२०८२ भाद्र २३, सोमबार २२:१५
२०८२ भाद्र २३, सोमबार २२:१५
काठमाडौं, भदौ २३ गते । काठमाडौँमा आज ‘जेन जि’ पुस्ताले सुरु गरेको शान्तिपूर्ण बृहत् जनसभामाथि राज्यपक्षबाट गोली प्रहार भएको छ। शान्तिपूर्ण विरोधलाई दबाउने क्रममा प्रहरीले बल प्रयोग गर्दा करिब २० जना विद्यार्थीको मृत्यु भएको र सयौँ घाइते भएको बताइएको छ। घटनापछि काठमाडौँका अस्पतालहरूमा घाइते विद्यार्थीहरूको भीड लाग्दा उपचारका लागि बस्ने ठाउँ समेत अपुग भएको छ। धेरै विद्यार्थीहरू गम्भीर अवस्थामा रहेको चिकित्सकहरूले जनाएका छन्। विद्यार्थीहरूले देशभर सुरू गरेको यो अभियान भ्रष्टाचार, असमानता र मौलिक हक खोसिएको विरुद्धमा केन्द्रीत थियो। विशेषगरी सरकारले २६ वटा सामाजिक सञ्जाल बन्द गर्ने निर्णय ल्याएपछि नयाँ पुस्ताले आफ्नो आवाज दबाइएको भन्दै देशव्यापी रूपमा जनसभा आयोजना गरेका थिए।…
