स्थानीय

हेटौंडा, फागुन २९ गते । शिवम सिमेन्ट उद्योगबाट हुने धुलो–धुवाँ नियन्त्रणको माग गर्दै स्थानीय बासिन्दाले पुनः आन्दोलनको चेतावनी दिएका छन्। सेवा सहयोग र आवाजका अध्यक्ष तथा सामाजिक अभियान्ता विशालराज महतले सामाजिक सञ्जाल फेसबुक मार्फत उद्योग र जन-प्रतिनिधिप्रति असन्तुष्टि जनाउँदै अब आन्दोलनको तयारीमा रहेको बताएका हुन्। महतका अनुसार पटक–पटक खबरदारी गरिएपछि शिवम सिमेन्टका प्रतिनिधिसँग दुई पटकसम्म स्पष्ट छलफल भएको थियो। सो छलफलमा उद्योगका प्रतिनिधि, स्थानीय पीडित बासिन्दा, जनप्रतिनिधि तथा पत्रकारहरूको उपस्थितिमा धुलो–धुवाँ नियन्त्रणका विषयमा समाधान खोज्ने सहमति भएको थियो। तर उद्योगका तर्फबाट निरन्तर आलटाल मात्र भएको आरोप महतले लगाएका छन्। उद्योगले प्रभावकारी कदम नचालेपछि स्थानीय बासिन्दाको उपस्थितिमा आन्दोलनको घोषणा गरिएको उनले…

बस्तिपुर, फागुन २८ गते । बस्तीपुर जेसीज मनहरीले आफ्नो १६ औँ स्थापना दिवसको अवसरमा अन्तरक्रिया तथा दीप प्रज्वलन कार्यक्रम आयोजना गरी मनाएको छ। सन् २०११ मा हेटौंडा जेसीजको मातृत्वमा स्थापना भएको बस्तीपुर जेसीज मनहरीले यस वर्ष १६ औँ वसन्त पार गरेको हो। स्वर्गीय गणेश प्रसाद भेटवालको अध्यक्षतामा स्थापना भएको यस शाखालाई हाल वर्ष २०२६ का अध्यक्ष जेसी सुरज बर्तौलाले नेतृत्व गर्दै अगाडि बढाइरहेका छन्। स्थापना दिवसको अवसरमा आयोजित कार्यक्रममा निर्मल बहुमुखी क्याम्पसका प्रमुख तथा बस्तीपुर जेसीज मनहरी वर्ष २०२६ का बोर्ड सल्लाहकार सुभाष चन्द्र कँडेलको प्रमुख आतिथ्यता रहेको थियो। जेसी सुशील सापकोटाको संयोजकत्वमा सम्पन्न कार्यक्रममा शाखा अध्यक्ष जेसी सुरज बर्तौलाको…

हेटौंडा, फागुन २८ गते । पाँच–छ वर्षदेखि निर्माण अलपत्र परेको झुलुङ्गे पुलका सामग्रीहरू सडक किनार तथा खुला स्थानमा छरपस्ट अवस्थामा भेटिएका छन्। पुल निर्माणका लागि ल्याइएका प्लेट तथा अन्य सरसामानहरू लामो समयसम्म प्रयोगमा नआउँदा बेवारिसे जस्तै अवस्थामा रहेका छन्। पुल निर्माणमा प्रयोग हुने केही प्लेटहरू सुरक्षित राख्ने उद्देश्यले गढि गाउँपालिका वडा नम्बर ५ ले केही समयअघि आफ्नै सुरक्षा घेराभित्र राखेको देखिएको छ। तर बाँकी सामग्रीहरू भने व्यवस्थित रूपमा संरक्षण हुन नसकेको स्थानीयले बताएका छन्। झुलुङ्गे पुल निर्माणको जिम्मा निर्माण कम्पनीले राडो नेपाललाई दिएको बुझिएको छ। तर बजेट अभाव, पुरानो प्रविधिको पुलको डिजाइन तथा अन्य प्रशासनिक कारणका कारण पुल निर्माण कार्य…

मनहरी, फागुन २७ गते । मकवानपुरको मनहरी गाउँपालिका–२ बुद्धचोकमा नसर्ने रोग पहिचानका लागि समुदाय स्तरमा स्वास्थ्य परीक्षण कार्यक्रम सञ्चालन गरिएको छ। मनहरी गाउँपालिका स्वास्थ्य शाखाद्वारा आयोजित स्वास्थ्य परीक्षण अभियान अन्तर्गत बुधबार उक्त क्षेत्रमा स्क्रिनिङ्ग कार्यक्रम गरिएको हो। स्क्रिनिङ्ग सेवा मनहरी–२ तिन्तलेस्थित सहिद हिरा स्मृति आधारभूत स्वास्थ्य केन्द्रमा कार्यरत अहेव पर्मिला दङ्गालको नेतृत्वमा सञ्चालन गरिएको स्वास्थ्य शाखाले जनाएको छ। कार्यक्रममा ३० वर्षभन्दा माथिका नागरिकहरूको स्वास्थ्य परीक्षण गरिएको थियो। स्वास्थ्य परीक्षण अन्तर्गत मधुमेह, उच्च रक्तचाप, मिर्गौला सम्बन्धी समस्या, तौल तथा उचाइको अनुपात जाँच लगायतका परीक्षण गरिएको थियो। बुधबार सम्पन्न अभियानमा झुल्यान, तिन्तले, घट्टेपाखा, दोभान, गोगनघारी, मेलटोल, भुन्द्रुङ्खोला र टाँडी क्षेत्रका करिब ८५…

हेटौंडा, फागुन २६ गते । मदन भण्डारी स्वास्थ्य विज्ञान प्रतिष्ठान अन्तर्गत रहेको हेटौंडा अस्पतालमा शववाहन अभाव रहेको विषयमा एम्बुलेन्सलाई शववाहनमा रुपान्तरण गर्ने प्रस्ताव अघि बढे पनि कानुनी प्रावधान स्पष्ट नभएकाले प्रक्रिया अन्योलमा परेको छ। जनस्वास्थ्य कार्यालय मकवानपुरमा हिजो एम्बुलेन्स सञ्चालन सम्बन्धी विषयमा भएको छलफलका क्रममा हेटौंडा अस्पतालमा शववाहन अभाव रहेको जानकारी प्राप्त भएको हो। एम्बुलेन्स सेवा निर्देशिका २०८२ अनुसार १० वर्षभन्दा बढी सञ्चालन भएका “ग” वर्गका एम्बुलेन्स सञ्चालन गर्न नमिल्ने व्यवस्था छ। सोही आधारमा हर्नामाडी स्वास्थ्य चौकीको एम्बुलेन्सलाई २०८२ माघ ४ गतेको निर्णयअनुसार शववाहनका रूपमा हस्तान्तरण गर्न सिफारिस गरिएको बताइएको छ। त्यसैगरी २०८२ माघ १३ गते हेटौंडा उपमहानगरपालिकाले पनि सोही…

हेटौंडा, फागुन २५ गते । मोक्तान समाज नेपालद्वारा आयोजित मोक्तान परिवारको सामूहिक कुल पूजा कार्यक्रम एक दिने पूजापाठका साथ हेटौंडामा सम्पन्न भएको छ। कार्यक्रममा मकवानपुरका विभिन्न स्थानबाट निमन्त्रणा स्वीकार गरी सहभागी भएका मोक्तान दाजुभाइहरूको उल्लेखनीय उपस्थिति रहेको आयोजकले जनाएको छ। पूजापाठ तथा धार्मिक विधिअनुसार सम्पन्न कार्यक्रममा सहभागी सम्पूर्ण मोक्तान परिवारप्रति आयोजकले हार्दिक नमन व्यक्त गर्दै पारिवारिक सुख, शान्ति र समृद्धिको शुभकामना व्यक्त गरेको छ। कार्यक्रममा बोल्दै मोक्तान समाज नेपालका अध्यक्ष जीवन मान मोक्तान तामाङले धर्म, संस्कार, संस्कृति र पहिचानले नै समुदायको मौलिक चिनारी जोगाइराख्ने बताए। उनले यस्ता कार्यक्रमले समुदायबीच एकता, आपसी सम्बन्ध तथा सांस्कृतिक परम्पराको संरक्षणमा महत्वपूर्ण भूमिका खेल्ने विश्वास…

हेटौँडा, फागुन २४ गते । हेटौंडामा विगतदेखि सञ्चालन हुँदै आएका मेला–महोत्सवप्रति पारदर्शिता र जवाफदेहिताको माग उठ्न थालेको छ। सेवा सहयोग र आवाज संस्थाका अध्यक्ष तथा सामाजिक अभियान्ता विशालराज महतले सामाजिक सञ्जाल फेसबुक मार्फत मेला सञ्चालन प्रक्रिया माथि गम्भीर प्रश्न उठाएका हुन्। महतले आफ्नो फेसबुक स्टाटसमा हेटौंडामा वर्षौंदेखि मेला–महोत्सव हुँदै आए पनि त्यसबाट आम जनतालाई भन्दा केही व्यक्तिहरुको गोजी भर्ने काम मात्रै भइरहेको भन्ने व्यापक गुनासो रहेको उल्लेख गरेका छन्। उनले सम्बन्धित निकायले बारम्बार एउटै संस्थालाई मात्र मेला सञ्चालनको जिम्मेवारी दिनु आफैंमा प्रश्नको विषय भएको बताएका छन्। उनले मेला सञ्चालनसँग सम्बन्धित टिकट दर, स्टल शुल्क तथा त्यसको मापदण्ड के हो भन्ने…

हेटौँडा, फागुन २४ गते । हेटौंडा उपमहानगरपालिका वडा नम्बर १८ स्थित स्वास्थ्य चौकीमा रहेको एम्बुलेन्स आवश्यक अनुमति नपाउँदा लामो समयदेखि सञ्चालनमा आउन नसकेको पाइएको छ। बिरामीलाई अस्पताल लैजान अत्यावश्यक साधन भए पनि प्रशासनिक प्रक्रियामा फाइल अल्झिँदा एम्बुलेन्स प्रयोगविहीन अवस्थामा रहेको स्थानीयले बताएका छन्। स्थानीयका अनुसार एम्बुलेन्स सञ्चालनका लागि आवश्यक कागजी प्रक्रिया जनस्वास्थ्य कार्यालयसम्म पुगेको भए पनि अन्तिम स्वीकृतिको फाइल महिनौँदेखि सम्बन्धित निकायको टेबलमै थन्किएको छ। यसका कारण एम्बुलेन्स प्रयोगमा आउन नसकेको र बिरामीहरू समयमै अस्पताल पुर्‍याउन समस्या भइरहेको गुनासो गरिएको छ। स्वास्थ्य चौकीमा एम्बुलेन्स तयार अवस्थामा भए पनि प्रशासनिक अनुमति नपाउँदा सञ्चालन हुन नसक्दा स्थानीय बासिन्दा आक्रोशित भएका छन्। बिरामीको…