Breaking News 1

बस्तिपुर, फागुन २८ गते । बस्तीपुर जेसीज मनहरीले आफ्नो १६ औँ स्थापना दिवसको अवसरमा अन्तरक्रिया तथा दीप प्रज्वलन कार्यक्रम आयोजना गरी मनाएको छ। सन् २०११ मा हेटौंडा जेसीजको मातृत्वमा स्थापना भएको बस्तीपुर जेसीज मनहरीले यस वर्ष १६ औँ वसन्त पार गरेको हो। स्वर्गीय गणेश प्रसाद भेटवालको अध्यक्षतामा स्थापना भएको यस शाखालाई हाल वर्ष २०२६ का अध्यक्ष जेसी सुरज बर्तौलाले नेतृत्व गर्दै अगाडि बढाइरहेका छन्। स्थापना दिवसको अवसरमा आयोजित कार्यक्रममा निर्मल बहुमुखी क्याम्पसका प्रमुख तथा बस्तीपुर जेसीज मनहरी वर्ष २०२६ का बोर्ड सल्लाहकार सुभाष चन्द्र कँडेलको प्रमुख आतिथ्यता रहेको थियो। जेसी सुशील सापकोटाको संयोजकत्वमा सम्पन्न कार्यक्रममा शाखा अध्यक्ष जेसी सुरज बर्तौलाको…

मनहरी, फागुन २७ गते । मकवानपुरको मनहरी गाउँपालिका–२ बुद्धचोकमा नसर्ने रोग पहिचानका लागि समुदाय स्तरमा स्वास्थ्य परीक्षण कार्यक्रम सञ्चालन गरिएको छ। मनहरी गाउँपालिका स्वास्थ्य शाखाद्वारा आयोजित स्वास्थ्य परीक्षण अभियान अन्तर्गत बुधबार उक्त क्षेत्रमा स्क्रिनिङ्ग कार्यक्रम गरिएको हो। स्क्रिनिङ्ग सेवा मनहरी–२ तिन्तलेस्थित सहिद हिरा स्मृति आधारभूत स्वास्थ्य केन्द्रमा कार्यरत अहेव पर्मिला दङ्गालको नेतृत्वमा सञ्चालन गरिएको स्वास्थ्य शाखाले जनाएको छ। कार्यक्रममा ३० वर्षभन्दा माथिका नागरिकहरूको स्वास्थ्य परीक्षण गरिएको थियो। स्वास्थ्य परीक्षण अन्तर्गत मधुमेह, उच्च रक्तचाप, मिर्गौला सम्बन्धी समस्या, तौल तथा उचाइको अनुपात जाँच लगायतका परीक्षण गरिएको थियो। बुधबार सम्पन्न अभियानमा झुल्यान, तिन्तले, घट्टेपाखा, दोभान, गोगनघारी, मेलटोल, भुन्द्रुङ्खोला र टाँडी क्षेत्रका करिब ८५…

हेटौँडा, फागुन १६ गते । आगामी फागुन २१ गते हुन गइरहेको प्रतिनिधिसभा सदस्य निर्वाचनलाई स्वच्छ, निष्पक्ष, भयरहित र मर्यादित वातावरणमा सम्पन्न गराउन सञ्चार क्षेत्रको भूमिका निर्णायक हुने बताइएको छ। यस सन्दर्भमा नेपाल पत्रकार महासंघ बागमती प्रदेश समितिले आम-सञ्चारकर्मी तथा सञ्चार माध्यमहरूलाई जिम्मेवार र तटस्थ भूमिका निर्वाह गर्न आग्रह गर्दै प्रेस विज्ञप्ति जारी गरेको छ। विज्ञप्तिमा जनतालाई सु-सूचित गर्ने क्रममा सूचनाको संवेदनशीलता मनन गर्दै कुनै पनि राजनीतिक दल वा उम्मेदवारको पक्ष–विपक्षमा नलागी सत्य–तथ्य र सन्तुलित समाचार सम्प्रेषण गर्न जोड दिइएको छ। साथै, महासंघले प्रेस काउन्सिल नेपाल र महासंघद्वारा जारी पत्रकार आचार-संहिता तथा निर्वाचन आयोगको निर्वाचन आचार-संहिताको पूर्ण पालना गर्न अनुरोध गरेको…

हेटौँडा, फागुन १ गते । हेटौंडामा अवस्थित शिवम सिमेन्ट उद्योगबाट वर्षौंदेखि फैलिँदै आएको धुलो–धुवाँका कारण स्थानीय बस्तीमा गम्भीर स्वास्थ्य जोखिम बढेको भन्दै स्थानीयवासी शान्तिपूर्ण आन्दोलनमा जाने तयारीमा थिए। तर बागमती प्रदेशका मुख्यमन्त्री इन्द्र बहादुर बानियाँले सरोकारवाला पक्षबीच वार्ताको वातावरण मिलाइदिने पहल गरेपछि आन्दोलन हाललाई स्थगित गरिएको छ। उद्योग प्रतिनिधि राजेन्द्र शर्माले समस्या समाधानका लागि तत्काल वार्ता गर्न तयार रहेको प्रतिबद्धता जनाएसँगै फागुन ४ गते स्थानीयको उपस्थितिमा छलफल गर्ने सहमति भएको हो। सेवा, सहयोग र आवाजमा सक्रिय अध्यक्ष तथा सामाजिक अभियान्ता विशाल राज महतले सामाजिक सञ्जालमार्फत सार्वजनिक गरेको स्टाटसमा हाललाई आन्दोलन स्थगित गरिए पनि समस्या समाधानको स्पष्ट बाटो नखुलेसम्म निरन्तर दबाब…