्रिय निकुञ्जका सूचना अधिकारी अविनाश थापाका अनुसार उक्त गैंडा केही समयदेखि बिरामी थिइन् र नियमित उपचार भइरहेको थियो। उपचारका क्रममा नै उनको मृत्यु भएको अनुमान गरिएको छ। निकुञ्जका अनुसार घटनास्थलमा गैंडाको खाग र खुर सुरक्षित अवस्थामा भेटिएको छ। यो सिजनमा मात्र चितवन राष्ट्रिय निकुञ्जभित्र पाँच गैंडाको मृत्यु भइसकेको निकुञ्जले जनाएको छ। हाल निकुञ्जमा ६ सय ९४ वटा एकसिंगे गैंडा रहेका छन्।

काठमाडौँ, कार्तिक ८ गते । काठमाडौं महानगरपालिकाले यस वर्षको छठ पर्व भव्यरूपमा मनाउन उपत्यकाका विभिन्न आठ स्थानमा विशेष व्यवस्था गरेको छ। शनिबार आयोजित पत्रकार सम्मेलनमा काठमाडौं महानगर प्रहरी प्रमुख राजुनाथ पाण्डेले कमलपोखरी, गौरीघाट, बोक्सिदह, तीनकुने दोभान, टंकेश्वर, बल्खुस्थित कुमारी क्लब अगाडि, कुलेश्वर भलिवल ग्राउण्ड र रामघाटलाई छठ पर्व मनाउने प्रमुख स्थलका रूपमा तयारी गरिएको जानकारी दिएको छ। उनका अनुसार यी स्थलहरूमा केही दिनदेखि सरसफाइ अभियान चलाइँदै आएको छ। पाण्डेले भक्तजनलाई छठ घाटका वरिपरि सवारी साधन पार्किङ नगर्न र कुनै समस्या परे महानगरसँग सम्पर्क गर्न आग्रह गरे। साथै, तोकिएका स्थानहरूमा श्रद्धालुहरूबाट कुनै शुल्क असुल्न नपाइने स्पष्ट पारेका छन्। छठ पर्वका क्रममा…

काठमाडौँ, कार्तिक ८ गते । राजधानीको माइतीघरमा स्थानीय प्रशासनको अनुमति नलिई प्रदर्शन गर्न पुगेका जेनजी युनाइटेडका ७६ जना सदस्यलाई प्रहरीले पक्राउ गरेको छ। आज बिहानदेखि माइतीघर मण्डलमा भेला भएका प्रदर्शनकारीलाई जिल्ला प्रहरी परिसर काठमाण्डौको टोलीले नियन्त्रणमा लिएर सोधपुछका लागि पक्राउ गरेको हो। प्रहरीले जनाएका अनुसार, प्रशासनको अनुमति विना प्रदर्शन गर्न खोजिएको र अन्य समूहसँग सम्भावित मुठभेडको आशंका रहेकाले सुरक्षाका दृष्टिले उनीहरूलाई नियन्त्रणमा लिइएको हो। पक्राउ परेकामध्ये ३६ जना महिला र ४० जना पुरुष रहेका छन्। जेनजी युनाइटेडका अगुवा मदन कार्कीले आफूहरूले स्वतन्त्र रूपमा प्रदर्शन गर्न जिल्ला प्रशासन कार्यालयसँग अनुमति मागेपनि अनुमति नपाएको बताएको छ। प्रहरीका अनुसार, सोधपुछपछि परिस्थितिअनुसार थप निर्णय…

नवलपुर, कावासोती, कार्तिक २ गते । नेपाल प्रहरीका महानिरीक्षक (आईजीपी) चन्द्र कुबेर खापुङ्गले आइतबार एक विशेष समारोह बीच कावासोती स्थित नवनिर्मित प्रहरी कल्याण कोष पेट्रोल पम्पको उद्घाटन गरेका छन् । उद्घाटन कार्यक्रममा आईजीपी खापुङ्गले पेट्रोल पम्प र भवनको निरीक्षण गर्नुका साथै कार्यालय परिसरमा वृक्षारोपण पनि गरेका छन् । सो अवसरमा उनले नेपाल प्रहरीले समाजमा शान्ति–सुरक्षा कायम राख्न हरेक समुदाय र क्षेत्रसँग सहकार्य गर्दै आएको बताएका छन् । उनका अनुसार नवनिर्मित प्रहरी पेट्रोल पम्पले प्रहरी कर्मचारी र स्थानीय नागरिकलाई गुणस्तरीय इन्धन उपलब्ध गराउने मात्र नभई प्रहरी र नागरिक बीचको समन्वय, सहकार्य र विश्वास सुदृढ गर्न मद्दत गर्नेछ। आईजीपी खापुङ्गले नेपाल प्रहरी…

काठमाडौँ, कार्तिक २ गते । शिक्षा, विज्ञान तथा प्रविधि मन्त्री वैज्ञानिक डा. महावीर पुनले सामाजिक सञ्जाल फेसबुकमार्फत एउटा रमाइलो स्टाटस सार्वजनिक गर्दै आफूलाई ताप्लेजुङ भ्रमणका क्रममा प्राप्त भएको रोलेक्स घडीबारे हास्यात्मक प्रतिक्रिया दिएका छन्। उनका अनुसार अस्ती ताप्लेजुङ जिल्लामा किताब बिक्रीका क्रममा सुकेटारका एक वृद्ध दम्पतिले फुङलिङ बजारमा आफूलाई जबरजस्ती रोलेक्स घडी दिएका थिए। “मैले लिन नमान्दा पनि उहाँहरूले दिनुभयो, मैले लगाएको भए बरबादै हुने रहेछ, धन्न झोलामा राखेर बचिएछ,” उनले लेखेका छन्। डा. पुनले तीन वर्षअघि युकेमा बस्ने एक साथीले पनि आफूलाई रोलेक्स घडी दिएको तर त्यो घडी फेसबुकमै राखेर बेचिदिएको प्रसंग पनि स्मरण गरेका छन्। स्टाटसको अन्त्यमा उनले…

काठमाडौँ, कार्तिक १ गते । शिक्षा, विज्ञान तथा प्रविधि मन्त्री वैज्ञानिक डा. महावीर पुनले त्रिभुवन विश्वविद्यालय (टिभी) किर्तिपुर परिसरभित्र सुन्दर पार्क निर्माणको अभियान सुरु गरेका छन्। मन्त्री भएको दोस्रो दिनमै उनले करिब ३५० रोपनी क्षेत्रफलमा फैलिएको झाडी फाँडेर सुन्दर पार्क बनाउने आह्वान गरेका थिए। डा. पुनका अनुसार हालसम्म श्रमदानमार्फत विभिन्न स्थानबाट आएका श्रमदाताहरुले झाडीको करिब ४० प्रतिशत भाग फडानी गरी सकेका छन्। अभियान अन्तर्गत निरन्तर श्रमदान भइरहेकाले पार्क निर्माणको प्रारम्भिक चरणले गति लिएको बताइएको छ। “झाडी फाँडी सकेपछि सुन्दर पार्क बनाउन चाहिने पैसाको व्यवस्था गर्न उपाय खोज्दैछौं। पैसा निकाल्ने उपाय हुने जो सुकैले पनि नहिच्कीच्याई भन्नु होला,” मन्त्री पुनले आफ्नो…

काठमाडौँ, अशोज ३१ गते । नेपाल प्रहरीका महानिरीक्षक (आईजीपी) चन्द्र कुबेर खापुङले ७०औं प्रहरी दिवस, २०८२ का अवसरमा संगठनका सकल दर्जाका प्रहरी कर्मचारी, पूर्व प्रहरी कर्मचारी, प्रहरी परिवार तथा अमर प्रहरीका परिवारजनप्रति शुभकामना व्यक्त गरेका छन्। सन्देशमार्फत आईजीपी खापुङले प्रहरी दिवसको अवसरमा व्यक्तिगत तथा व्यावसायिक सफलता, पारिवारिक सुख–समृद्धि र उत्तरोत्तर प्रगतिको शुभकामना व्यक्त गर्दै संगठनका अमर तथा वीर प्रहरीप्रति हार्दिक श्रद्धाञ्जली अर्पण गरेका छन्। उनले भाद्र २३ र २४ गतेका अप्रिय घटनापश्चात उत्पन्न कठिन परिस्थितिमा पनि प्रहरी संगठनले नागरिक सुरक्षाको जिम्मेवारी डटेर पूरा गर्नुपर्ने उल्लेख गर्दै कुनै घटनाबाट हतोत्साहित नहुन निर्देशन दिएका छन्। आईजीपी खापुङले तोड़फोड़ र आगजनीबाट क्षतिग्रस्त भएका…

काठमाडौँ, अशोज ३० गते । मोटरसाइकलमा अनधिकृत रूपमा स्वरूप परिवर्तन गरी तीव्र आवाज निकाल्ने, समाजमा ध्वनी प्रदूषण फैलाउने र शान्ति–सुरक्षामा असर पार्ने गतिविधिमा संलग्न सवारी साधन माथि ट्राफिक प्रहरीद्वारा कडा निगरानी सुरु गरिएको छ। नेपाल प्रहरीको सामाजिक सञ्जालमा प्रकाशित सूचनाअनुसार, काठमाडौँ उपत्यका ट्राफिक प्रहरी कार्यालयले उपत्यकाका विभिन्न स्थानहरूबाट २०० वटा मोटरसाइकल नियन्त्रणमा लिएको छ। यस्तै, जिल्ला प्रहरी कार्यालय कास्कीले पनि यस्तै प्रकृतिका १०४ वटा मोटरसाइकल नियन्त्रणमा लिएको जनाएको छ। प्रहरीका अनुसार ती मोटरसाइकलहरूले इन्जिन, साइलेंसर, हेडलाइट, र अन्य पार्टपुर्जा फेरेर स्वरूप परिवर्तन गरेका थिए, जसले सवारी नियम उल्लङ्घन मात्र होइन, सार्वजनिक शान्ति र सुव्यवस्थामा समेत असर पारेको पाइएको छ। नेपाल…