स्थानीय

हेटौंडा,जेठ १२ गते। जिल्ला प्रशासन कार्यालय मकवानपुरले आज दिउँसोपछि तीव्र गतिको हावाहुरी चल्ने सम्भावना रहेको भन्दै जिल्लावासीलाई आवश्यक सतर्कता अपनाउन आग्रह गरेको छ। जल तथा मौसम विज्ञान विभाग, मौसम पूर्वानुमान महाशाखाद्वारा जारी सूचनाका आधारमा प्रशासन कार्यालयले सूचना जारी गर्दै हावाहुरीका कारण रुख ढल्ने, बिजुलीका पोल तथा तारमा क्षति पुग्ने, टिनका छाना उड्ने तथा खुला स्थानमा रहेका सामग्रीहरू उड्ने वा क्षति पुग्न सक्ने जनाएको छ। सूचनामा हावाहुरीका कारण अप्रत्यासित दुर्घटना समेत हुन सक्ने भएकाले सबै नागरिकलाई सचेत र सुरक्षित रहन अनुरोध गरिएको छ। विशेषगरी खुला स्थानमा अनावश्यक रूपमा नबस्न, कमजोर संरचनाको वरिपरि सावधानी अपनाउन तथा विद्युत् लाइन नजिक सतर्क रहन आग्रह…

हेटौँडा,जेठ ८ गते। हेटौंडा उपमहानगरपालिकाकी प्रमुख मिना कुमारी लामाले स्वच्छ खानेपानी र सरसफाइलाई विकासको मुख्य पूर्वाधारका रूपमा अघि बढाउनुपर्ने बताएकी छन् ।   हेटौंडा खानेपानी व्यवस्थापन बोर्डको १३औँ वार्षिकोत्सव समारोह–२०८३ का अवसरमा सामाजिक सञ्जाल फेसबुक मार्फत शुभकामना व्यक्त गर्दै प्रमुख लामाले हेटौंडा उपमहानगरभित्र स्वच्छ र सफा खानेपानीको सहज व्यवस्थापनका लागि नगरपालिका, खानेपानी व्यवस्थापन बोर्ड तथा खानेपानी उपभोक्ता समितिहरूबीच सहकार्य भइरहेको उल्लेख गरेकी हुन् । उनले “विकासको पूर्वाधार स्वच्छ खानेपानी तथा सरसफाइ” भन्ने नारासहित स्वच्छ पानीको पहुँच विस्तारलाई नगरको प्राथमिकतामा राखिएको बताइन् । नागरिकको दैनिक जीवनसँग प्रत्यक्ष जोडिएको खानेपानी व्यवस्थापनमा उपभोक्ताको भूमिका महत्वपूर्ण हुने उल्लेख गर्दै हेटौंडावासीले दिएको सहयोग र सहभागिताप्रति…

हेटौँडा,जेठ ७ गते। सरकारले सरकारी मातहतका सबै विज्ञापनहरू सरकारी सञ्चार माध्यममार्फत मात्रै प्रवाह गर्ने नीतिगत निर्णय गरेपछि निजी क्षेत्रबाट सञ्चालित सञ्चार माध्यमहरू आन्दोलित बनेका छन् । उक्त निर्णयलाई विभेदकारी र प्रेस स्वतन्त्रता विरोधी भन्दै नेपाल पत्रकार महासंघले देशव्यापी दबाबमूलक आन्दोलनका कार्यक्रम अघि बढाएको छ । महासंघले दोस्रो चरणको आन्दोलनअन्तर्गत केन्द्रदेखि देशभरका शाखामार्फत सप्ताहव्यापी हस्ताक्षर संकलन अभियान सञ्चालन गरिरहेको छ । सोही अभियानअन्तर्गत आज मकवानपुर जिल्लामा पनि पत्रकार, सञ्चारगृह सञ्चालक तथा सञ्चारकर्मीहरूको सहभागितामा हस्ताक्षर अभियान सम्पन्न गरिएको छ । मकवानपुरमा विभिन्न सञ्चार माध्यममा कार्यरत पत्रकारहरू तथा मिडिया सञ्चालकहरूले एकमत हुँदै सरकारी निर्णयप्रति असहमति जनाएका छन् । उनीहरूले प्रेस तथा अभिव्यक्ति स्वतन्त्रतामाथि…

हेटौँडा,जेठ ७ गते। सेवा सहयोग र आवाजका अध्यक्ष तथा सामाजिक अभियान्ता विशालराज महतले जिल्ला प्रहरी कार्यालयको हिरासतभित्र आफूहरूले भोगेको अवस्थाबारे सामाजिक सञ्जाल फेसबुक मार्फत सार्वजनिक गर्दै नेपालको हिरासत व्यवस्थामाथि गम्भीर प्रश्न उठाएका छन्। हेटौंडा अस्पतालको नाममा रहेको जग्गाको स्वामित्व अस्पतालकै नाममा कायम रहनुपर्ने मागसहित अस्पतालको बोर्ड कायम गर्ने क्रममा आफूहरूसहित चार जनालाई २०८२ वैशाख ३ गते हिरासतमा राखिएको उल्लेख गर्दै महतले उक्त अनुभव केवल व्यक्तिगत नभई नेपालको हिरासत प्रणालीको वास्तविकता नजिकबाट बुझ्ने अवसर बनेको बताएका छन्। महतका अनुसार हिरासतभित्र प्रवेश गरेलगत्तै कैदीबन्दीलाई भित्तामा बनाइएको बुद्धको चित्रमा टाउको ठोक्काएर “नियम मान्न” बाध्य बनाइने, नमाने कुटपिटको डर देखाइने जस्ता व्यवहार हुने गरेको…

भैरवरोड,जेठ ६ गते। नवीन सिग्देल र सुशील घिमिरेको पहलमा हेटौँडा–४ स्थित भैरवरोड क्षेत्रमा वर्षायाममा हुने डुबान तथा सडकमा पानी बग्ने समस्याको समाधान प्रक्रिया अघि बढाइएको छ। बुधबार उपमहानगरपालिकाका प्राविधिकसहितको टोलीले भैरवरोड क्षेत्रमा स्थलगत अध्ययन गर्दै पानी जम्ने, ढल अवरुद्ध हुने तथा वर्षाका बेला सडक नै खोलाजस्तै बग्ने समस्याको निरीक्षण गरेको हो। केही दिनअघि वडा नं. ४ का अध्यक्ष सिग्देलले मिना कुमारी लामासँग समस्या समाधानका विषयमा छलफल गरेपछि प्राविधिक टोली परिचालन गरिएको जनाइएको छ। अध्ययन टोलीमा उपमहानगरपालिकाका योजना प्रमुख ई. सुवोध थापा, वातावरण इन्जिनियर चन्दा खड्का, जनप्रतिनिधि, प्राविधिक कर्मचारी तथा स्थानीय बासिन्दाको सहभागिता रहेको थियो। टोलीले क्षेत्रका ढल संरचना, पानी निकासको…