स्थानीय

कैलाश गाउँपालिका,पुस ४ गते । कैलाश गाउँपालिका, कालिकाटारले इसाई धर्मावलम्बीहरूको महान् पर्व क्रिसमस डेको अवसरमा हार्दिक शुभकामना व्यक्त गर्दै गाउँपालिकाभित्र तीन दिन सार्वजनिक बिदा दिने घोषणा गरेको छ। गाउँपालिका अध्यक्ष लोकबहादुर मोक्तानद्वारा जारी शुभकामना सन्देशमा स्वदेश तथा विदेशमा रहेका सम्पूर्ण इसाई धर्मावलम्बी दिदीबहिनी तथा दाजुभाइहरूमा सुस्वास्थ्य, दीर्घायु, सुख, शान्ति, समृद्धि र उत्तरोत्तर प्रगतिको कामना गरिएको छ। साथै यस्ता धार्मिक चाडपर्वले समुदायमा आपसी सद्भाव, सहिष्णुता, सामाजिक एकता र भातृत्वको भावना अभिवृद्धि गर्दै शान्त, समुन्नत र समृद्ध कैलाश निर्माणमा प्रेरणा दिने विश्वास व्यक्त गरिएको छ। यसै अवसरमा कैलाश गाउँपालिकाले मिति २०८२ साल पौष १०, ११ र १२ गते (तदनुसार सन् २०२५ डिसेम्बर…

हेटौंडा, पुस ४ गते । जिल्ला प्रहरी कार्यालय मकवानपुरले अवैध रूपमा गरिएको लागू औषध गाँजा तथा अफिम खेती फडानी गरी नष्ट गरेको छ। प्रेस विज्ञप्ति अनुसार मिति २०८२ साल पौष ३ गते बिहान ९:४५ बजे इलाका प्रहरी कार्यालय पशुपतिनगर, बागमती प्रदेश प्रहरी गण हेटौडा तथा सशस्त्र प्रहरी बल १४ नम्बर गण हे.क्वा. मकवानपुरबाट संयुक्त रूपमा खटिएको प्रहरी टोलीले उक्त कारबाही गरेको हो। प्रहरी टोलीले हेटौडा उपमहानगरपालिका वडा नम्बर १५ र १६ अन्तर्गत पर्ने चिप्लेरी, बंगेली काँसघारी, शक्तिखोला खानेखेत तथा दिले खोलाको आसपास क्षेत्रमा अवैध रूपमा गरिएको लागू औषध गाँजा तथा अफिम खेती करिब १० बिगहा क्षेत्रफलमा फडानी गरी पूर्ण रूपमा…

मनहरी, पुस २ गते । मनहरी–२ घट्टेपाखा निवासी बुद्धिबहादुर रुम्बाको असमयिक निधन भएको छ। उनको जन्म २०१४ साल कार्तिक ९ गते भएको थियो भने २०८२ साल मङ्सिर २३ गते उनको निधन भएको हो। उनी नेकपा माओवादीका केन्द्रीय प्रतिनिधि सदस्य गुण सी, मुना रुम्बा, रणबहादुर रुम्बा तथा अक्कल बहादुर रुम्बाका बुवा थिए। बुद्धिबहादुर रुम्बाको निधनको खबरले परिवारजन मात्र होइन, पार्टी पंक्ति समेत गहिरो रूपमा दुखित र स्तब्ध भएको छ। यस दुखद घडीमा नेपाल कम्युनिस्ट पार्टी माओवादी जिल्ला समिति मकवानपुरले दिवंगत आत्माप्रति हार्दिक श्रद्धाञ्जली अर्पण गर्दै शोक सन्तप्त परिवारजनमा गहिरो समवेदना प्रकट गरेको छ। पार्टीले स्वर्गीय रुम्बाको आत्माको चिरशान्तिको कामना गर्दै परिवारलाई…

हेटौंडा, पुस २ गते । सेवा, सहयोग र आवाज संस्थाका अध्यक्ष विशालराज महतले नगरको फोहोर व्यवस्थापन तथा डम्पिङ साइटमा भइरहेको अवस्थाबारे नगरप्रमुख मीनाकुमारी लामासँग प्रत्यक्ष छलफल गरिएको बताएका छन्। नगरपालिकामा रहेको नगरप्रमुखको कार्यकक्षमै पुगेर संस्थाको तर्फबाट हालको फोहोर व्यवस्थापन प्रणाली, डम्पिङ साइटमा भइरहेको आगलागी तथा त्यसले स्थानीय बासिन्दाको स्वास्थ्यमा पारेको गम्भीर असरबारे जानकारी गराइएको अध्यक्ष महतले बताए। उनका अनुसार छलफलका क्रममा नगरपालिकाले फोहोर व्यवस्थापनका विषयमा केही काम गरिरहेको जानकारी दिए पनि दीर्घकालीन समाधान र ठोस निर्णयको पक्षमा अपेक्षित जवाफ प्राप्त हुन सकेन। “हामीले उठाएका विषयमा खासै सन्तोषजनक निर्णय आउन सकेन, तर नगरपालिकाले केही सकारात्मक काम गरिरहेको पक्षलाई भने नकार्न मिल्दैन,”…

हेटौंडा, पुस २ गते । श्रम संस्कृति पार्टीका केन्द्रीय उपाध्यक्ष देवराज लामा पक्राउ परेपछि सामाजिक सञ्जाल तातेको छ। पुस १ गते २०६७ सालसँग सम्बन्धित एक मुद्दामा अनुसन्धानका लागि देवराज लामालाई पक्राउ गरिएपछि पार्टीभित्र र बाहिर व्यापक चर्चा भइरहेको छ। यसै सन्दर्भमा श्रम संस्कृति पार्टीका केन्द्रीय सदस्य सुन्दर लामाले करिब ८ मिनेट ४ सेकेन्ड लामो भिडियो सन्देशमार्फत पार्टीको आधिकारिक धारणा सार्वजनिक गरेका छन्। भिडियो सन्देशमा उनले कानुनी राज्यको मान्यता अनुसार निष्पक्ष छानबिन हुनुपर्नेमा जोड दिँदै अनुसन्धान प्रक्रियामा पार्टीले कुनै हस्तक्षेप नगर्ने स्पष्ट पारेका छन्। सुन्दर लामाका अनुसार पार्टी अध्यक्ष हर्क साम्पाङले यस विषयमा पहिल्यै स्पष्ट धारणा राखिसक्नुभएको छ। “यदि अनुसन्धानबाट देवराज…

बकैया गाउँपालिका, पुस १ गते । मकवानपुर जिल्लाको बकैया गाउँपालिका–७ अँधेरीमा भएको ट्याक्टर दुर्घटनामा जम्मा १९ जना घाइते भएका छन् भने तीमध्ये ३ जनाको उपचारका क्रममा मृत्यु भएको छ। दुर्घटनामा घाइते भई मृत्यु हुनेमा बकैया–७ अँधेरी बस्ने अन्दाजी ५०/५५ वर्षका केशव माझी रहेका छन्। टाउकोमा गम्भीर चोट लागेका माझीलाई हेटौंडा अस्पतालमा भर्ना गरिएलगत्तै दिउँसो १४:३० बजे चिकित्सकले मृत घोषणा गरेका हुन्। यस्तै, सोही स्थानका अन्दाजी ५०/५५ वर्षका युवराज माझीको पनि टाउकोमा गम्भीर चोट लागेको थियो। उनलाई हेटौंडा अस्पतालमा इन गरिएलगत्तै दिउँसो १४:२६ बजे चिकित्सकले मृत घोषणा गरेका थिए। दुर्घटनामा घाइते भएका बकैया–७ अँधेरीका अन्दाजी ४५ वर्षका सन्तलाल माझीलाई पनि चिकित्सकले…

हेटौंडा, पुस १ गते । हेटौंडा अस्पतालमा जन्मिएको ६ दिनको नवजात शिशुको उपचारको क्रममा मृत्यु भएपछि अस्पताल परिसरमा तनावपूर्ण अवस्था सिर्जना भएको छ। शिशुको मृत्यु भएपश्चात पीडित पक्ष र अस्पताल प्रशासनबीच छलफल भए पनि कुनै ठोस निष्कर्ष ननिस्किएपछि अवस्था थप संवेदनशील बनेको हो। पीडित पक्षले शिशुलाई उपचारका क्रममा तातो हिटरमा राख्दा करेन्ट लागेर मृत्यु हुन सक्ने आशंका व्यक्त गरेका छन्। उनीहरूको भनाइ अनुसार भर्खर जन्मिएको शिशुको मृत्यु सामान्य नभई लापरवाहीका कारण भएको हुन सक्ने भएकाले निष्पक्ष छानबिन हुनुपर्ने माग राखिएको छ। तर सरोकारवाला पक्ष अस्पतालले भने करेन्ट लागेर मृत्यु भएको दाबी अस्वीकार गर्दै उक्त कुरा सम्भव नरहेको र घटनाको सत्यतथ्य…