समाचार

काठमाडौं। शिक्षक आन्दोलनमा झडप हुँदा समाचार संकलनमा खटिएकी पत्रकार सबिना कार्की घाइते भएकी छिन्। प्राइम टेलिभिजनकी पत्रकार कार्कीको आँखामा गम्भीर चोट लागेको छ। अहिले उनको तिलगंगा आँखा अस्पतालमा उपचार भइरहेको प्राइम टेलिभिजनका अध्यक्ष ऋषि धमलाले जानकारी दिए।

धरान। सशस्त्र प्रहरी बल सुरक्षा बेस चतरा, बराहक्षेत्रबाट १७७ किलो गाँजासहित दुई जना व्यक्ति पक्राउ परेका छन्। चतरा सुरक्षा बेस र सशस्त्र प्रहरी बल नं. ४ गण हेडक्वार्टर, सुनसरीको संयुक्त टोलीले बराहक्षेत्र मन्दिरको पूर्व क्षेत्रमा गाँजासहित उनीहरूलाई पक्राउ गरेको हो। पक्राउ परेकामा धनकुटा जिल्ला, सहिदभूमि गाउँपालिका–१ छिन्ताङका ५७ वर्षीय धनबहादुर राई र सुनसरी, बराहक्षेत्र नगरपालिका–१ शिलापखामा बस्ने ३० वर्षीय दीपक राई रहेका छन्। प्रहरीका अनुसार उनीहरूलाई शुक्रबार नियन्त्रणमा लिइएको हो।

उर्लाबारी। उर्लाबारी नगरपालिका वडा नं. ४, ५ र ६ धिमाल टोल समितिको आयोजनामा एकदिने चौथो धिमाल जात्री मेलाको सम्पुर्ण तयारी पूरा भएको छ । सनिवार उर्लाबारी–५ सिसौलीस्थित अरुण टोलमा हुने उक्त मेलामा पूर्वी नेपालका झापा, मोरङ र सुनसरी जिल्लामा बसोबास गर्ने धिमाल समुदायका प्रतिनिधिहरूको सहभागिता रहनेछ।

काठमाडौँ। गुल्मीको कालिगण्डकी गाउँपालिकाले यही वैशाख १४ गतेदेखि विद्यालयमा अनुपस्थित रहने शिक्षकहरूलाई राजीनामा दिन निर्देशन जारी गरेको छ। गाउँपालिकाले आन्दोलनरत शिक्षकहरूलाई विद्यालय फर्किन आग्रह गर्दै यदि अटेर गरेमा राजीनामा दिनुपर्ने स्पष्ट पारेको छ। शिक्षक महासंघको आह्वानमा जारी शिक्षक आन्दोलनका कारण पालिकाभित्रका सम्पूर्ण विद्यालयको पठनपाठनमा अवरोध सिर्जना भएको छ। यसै परिप्रेक्ष्यमा गाउँपालिकाले सूचना जारी गर्दै सबै शिक्षकहरूलाई वैशाख १४ गतेदेखि विद्यालय समयमा अनिवार्य रूपमा उपस्थित हुन अनुरोध गरेको छ। गाउँपालिका अध्यक्ष वेद बहादुर थापाद्वारा जारी सूचनामा नियमित पठनपाठन सुचारु गर्नका लागि सम्पूर्ण शिक्षक तथा कर्मचारीहरूलाई आग्रह गरिएको छ। तोकिएको समयमा विद्यालयमा उपस्थित हुन नसक्ने शिक्षक कर्मचारीहरूलाई राजीनामा दिन वा सरुवा प्रक्रिया…

अछाम। अछामको प्रमुख व्यापारिक केन्द्र साँफेहाट बजारमा शनिबार बिहान भएको भीषण आगलागिले‌ ठूलो क्षति भएको छ। साँफेबगर नगरपालिका–३ स्थित सुवेच्छा होटलबाट विद्युत सर्ट भई बिहान करिब ३:३० बजे सल्किएको आगोले आसपासका १० वटा पसललाई पूर्ण रूपमा जलाएर नष्ट गरेको छ। आगो होटलबाट सुरु भई छेउछाउका किराना, कपडा, मोबाइल र फलफूल लगायतका पसलहरूमा समेत फैलिएको थियो। आगो नियन्त्रणका लागि स्थानीय, नेपाल प्रहरी र सशस्त्र प्रहरीले प्रयास गरे पनि वारूणयन्त्र (दमकल) को अभावले ढिलाइ भएको कुरा अछामका प्रहरी प्रमुख डिएसपी ईश्वरीप्रसाद भण्डारीले जानकारी गराउनु भएकोछ। प्रहरीले आगलागीबाट भएको क्षतिको विवरण सङ्कलन गर्ने काम गरिरहेको छ।यसअघिपनि चैत्र २६ गते जयगढ बजारमा यस्तै आगलागी…

मोरङ। उर्लाबारी नगरपालिका वडा नम्बर २ स्थित सिरुझारमा रहेको एक माछा खाडीमा सयौं माछा मरेको अवस्थामा फेला परेका छन्। सिरुझार विद्यालय नजिकै रहेको खाडीका सञ्चालक रत्नबहादुर श्रेष्ठका अनुसार बिहान करिब ५ बजे खाडीमा पुग्दा सबै माछा मृत अवस्थामा भेटिएका थिए। करिब दुई कठ्ठा क्षेत्रफलमा फैलिएको उक्त खाडीमा रातिको समयमा कसैले विष हालिदिएको आशंका गरिएको छ। श्रेष्ठले भने, “ठूला माछा पानीको सतहमै तैरिरहेका थिए, जसलाई निकाल्न सकियो। तर धेरै माछा खाडीभित्रै मरेका छन्। मेरो यत्रो लगानी डुबेको छ।” श्रेष्ठले वि.सं. २०७२ सालदेखि घरपछाडि खाडी सञ्चालन गर्दै आएका छन्। उनका अनुसार प्रत्येक सिजन करिब १५० केजी माछा उत्पादन हुने गरेको थियो। खाडीका…

काठमाडौं। आन्दोलनरत शिक्षकहरुले आज सडकमै खुल्ला रक्तदान गरेका छन् । नेपाल शिक्षक महासंघको आव्ह्रानमा आन्दोलनरत शिक्षकहरुले रक्तदान गरेका हुन् । महासंघले आज आन्दोलनको २३ औं दिनमा बृहत रक्तदान कार्यक्रम आयोजना गरेको थियो । आन्दोलनमा सहभागी शिक्षकहरुले स्वतस्फूर्त रुपमा रक्तदान गरेका थिए । सडकमै रक्तदानको कार्यक्रम आयोजना गरेको महासंघले यसलाई सांकेतिक विरोधको रुपमा लिएको जनाएको छ । विद्यालय शिक्षा ऐनको माग गर्दै महासंघको आवहनमा देशभरका शिक्षकहरु २३ दिनदेखि काठमाडौं केन्द्रित आन्दोलन गर्दै आइरहेका छन् उनीहरुले आन्दोलनलाई रचात्मक तरिका चर्काउँदै छन्।

काठमाडौँ। युवाहरुमा एकता हुँदा सधैँ देश विकासमा टेवा पुग्ने एक कार्यक्रमका सहभागीहरुले बताएका छन् । नेपाल कम्युनिष्ट पार्टी एमालेले आज लोकतन्त्र दिवसका अवसरमा भृकुटीमण्डपमा आयोजना गरेको ‘यूथ सेलिब्रेसन’ कार्यक्रममा विभिन्न क्षेत्रका युवाहरुले आफ्ना प्रतिभा प्रस्तुत गर्दै विचार राखेका थिए । काठमाडौँ महानगरपािलकाकी उपप्रमुख सुनिता डङ्गोलले राम्रा कामका प्रचार गर्न एमालेले युवा शक्तिको सदुपयोग गर्ने बताईन् । उनले स्टन्ट गरेर देश नबन्ने र देश बन्नका लागि काम गर्नुपर्नेमा जोड दिईन् । “स्टन्ट गरेर देश बन्दैन देश बनाउने हो भने काम गर्नुपर्छ,” उनले भनिन् । डा आनन्द सिंहले फरक भूगोल, संस्कृति, भाषा, आचरण र संस्कार नेपालीलाई एकतामा बाँध्ने सुत्र भएका बताए ।…